RAWMA 8:16 - Mara Bible RV (BSI)

¹⁶ Cha Thlahpa tlai chata keimo thlahpa nata a kaopa ta, Khazohpa sawzy eima châ tahpa miah a pahnokhei.

RAWMA 8:16 ပူးပေါင်းရင်းမြစ်များ

HÔSIA 1:10

“Chatahrasala Izarei saw maluh cha rei tiah leipa nata panua tiah leipa tilaipi sadi zie hawhta châ aw ei ta, ‘Ei phopi châ veih ei chi’ tahpa ta ama awna su liata, ‘Khazohpa hrohpa sawzy nama châ’ tahpa ta awpa tlao ama châ ha aw.

MATHAI 5:9

“Aryhna taotuhpazy ama nohlao na, Khazohpa sawzy bipa ama châ awpa vâta.

LUKA 20:36

Thi thei khao aw veih ei. Thyuheihna sawzy ama châpa vâta, Khazohpa sawzy châ ei ta, vâlyuhchâpazy hawhta ama châ haw.

ZAWHÂNA 1:12

Châhrasala ano a pyhpa nata ano a ngiapâpa zydua cha, Khazohpa sawzy châ theina biehneina a pie ei.

HMOTAOPAZY 5:32

Keimo he cha hmozy a pahnotuhpa châ pi ta, a bie a zyhpazy hnohta Khazohpa ta a piepa Thlahpa Pathaihpa chhao ta a pahno hra,” tahpa ta a chhy ei ta.

RAWMA 8:14

Khazohpa Thlahpa chhihthapa ta a ypa maih Khazohpa sawzy ama châ.

RAWMA 8:19

Hmotaopazy ta Khazohpa sawzy aluahna daihti vâpa ta, ngiatiah leipa ta ama hâ thlâh haw.

RAWMA 8:23

Hmotaopazy dei châ vei, keimo, Thlahpa thei hmiatuapa a hneituhpazy tlai chhao heta, saw châ awpa ta eima pôhpa chatlaina cha ngiatiah leipa ta hâpa ta, palôh ta eimâ rôh ngâ kaw hra.

RAWMA 8:26

Cha hawhna chata, Thlahpa ta eima chiehleinazy liata miah a bao tyh. Thlahchhâ nawpa chybia chhao eima pahno lei nota, Thlahpa ta ahrôna rei hlei thei leipa ta thlah miah a chhâpa tyh.

RAWMA 9:26

“‘Ei phopi châ veih ei chi,’ a tahna su liata, ‘Khazohpa hroh sawzy,’ bipa ama châ aw.”

RAWMA 9:8

Cha yzie cha, sapa sawzy cha Khazohpa sawzy châ leipa ei ta, bietai sawzy cha Abarahâ pathla ta raopa tlao ama châ.

2 KAWRINI 1:12

He he eimâ palaikhei: Khizaw sona ta châ leipa ta, Khazohpa ngiachhiena vâta, he khizaw liata nata nâmo liata pathaihna nata Khazohpa liata adona ta eima hro tyhpa kha, eima chhie na pha pahnona ta miah a pahnokhei.

2 KAWRINI 1:22

Ano eih eima châpa miah ngiatuhpa chhao châ ta, bie ataihna châta a Thlahpa eima palôh liata miah pietuhpa a châ hra.

2 KAWRINI 5:5

Cha châta miah pachhuapanohtuhpa cha Khazohpa châ ta, a bietai pa-i nawpa ta a Thlahpa miah a pie.

2 KAWRINI 6:18

Nama paw châ aw na ta, Ei sawchapawzy nata ei sawchanôzy nama châ aw, Abeipa Atotaotheipa ta a tah,” a tahpa hawhna khata.

KALATIA 3:26

Ngiapâna vâta, nama zydua ta Krista Zisu liata Khazohpa sawzy nama châ.

KALATIA 4:6

Sawchapaw nama châpa vâta Khazohpa ta a Sawchapawpa Thlahpa cha eima palôh chhôh liata za tuah ta, “Abba! Ei Paw!” tahpa ta a aw tyh.

EPHESI 1:13

Nâmo chhao, nama pachhana thâtihpha biehmeiseihpa thei ei chi ta, namâ ngiapâ ha tawhta cha, ano liana chata bietai Thlahpa Pathaihpa ta pa-ipa nama châ.

EPHESI 4:30

Khazohpa Thlahpa Pathaihpa pachâ parôh khuh vy, chatlaina noh châta ano ta ngiapa nama châ.

RYHPACHANEINA 14:1

“Abeipa nama Khazohpa sawzy nama châ. Athihpa châta sasyh namâ â awpa châ leipa ta, nama khipâh sâ ngyupa ta nama patlyh awpa châ vei.

1 ZAWHÂNA 3:1

Pachâ teh u, Paw ta kyh miah pachâna cha thata a châ kaw dia! Khazohpa sawzy ta miah a bie ha hih. Cha hawhpa cha eima châ tlai na. Khizaw ta Khazohpa a pahno leipa vâta, keimo chhao miah pahno veih ei.

1 ZAWHÂNA 3:10

He liana heta ahyzy ma Khazohpa sawzy châ ei ta, ahyzy ma ahripa sawzy a châ ei tahpa â hno: Ahy rai siana a hrokhei leipa cha, Khazohpa tawhta a puapa châ vei. A unawhpa kyh a pachâ leipa chhao Khazohpa tawhta a puapa châ vei.

1 ZAWHÂNA 3:2

Kho ngaitapa saih u, Khazohpa sawzy eima châ haw. Kheihta ma eima y aw tahpa deikua a lâ mâh vei. Châhrasala ano â vaw luah tita, ano hawhta eima y aw tahpa eima pahno. Ano cha a châna ualua ta eima hmô aw.

1 ZAWHÂNA 4:13

A Thlahpa miah a piepa liana heta, ano liata y pi ta, ano chhao keimo liata a y tahpa eima pahno.

1 ZAWHÂNA 5:10

Khazohpa Sawchapawpa a ngiapâpa maih ano liata a pahnona a hnei. Khazohpa a ngiapâ leipa deikua cha, Khazohpa ta a Sawchapawpa a pahnokheina â ngiapâ leipa vâta, Khazohpa cha a haihpa ta a tao.

BIEPHUAH 21:7

Pahnietuhpa cha he ryu he a to aw. A Khazohpa châ aw na ta, ei saw a châ aw.