RAWMA 7:6 - Mara Bible RV (BSI)

⁶ Tahmâ deikua cha, miah a chahrypa cha thisaipa ta, ryhpa tawhta eima pua haw. Chatanachata châropa parohpa siezie hawhta châ khao leipa ta, Thlahpa hro thiehpa ta eima chakao thei haw.

RAWMA 7:6 ပူးပေါင်းရင်းမြစ်များ

EZEKIA 11:19

Palôh miakha phaoh awpa ta tao aw ei na ta, pachâna thiehpa ei pahneisa aw ei. Ama sapa tawhta alô palôh lapa aw ei na ta, sapa palôh ei pie aw ei.

EZEKIA 36:26

Palôh thiehpa cha pie aw ei na ta, nama chhôh liata thlahpa thiehpa ei soh aw. Nama pôhpa tawhta palôh châkarupa la aw na ta, palôh naipa ei cha pie aw ei.

RAWMA 1:9

Nama moh reipa ta bâh leipa ta thlah ei cha chhâpa tyh ei. Cha kyh liata, a Sawchapawpa thâtihpha raihria liata ei thlahpa ta ei chakaopa Khazohpa cha nâ pahnokheituhpa a châ.

RAWMA 12:2

He khizaw ryhpa hawhna heta y leipa u la, nama palôh pathiehpa ta tlao anano lymâ teh u. Chatanachata Khazohpa khopa cha khâpa ma a châ tahpa pahno thei aw ei chi ta, hmo phapa a pyh tlâhpa nata phapakipa cha nama pahno thei aw.

RAWMA 6:11

Cha hawhna chata nâmo chhao, moleina lâ kyh liata a thi hapa ta a rao u la, Khazohpa lâ kyh liata deikua cha, Krista Zisu liata a hrohpa ta a rao teh u.

RAWMA 6:19

Nama sapa chiehleina pahnopa ta, chyhsapa pachâna lâ tawhta ei reipa a châ. Nama pôhpa pachiahpazy cha, pathaih leina sei ta vaw hlâ tyh ei chi ta, moleina papôh rilina sei ta nama hlâ tyhpa hawhna khata, tahmâ la nama pôhpa pachiahpazy cha pathaihna lâ a chhipa siana seizy châ awpa ta hlâ teh u.

RAWMA 6:2

Châ bao va! Keimo moleina a thisai hapazy pi ta cha, kheihta ma moleina liata eima y thei khao aw?

RAWMA 6:22

Tahmâ deikua cha, moleina tawhta khotalaipa châ ha ei chi ta, Khazohpa seizy nama châ haw. A theilâpa nama hmôpa cha pathaihna lâta a chhipa châ ta, cha chhâna cha chhâzaw hrona a châ.

RAWMA 6:4

A thina liata bâti châpa ta, a hnohta pabupa ta y pi ta, Krista cha Paw rônahna ta athihpa hry tawhta a pathyupa hawhna khata, keimo chhao hrona thiehpa ta eima charei aw.

RAWMA 7:1

Unawh saih u, ryhpa cha chyhsapa hro chhôh deita ta a chô liata ryu a reih tyh tahpa pahno veih ei chi mâ? Cha cha ryhpa a pahnopazy hnohta ei reih.

RAWMA 7:2

Vahpa a hneipa chanô châta, a vahpa hro chhôh cha, ryhpa ta a vahpa liata a chahry. A vahpa a thi tawh deikua cha, ahneina ryhpa tawhta a pua haw.

RAWMA 7:4

Cha hawhna chata, unawh saih u, nâmo chhao, ryhpa cha Krista pôhpa liata nama thisai haw. Chatanachata mohropa, athihpa hry tawhta pathyupa Krista eih châ ha ei chi ta, Khazohpa châta thei pha eima pathei thei aw.

2 KAWRINI 3:6

Khazohpa ta biehrai thiehpa chakaotuhpazy châ awpa ta miah patlohsa ta, ryhpa vâta châ leipa ta, Thlahpa vâta a châ. Ryhpa ta thie ta, Thlahpa deikua ta a pahro tyh.

2 KAWRINI 5:17

Chavâta ahy rai Krista liata a ypa cha hmotao thiehpa a châ. Hmo parohpazy lei ha ta, moh teh u, athiehpa a vaw châ haw.

KALATIA 3:13

“Tho liata bangiehpa maih cha chhiesapa ama châ,” tahpa ropa hawhta, Krista cha keimo châta chhiesapa ta y ta, ryhpa chhiesana tawhta miah a pachha haw.

KALATIA 6:15

Chopawtaipa ta phahnaina hnei leipa ta, chopawtaileipa chhao phahnaina hnei hra vei. Taopathina deikua cha phahnaina a hnei.

EPHESI 4:24

siana nata pathaihna hmeiseihpa liata Khazohpa lyupa ta taopa chyhsa thiehpa ta a tobi teh u.

PHILIPI 3:3

Keimo, Thlahpa ta Khazohpa a chhypa, Krista Zisu a palaikheipa nata sapa liata ngâna rai a pahnie leipazy pi he, chopawtaipazy cha eima châ.

KAOLAOSÂ 3:10

Chyhsa thiehpa ta a tobi ha ei chi ta, cha chyhsa thiehpa cha pahnona hnei awpa ta, ano taotuhpa lyupa ta tao pathipa ta a y lymâ.