RAWMA 7:23 - Mara Bible RV (BSI)

²³ ei pôhpa pachiahpazy liata deikua cha, ryhpa nanopa a y tahpa ei pahno. Cha chata ei palôh ryhpa cha a dyuh ta, ei pôhpa pachiahpazy liata moleina ryhpa a ypa lâna chata sei ta einâ chhi tyh.

RAWMA 7:23 ပူးပေါင်းရင်းမြစ်များ

HLAZY 142:7

Na moh ei reithai thei nawpa ta, Patâhna o tawhta na papua mah y! Ei chô liata phana hluhpi na tao awpa vâta, Mosiapazy ta eina chadô aw ei.

BIECHHOTUHPA 7:20

Alei chô liana heta chyhsa siapa, A molei beih leipa pakha hmah y veih ei.

RAWMA 6:13

Nama pôhpa pachiahpazy cha, sialeina chhaichhi châta moleina lâta hlâ leipa u la, thina tawhta hrona lâ chhihthapazy nama châpa hawhta, Khazohpa lâta a hlâ u la, nama pôhpa pachiahpazy cha siana chhaichhi châta Khazohpa lâta hlâ teh u.

RAWMA 6:19

Nama sapa chiehleina pahnopa ta, chyhsapa pachâna lâ tawhta ei reipa a châ. Nama pôhpa pachiahpazy cha, pathaih leina sei ta vaw hlâ tyh ei chi ta, moleina papôh rilina sei ta nama hlâ tyhpa hawhna khata, tahmâ la nama pôhpa pachiahpazy cha pathaihna lâ a chhipa siana seizy châ awpa ta hlâ teh u.

RAWMA 7:14

Ryhpa cha thlahpa hmo a châ tahpa eima pahno. Kei deikua cha sapa chyhsa, moleina sei ta zua hapa ei châ.

RAWMA 7:21

Chatanachata he ryhpa he ei vaw pahno haw: Hmo phapa tao ei khoh nahta, moleina ta einâ vaw hnia ha tyh.

RAWMA 7:25

Zisu Krista eima Beipa vâta Khazohpa cha reithaipa ta y mawh sy! Kei tlai chhao cha, ei palôh ta Khazohpa ryhpa chakao ta, ei sapa ta deikua cha, moleina ryhpa ei vaw chakao ha tyh.

RAWMA 7:5

Sapa ta eima y no kha, ryhpa ta molei khonazy papua tyh ta, eima pôhpa pachiahpazy liata thina thei pathei awpa ta rai a hria tyh.

RAWMA 8:2

Krista Zisu liata hrona Thlahpa ryhpa chata moleina nata thina ryhpa tawhta a cha papua ha ei.

KALATIA 5:17

Sapa khona ta Thlahpa a dyuh ta, Thlahpa khona ta sapa â dyuh. Nama tao khohpa hmozy nama tao thei lei nawpa ta, sapa nata Thlahpa cha amâ dyuh tyh.

HEBRAI 12:4

Moleina namâ dyuhna liata, thisaih lona taihta a dyuh mâh veih ei chi.

ZÂMIE 3:2

Eima zydua ta kyh hluhpi liata eimâ chapia tyh. Chyhsa ta a biereipa liata â chapia beih vei khiahta cha, cha chyhsa cha chyhsa pakipa châ ta, a pôhpa zydua chhao a vaih theipa a châ.

ZÂMIE 4:1

Nama hry liata adyuhna nata ahryunazy he khâpa tawhta a pua tyhpa ma a châ? Nama aohraohnazy vâta nama pôhpa pachiahpazy liata adyuhna a tao tyhpa châ vei ma?

1 PITY 2:11

Kho ngaitapa saih u, khichhaipa nata khitlyhpa nama châpa vâta, thlahpa a dyuhtuhpa sapa aohraohnazy bâhsai awpa ta ei châ haw ei.