RAWMA 7:25 - Mara Bible RV (BSI)

²⁵ Zisu Krista eima Beipa vâta Khazohpa cha reithaipa ta y mawh sy! Kei tlai chhao cha, ei palôh ta Khazohpa ryhpa chakao ta, ei sapa ta deikua cha, moleina ryhpa ei vaw chakao ha tyh.

RAWMA 7:25 ပူးပေါင်းရင်းမြစ်များ

ISAI 12:1

Cha noh liata hetana heta na tah aw: “Hy Abeipa, alyna bie ei cha hlâ; Ei chô liata na hie vaw hâh ha hra sala, Na hiehâhna chalihsa chi ta, Thlah eina palôh ha chi.

ISAI 49:13

Hy avâzy saih u, thaphapa ta hla sa u la, Hy leilô y, a lypa ta y mah y. Hy tlâhpizy saih u, Lyna hla paryh teh u! Abeipa ta a phopi thlah palôh ha ta, A chyhsa pasa a taopazy a ngiachhie aw ei.

ISAI 49:9

Chatanachata atâhpazy hnohta, ‘Pua teh u,’ tah aw ei chi ta, Zohna liata a ypazy hnohta, ‘A vaw luah teh u,’ nama tah aw. Lâpizy liata ama lao bâ aw ei ta, Aw tlâhzy cha ama tlaihna a châ aw.

MATHAI 1:21

Sawchapaw sa aw ta, a chyhsazy ama moleinazy tawhta a pachha awpa vâta, a moh Zisu na bi aw,” tah ta.

RAWMA 6:14

Ryhpa ry liata y khao leipa ei chi ta, ngiachhiena ry liata nama y hapa vâta, moleina ta nama chô liata biehnei khao aw vei.

RAWMA 6:17

Châhrasala Khazohpa cha reithaipa ta y mawh sy! Nâmo, eikhano ta moleina sei a châ tyhpazy chi kha, ama pachunazy palôh hmeiseihpa ta a zyhtuhpazy nama vaw châ haw.

RAWMA 8:2

Krista Zisu liata hrona Thlahpa ryhpa chata moleina nata thina ryhpa tawhta a cha papua ha ei.

1 KAWRINI 15:57

Châhrasala eima Beipa Zisu Krista zawhzi ta pahniena miah pietuhpa Khazohpa cha reithaipa ta y mawh sy.

2 KAWRINI 9:15

A hmosaipiepa rei tiah leipa vâta Khazohpa hnohta alyna bie y mawh sy!

EPHESI 5:20

Eima Beipa Zisu Krista moh ta, ato liata Paw Khazohpa hnohta alyna bie khâ reih u la,

PHILIPI 3:3

Keimo, Thlahpa ta Khazohpa a chhypa, Krista Zisu a palaikheipa nata sapa liata ngâna rai a pahnie leipazy pi he, chopawtaipazy cha eima châ.

PHILIPI 4:6

Khâpa liata hmah nôpopa ta y leipa u la, ato liata thlahchhâpa nata hiapa ta alyna bie reih u la, nama khopazy cha Khazohpa hnohta pahnosa teh u.

KAOLAOSÂ 3:17

Nama taopa maih, biereipa rai châ sala, hmotaopa rai châ sala, Abeipa Zisu moh ta ato tao u la, ano zawhzi ta Paw Khazohpa hnohta alyna bie reih tyh muh vy.

1 PITY 2:5

Zisu Krista zawhzi ta Khazohpa a pyh tlâhpa thlahpa atheihna hlâtuhpa theihthai pathaihpazy châ awpa ta, alô hrohpa hawhta paduapa thlahpa o nama châ.

1 PITY 2:9

Nâmo deikua la, zohna tawhta puapa ta khaihna noâhpa liata a ngia awpa ta châ awtuhpa ei phana cha nama phuah thei nawpa ta, phopi atlyhpa, abei chi theihthaipa, phopi pathaihpa, Khazohpa ryuto phopi nama châ.