RAWMA 7:5 - Mara Bible RV (BSI)

⁵ Sapa ta eima y no kha, ryhpa ta molei khonazy papua tyh ta, eima pôhpa pachiahpazy liata thina thei pathei awpa ta rai a hria tyh.

RAWMA 7:5 ပူးပေါင်းရင်းမြစ်များ

MATHAI 15:19

Moleina pachâna, lianycheina, apheina, apatlana, paruna, haipa bie reipa nata reipachhiena zy he palôh tawhta a kaw puapa a châ.

ZAWHÂNA 3:6

Sapa ta a pihpa cha sapa châ ta, Thlahpa ta a pihpa cha thlahpa a châ.

RAWMA 1:26

Cha vâna chata Khazohpa ta nozachhih ngaitapa ta sihryh awpa ta âmo cha â heihsai ha ei. Ama chanôzy ta chanô chapaw châna hmâzie tyhpa siesaipa ta, hmâzie lei awpa ta hmâh ei ta.

RAWMA 3:20

Ryhpa vâta moleina pahnona vaw y ta, chavâta chyhsapa ahy hmahta hmotaopa vâta Khazohpa mohmô ta thaichâ thei aw veih ei.

RAWMA 4:15

Ryhpa ta pathiiana tlôkhei tyh ta, ryhpa y leina liata paraona y vei.

RAWMA 5:20

Moleina pôh nawpa ta ryhpa vaw y ta, châhrasala moleina a pôhna lia maihta ngiachhiena a pôh via rili.

RAWMA 6:13

Nama pôhpa pachiahpazy cha, sialeina chhaichhi châta moleina lâta hlâ leipa u la, thina tawhta hrona lâ chhihthapazy nama châpa hawhta, Khazohpa lâta a hlâ u la, nama pôhpa pachiahpazy cha siana chhaichhi châta Khazohpa lâta hlâ teh u.

RAWMA 6:19

Nama sapa chiehleina pahnopa ta, chyhsapa pachâna lâ tawhta ei reipa a châ. Nama pôhpa pachiahpazy cha, pathaih leina sei ta vaw hlâ tyh ei chi ta, moleina papôh rilina sei ta nama hlâ tyhpa hawhna khata, tahmâ la nama pôhpa pachiahpazy cha pathaihna lâ a chhipa siana seizy châ awpa ta hlâ teh u.

RAWMA 6:21

Tahmâ ta nama zakhei kawpa hmo nama vaw tao tyhpazy tawhna khata, khâpa theilâpa ma nama hmô? Kha hmozy chhâna cha thina a châ.

RAWMA 6:23

Moleina hlao cha thina châ tlôh ta, Khazohpa hmosaipiepa deikua cha, eima Beipa Krista Zisu zawhzi ta chhâzaw hrona a châ.

RAWMA 7:23

ei pôhpa pachiahpazy liata deikua cha, ryhpa nanopa a y tahpa ei pahno. Cha chata ei palôh ryhpa cha a dyuh ta, ei pôhpa pachiahpazy liata moleina ryhpa a ypa lâna chata sei ta einâ chhi tyh.

1 KAWRINI 15:56

Thina châmaih cha moleina châ ta, moleina hmotaotheina cha ryhpa bie a châ.

2 KAWRINI 10:3

Khizaw liata y hra sih la, khizaw adyuhna hawhta a dyuh ma pi.

KALATIA 3:10

Ryhpa hmotaopazy liata a pahniehpa zydua cha, chhiesana ry liata ama y, “Ryhpa châbu liata bie ropa zydua a tao leipa nata a zyh leipa maih cha chhiesapa ta y mawh sy,” tahpa ropa châ tlôh ta.

KALATIA 5:24

Krista Zisu liata a ypazy ta sapa cha a aohraohna nata a khonazy chhaota ama khaipâ haw.

EPHESI 2:11

Chavâta he he a thei thlâh ha teh u. Hlâno ta cha, nâmo, sapa liata Zenitaizy cha chopawtaipazy ta, “Chopawtaileipa” ama cha tah tyh. Chopawtaipa cha pôhpa liata ku ta taopa a châ.

EPHESI 2:3

Keimo chhao eikhano cha, reingiah leipazy hry liata eima vaw y hra. Eima sapa aohraohnazy papitlohsapa ta, sapa nata palôh khopazy vaw tao tyh pi ta, chyhsa hropazy hawhta hiehâhna saw ta a vaw pihpa eima châ.

KAOLAOSÂ 3:5

Chavâta khizaw hro nâmo liata a ypa, apatlana, puana, parâna, molei khona nata uahvana zy cha thie teh u. Uahvana cha nothlahpa achhyna a châ.

TITU 3:3

Kha hlâta cha keimo chhao chyhsa hrupa, chhorupa, dôvei naopa, aohraohna nata phasana to sei ta a ypa, moleina nata hnâchhaona ta a hrohpa, chyhsa ta amâ haopa nata keimo nata keimo a hao raihriepazy eima vaw châ.

ZÂMIE 1:15

Aohraohna ta saw phaoh ta, moleina sa ta, moleina cha a vaw pitloh nahta, thina a tlôkhei tyh.

ZÂMIE 4:1

Nama hry liata adyuhna nata ahryunazy he khâpa tawhta a pua tyhpa ma a châ? Nama aohraohnazy vâta nama pôhpa pachiahpazy liata adyuhna a tao tyhpa châ vei ma?

1 ZAWHÂNA 3:4

Moleina hmo a taopa maih ryhpa a paraopa ama châ. Moleina cha ryhpa paraona châ tlôh ta.