RAWMA 7:9 - Mara Bible RV (BSI)

⁹ Eikhano kha ryhpa hnei leipa ta hroh na ta, châhrasala biepiepa a vaw y nahta, moleina a vaw hra ta, kei cha ei thi haw.

RAWMA 7:9 ပူးပေါင်းရင်းမြစ်များ

HLAZY 40:12

Paraona rei tiah leipazy ta na chadô ei ta, Ei moleinazy ta eina pha ha ei, Avâ chhao ua ngâh khao va na; Ei luh liata sâ hlâta hluh via ei ta, Ei palôh tha a panao khai haw.

MATHAI 19:20

Thyutliapa ta Zisu hnohta, “Cha zydua cha ei tao khai haw, tao awpa khâpa ei hnei via chy?” tah ta.

LUKA 15:29

châhrasala a paw cha a chhy ta, ‘Pachâ tua, chatikôsy cha chakao na ta, na rei a ngiah leipa ta y beih va na. Chatanachôta ei viasazy nata alyna ei tao nawpa ta mietaw pô kha dâhdei chhao na pie beih va chi.

LUKA 18:21

Ano ta, “Cha zydua cha ei thyutlia daihti tawhta ei zyh lymâ tyh,” tah ta.

RAWMA 10:5

Ryhpa zyhpa vâta siana hmôna kyh liata, Mawsi ta, “Ryhpa a zyhtuhpa cha, ryhpa vâna chata a hroh aw,” tahpa ta roh ta.

RAWMA 7:10

Hro nawpa ta biepiepa cha, thi nawpa tlao a châ tahpa ei vaw pahno haw.

RAWMA 7:11

Moleina ta biepiepa cha ryhpaohna ta hmâpa ta, na dôvei ta, biepiepa hmâpa ta eina thie.

RAWMA 7:4

Cha hawhna chata, unawh saih u, nâmo chhao, ryhpa cha Krista pôhpa liata nama thisai haw. Chatanachata mohropa, athihpa hry tawhta pathyupa Krista eih châ ha ei chi ta, Khazohpa châta thei pha eima pathei thei aw.

RAWMA 7:6

Tahmâ deikua cha, miah a chahrypa cha thisaipa ta, ryhpa tawhta eima pua haw. Chatanachata châropa parohpa siezie hawhta châ khao leipa ta, Thlahpa hro thiehpa ta eima chakao thei haw.

RAWMA 7:8

Châhrasala moleina ta biepiepa cha rypaohna ta hmâpa ta, uahvana to kei liata a paysa tyh. Ryhpa y leipa sala, moleina cha a thipa a châ.

RAWMA 8:7

Sapa hmo pachâna cha, Khazohpa ryhpa ry liata a y leipa vâta, Khazohpa a dyuhpa a châ. Hmeiseihta ta, sapa hmo a pachâpa châta cha, Khazohpa ryhpa ry liata y hmeiseih thei awpa châ vei.

KALATIA 2:19

Khazohpa lâta ei hroh thei nawpa ta, kei la ryhpa vâta ryhpa liata ei thi haw.

KALATIA 3:10

Ryhpa hmotaopazy liata a pahniehpa zydua cha, chhiesana ry liata ama y, “Ryhpa châbu liata bie ropa zydua a tao leipa nata a zyh leipa maih cha chhiesapa ta y mawh sy,” tahpa ropa châ tlôh ta.