RAWMA 7:3 - Mara Bible RV (BSI)

³ A vahpa hro chhôh ta mohropa a hnei khiahta cha, apheinô ama tah aw. A vahpa a thi ha khiah deikua cha, ahneina ryhpa tawhta pua ha ta, chapaw hropa a hneipa chhao ta, apheinô châ vei.

RAWMA 7:3 ပူးပေါင်းရင်းမြစ်များ

PUASAINA 20:14

Nâ phei awpa châ vei.

THEIHTHAINA 20:10

“Ahy rai chyhsa lapinô liata tlyma, a vaih lapinô liata tlyma â phei khiahta cha, apheipaw nata apheinô cha ama pano ta thie thlyu awpa a châ.

MATHAI 5:32

Châhrasala ei cha chho ei, ahy rai, apheina kyh châ tlôh leipa ta, a lapinô a mapa cha, a lapinô a papheisatuhpa châ ta, ahy rai mapa chanô a hneipa cha apheipa a châ hra.

RAWMA 7:2

Vahpa a hneipa chanô châta, a vahpa hro chhôh cha, ryhpa ta a vahpa liata a chahry. A vahpa a thi tawh deikua cha, ahneina ryhpa tawhta a pua haw.

RAWMA 7:4

Cha hawhna chata, unawh saih u, nâmo chhao, ryhpa cha Krista pôhpa liata nama thisai haw. Chatanachata mohropa, athihpa hry tawhta pathyupa Krista eih châ ha ei chi ta, Khazohpa châta thei pha eima pathei thei aw.

RUTHI 2:13

Ruthi ta, “Ei zibeipa y, na mohmô liata khokheina ei hlaopa a châ hih! Na laihsazy hry liata a hlao pha vei hraw sah la, châ chakaotuhnô he thlah na palôh chi ta, reikah phapa ta bie einâ chho chi hih,” tah ta.