RAWMA 7:7 - Mara Bible RV (BSI)

⁷ Khâpa eima reih khao aw? Ryhpa cha moleina ma? Châ bao va! Ryhpa y leipa sala, moleina ei pahno lei awpa tlai. Ryhpa ta, “Na uahva awpa châ vei,” tah leipa sala, uahvana cha khâpa ma a châ tahpa pahno aw va na.

RAWMA 7:7 ပူးပေါင်းရင်းမြစ်များ

ÂTHAONA 3:6

Chanô ta tho theipa cha moh ta, nie awpa châta phapa nata mo la ngaitapa a châpa ta hmô ta, sona hnei thei nawpa tho thei hiatlia chhihpa a châzie a pahno nahta, a thei cha lyu ta, nie ta, a hnohta a ypa a vahpa chhao pie ta, ano chhao nie hra ta.

2 SAMUELA 11:2

Noh kha cha zâlâ nohtla chy ta Dâvi cha a rakhô tawhta thyu ta, abei o vâphuh liata a hlaihlâ ta, vâphuh tawhta chanô pakha a ngai a si ngâpa za hmô ta, cha chanô cha a chhithai ngaitapa châ ta.

HLAZY 119:96

Phapakina zydua chhâna hmô ha na ta, Nâma biepiepa deikua cha chhâna hnei vei.

PUASAINA 20:17

“Na vaih o na uahva awpa châ vei. Na vaih lapinô na uahva awpa châ leipa ta, a seichapaw tlyma, a seichanô tlyma, a viahchao tôhpa tlyma, a alâ tlyma, na vaih hmo kheihawhpa rai na uahva awpa châ vei,” tah ta.

MIKÂ 2:2

Lyuzy uahvapa ta chhu ei ta, Ozy chhao uahvapa ta amâ la tyh; Chyhsa o chhu ei ta, Chyhsa ryu ama chhu tyh.

MATHAI 5:28

Châhrasala ei cha chho ei, ahy rai aohraohpa ta chanô a mohpa cha, a palôh ta chanô liata â phei haw.

LUKA 12:15

Ama hnohta, “A chado u la, uahvana kheihawhpa lia rai ta a vaih teh u. Sôh hluhpi hneipa he chyhsapa hrona chhâpa châ vei,” tah ta.

LUKA 20:16

A vy aw ta, thlyuhlaotuhpazy cha pahleipadia aw ta, kre sadô cha mohropazy a pie aw ei,” tah ta. Cha cha ama thei nahta, “Khazohpa ta pasaih khah sy?” tah ei ta.

HMOTAOPAZY 20:33

Ahy tâkâ, ngôh nata chysia hmah uahva beih va na.

RAWMA 13:9

“Nâ phei awpa châ vei; Liany na cheih awpa châ vei; Na paru awpa châ vei; Na uahva awpa châ vei,” tahpa biepiepazy nata biepiepa hropazy chhao, “Nâma kyh nâ pachâpa hawhta na vaih kyh na pachâ awpa a châ,” tahpa heta a syhpahmaoh khai.

RAWMA 3:20

Ryhpa vâta moleina pahnona vaw y ta, chavâta chyhsapa ahy hmahta hmotaopa vâta Khazohpa mohmô ta thaichâ thei aw veih ei.

RAWMA 3:5

Châhrasala keimo sialeina ta Khazohpa siana a palâsa khiahta cha, khâpa eima reih khao aw? Eima chô liata a hiehâhna a patlôsana kyh liata, Khazohpa cha sialeipa a châ ma? Cha cha chyhsapa lâ tawhta ei reipa a châ.

RAWMA 4:1

Cha khiahta la, sapa ryhpa ta miah pathlatuhpa Abarahâ kha, khâpa hmo a hmôpa hawhta ma eima reih aw?

RAWMA 4:15

Ryhpa ta pathiiana tlôkhei tyh ta, ryhpa y leina liata paraona y vei.

RAWMA 5:20

Moleina pôh nawpa ta ryhpa vaw y ta, châhrasala moleina a pôhna lia maihta ngiachhiena a pôh via rili.

RAWMA 6:15

Kheihta ma a châ aw? Ryhpa ry liata y leipa pi ta, ngiachhiena ry liata eima ypa vâta, moleina tao awpa a châ ma? Châ bao va!

RAWMA 7:11

Moleina ta biepiepa cha ryhpaohna ta hmâpa ta, na dôvei ta, biepiepa hmâpa ta eina thie.

RAWMA 7:13

Cha khiahta la, hmo phapa cha kei châta thina a châ ma? Châ bao va! Hmo phapa cha moleina ta hmâh ta, keima liata thina a tlôkheipa tlao a châ. Chatanachata moleina cha moleina a châ tahpa a lâ aw ta, molei ngaitapa a châzie biepiepa ta a palâsa aw.

RAWMA 7:5

Sapa ta eima y no kha, ryhpa ta molei khonazy papua tyh ta, eima pôhpa pachiahpazy liata thina thei pathei awpa ta rai a hria tyh.

RAWMA 7:8

Châhrasala moleina ta biepiepa cha rypaohna ta hmâpa ta, uahvana to kei liata a paysa tyh. Ryhpa y leipa sala, moleina cha a thipa a châ.

1 KAWRINI 15:56

Thina châmaih cha moleina châ ta, moleina hmotaotheina cha ryhpa bie a châ.

EPHESI 5:3

Mopathaihpazy nama châ tawhta cha, apatlana, puana zydua nata uahvana zy nama hry liata a rei chhao reipa châ khah sy.

RYHPACHANEINA 5:21

“Na vaih lapinô na uahva awpa châ vei. Na vaih o na uahva awpa châ leipa ta, a lyu tlyma, a seichapaw tlyma, a seichanô tlyma, a viahchao tôhpa tlyma, a alâ tlyma, na vaih hmo kheihawhpa rai na uahva awpa châ vei.

KAOLAOSÂ 3:5

Chavâta khizaw hro nâmo liata a ypa, apatlana, puana, parâna, molei khona nata uahvana zy cha thie teh u. Uahvana cha nothlahpa achhyna a châ.

1 THYSALAWNIKA 4:5

Khazohpa a pahno leipa Zenitaizy hawhta parâna liata a hmâh khuh vy.

HEBRAI 7:19

Ryhpa bie ta khâpa hmah pakisa thei vei. Hnabeiseihna pha viapa vaw tlô ta, cha hnabeiseihna vâna chata Khazohpa eimâ hnia thei haw.

ZAWSUA 7:21

Hraona sôhzy hry liata Sinâ poh pha ngaitapa nata tâkâ sekel za no nata ngôh tlo sekel sypangawh a hripa hmô na ta, ei hia na tlia ngaita ta, ei vaw la haw. Ei poh o chhôh liata alei ry liata nyu na ta, a ry chai liata tâkâ a y,” tah ta.