RAWMA 8:10 - Mara Bible RV (BSI)

¹⁰ Châhrasala Krista cha nâmo liata a y khiahta cha, moleina vâta nama pôhpa cha thi hra sala, nama thlahpa deikua cha siana vâta a hroh.

RAWMA 8:10 ပူးပေါင်းရင်းမြစ်များ

THEIHTHAINA 13:40

“Chyhsa a sâ a py khai ha khiahta cha, luh pôlôpa châ ta, châhrasala pathaihpa a châ.

ZAWHÂNA 14:23

Zisu ta a chhy ta, “Chyhsa ta kyh eina pachâ khiahta cha, ei bie zyh aw ta, ei Paw ta ano cha kyhpachâ aw ta, ano lâ a vy aw pi ta, a hnohta eima pahrâ aw.

ZAWHÂNA 15:5

Kei kre zôh châ na ta, nâmo a chiahzy nama châ. Ahy rai keima liata y thlâh ha ta, kei chhao ano liata ei y thlâh hana chyhsa cha thei hluhpi a pathei tyh. Keima leipa ta khâpa hmah tao thei veih ei chi.

ZAWHÂNA 17:23

Kei âmo liata y na ta, nâ keima liata na ypa vâta, âmo chhao â ipa ta pôhkha ama châ. Chatanachata nâ ta kei na tuah chi ta, kyh eina pachâpa hawhna chi heta, âmo chhao kyh na pachâ ei tahpa khizaw ta ama pahno aw.

ZAWHÂNA 4:14

kei ta ei pie awpa ti a dohpa deikua cha, a dâh phi heih khao aw vei. Kei ta ei pie awpa ti cha, a chhôh liata tihnawh lâta a lie aw ta, chhâzaw hrona taihta a pali aw,” tah ta.

ZAWHÂNA 6:54

Ahy rai ei sapa nie ta, ei thisaih a dohpa cha chhâzaw hrona a hnei haw, noh chhâna noh liata ano cha ei pathyu aw.

ZAWHÂNA 6:56

Ahy rai ei sapa nie ta, ei thisaih a dohpa cha, keima liata a y thlâh ha tyh, kei chhao ano liata ei y thlâh ha tyh.

RAWMA 5:12

Chyhsa pakha vâta moleina khizaw liata a ngia ta, moleina vâta thina a ngia ta, cha hawhna chata, chyhsa zydua ta hmo ama paraopa vâta, thina ta chyhsa zydua cha a chahryh haw.

RAWMA 5:21

Moleina chata thina ta ryureih ta, ngiachhiena deikua cha, eima Beipa Zisu Krista zawhzi ta chhâzaw hrona a tlôkheipa siana ryureina a châ.

RAWMA 8:11

Athihpa hry tawhta Zisu a pathyutuhpa Thlahpa nâmo liata a y khiahta cha, athihpa hry tawhta Krista Zisu a pathyutuhpa chata, nâmo liata a ypa a Thlahpa zawhzi ta, nama pôhpa thi theipazy cha a pahro aw.

1 KAWRINI 15:45

Chavâta, “Chyhsa hmiatua chaipa Âdâh cha chyhsa hrohpa a vaw châ,” tahpa ta ropa a châ. Âdâh hnôhchaipa cha hrona pietuhpa thlahpa a vaw châ haw.

2 KAWRINI 13:5

Ngiapâna liata nama y ma tahpa nâmosasyh ta a mohpasia u la, nâmosasyh ta a pasia teh u. Zisu Krista cha nâmo liata a y tahpa nâmo tlai ta pahno veih ei chi mâ? Pasiana liata a tloh leipa nama châ vei khiahta cha, nâmo ta nama pahno aw.

2 KAWRINI 4:11

Eima pôhpa thi theipa liana heta Zisu hrona â lâ thei nawpa ta, keimo ahrohpazy pi he Zisu vâta thina lâta hlâpa ta khâ eima y.

2 KAWRINI 5:21

Krista zawhzi ta Khazohpa siana eimâ hly thei nawpa ta, moleina rai a hnei leipa cha, Khazohpa ta keimo vâta moleipa ta a tao.

KALATIA 2:20

Krista hnohta khaipâpa ta ei y. Châhrasala ei hroh. A hrohpa deikua cha kei châ khao va na, Krista cha kei liata tlao a hroh. Tahmâ pôhpa ta ei hropa he, kyh na pachâ ta, ei châta anosasyh â hlâtuhpa Khazohpa Sawchapawpa ngiapâna liata a hrohpa ei châ.

EPHESI 3:17

Chatanachata Krista cha ngiapâna vâta nama palôhzy liata pahrâ aw ta, a kyhpachâna liata thari thlapa nata abôna hneipa ta y thei aw ei chi ta,

PHILIPI 1:23

A likah liata pachâna pahno leipa ta ei y. Kei la sie ta, Krista hnohta y bâ awpa ei khoh. Cha cha kei châta a pha via syulyu.

PHILIPI 3:9

Ryhpa bie zyhpa vâta siana keima liata hnei leipa na ta, Krista ngiapâna vâta siana a hneipa ei châ. Cha siana cha Khazohpa tawhta a puapa châ ta, ngiapâna vâta hnei theipa deita a châ. Chavâta Krista liata ei y thei nawpa ta, hmo to kyna ta ei rao khai haw.

KAOLAOSÂ 1:27

Cha bienyupa rônahpa hneirônazie cha Zenitaizy hry liata pahnosa awpa ta, Khazohpa ta mopathaihpazy a tlyh ta, cha bienyupa cha nâmo liata a ypa Krista cha châ ta, rônahna hnabeiseihpa cha a châ.

1 THYSALAWNIKA 4:16

Abeipa cha rahaopa nata vâlyuhchâpa chônôchaipa ao nata Khazohpa chiahmie pyu chhaota avâ tawhta za chô aw ta, Krista liata athipazy cha ama thyu tua aw.

HEBRAI 12:23

Vârâh liata moh ropa sawchapaw uhtheipazy yna Awnanopa lâ a vy ei chi ta, mo to pachiatuhpa Khazohpa nata phapakipa ta taopa mosiapa sahlao thlahpazy lâ namâ vy.

HEBRAI 9:27

Chyhsapa châta ei kha thi raopa châ ta, cha hnôhlâ ta pachiana a y aw.

BIEPHUAH 14:13

Chatawhcha avâ tawhta ao ta, “Hetana heta roh teh: Tahmâ tawhta la, Abeipa liata athipazy ama nohlao aw,” a tahpa thei na ta. Thlahpa ta, “A châ na, ama hriapasanazy a pahâsai aw ei ta, ama hmotaopazy ta a zi aw ei!” tah ta.