RAWMA 7:14 - Mara Bible RV (BSI)

¹⁴ Ryhpa cha thlahpa hmo a châ tahpa eima pahno. Kei deikua cha sapa chyhsa, moleina sei ta zua hapa ei châ.

RAWMA 7:14 ပူးပေါင်းရင်းမြစ်များ

ÂTHAONA 37:27

A vy teh u, Ismela mo hnoh hao ta tlao zuah ei suh u. Ano cha eima unawhpa, eima sapa nata thisaih châ tlôh ta, chavâta a chô liata eima ku pathla khah ei suh u,” tah ta. A unawhzy ta a biereipa cha pha tah ei ta.

ÂTHAONA 37:36

Cha nota, Midia mo ta Zawsi cha Izi râh lâ a ngiakhei ei ta, Phiraoh ry liata molaipa pakha, vaituhpa py hyutuhpa Pawtipha hnohta zuah ei ta.

ÂTHAONA 40:15

Hebrai mo râh tawhta parupa ta a chhipa châ na ta, he râh liana chhao he patâhna o chhôh lia taihta khô awpa ta khâpa hmah parao va na,” tah ta.

1 ABEIZY 21:20

Ahabâ ta Elaizâh hnohta, “Eina vaw hmô ha chi ma, nâ ei khakhaipa?” tah ta. Elaizâh ta a chhy ta, “Abeipa mohmô liata hmo pha leipa tao awpa ta nâmasasyh ta nâ zua hapa vâta, ei cha hmô ha heih hih.

1 ABEIZY 21:25

A lapinô Zezebel pasyupalipa ta Abeipa mohmô liata hmo pha leipa tao awpa ta âzuahpa Ahabâ hawhpa he ahy hmah y veih ei.

2 ABEIZY 17:17

Ama sawchapawzy nata ama sawchanôzy raopa hlâna atheihna ta hlâ ei ta, pachaopazy nata dyuzy hmâh ei ta, Abeipa mohmô liata hmo pha leipa tao awpa ta âmosasyh a zuah ei ta, Abeipa hie ama pahâh tyh.

ZAWBÂ 42:6

Chavâta keimasasyh ta thailei a pachâ na ta, Dohlei nata buchadoh liata a tyuhpa ta ei ro haw,” tah ta.

HLAZY 119:25

Ei hro he dohlei liata khâchâ a bai ha ta, Na bie hawhta na pahro heih mah y!

HLAZY 51:6

Pachâ teh, chhôh lâta hmeiseihna khoh chi ta, Palôh chhôh liata sona eina pachu chi.

PUASAINA 22:3

Noh a chhi tawhta tusaopa a châ khiahta deikua cha, a thisaih maoh a y aw. Parutuhpa cha a hmo parupazy a thô awpa châ ta, khâpa hmah a hnei vei khiahta cha, a parupa thô nawpa ta ano zuah awpa a châ.

BIESOZY 30:2

Hru tu ha na ta, Chyhsapa a châ tlâh chhao châ va na, Chyhsapa novâhna hnei va na.

BIESOZY 30:5

Khazohpa bie zydua â do tahpa pasiapa châ ha ta, Ano cha a chhaituhpazy châta vyhphao a châ.

ISAI 50:1

Abeipa ta hetana heta a tah: “Nama nô ei papua hapa kha, Ei mana ryuchâ khataih liata a y? Leih ei bâhpa ahy hnohta ma ei cha zua ei? Pachâ teh u, nâmo moleinazy vâta zuapa châ ei chi ta, Nâmo paraonazy vâta nama nô cha papuapa a châ.

ISAI 52:3

Abeipa ta hetana heta a tah: “Mâ hnei leipa ta zuapa châ ei chi ta, Sôh leipa ta chatlaipa nama châ aw.”

ISAI 6:5

Chatawhcha kei ta, “Ei hu a po kaw dia! Ei leidia haw. Hmao pathaih leipa chyhsa châ na ta, hmao pathaih leipa phopi hry liata ei pahrâ. Ei mo ta Abeipa, Pheisaihzy Abeipa a hmô ha khaw!” tah na ta.

THEIHTHAINA 13:12

A vo râhpa cha kawh laih sala, theihthaipa hmô theipa rakha liata, hri ohtuhpa cha a vo zydua, a luh tawhta a phei taihta vo râhpa ta a bu khiahta cha,

THEIHTHAINA 13:16

Sapa a paliepa cha vaw pha ha sala, a vaw râh heih khiahta cha, theihthaipa lâ a pangai heih awpa a châ.

THEIHTHAINA 19:18

Phuh na la awpa châ vei. Na chiheihzy chhyh thai leipa ta na y awpa châ leipa ta, nâma kyh nâ pachâpa hawhta na vaih kyh na pachâ awpa a châ. Kei he Abeipa ei châ.

AMÔSÂ 2:6

Abeipa ta heta na heta a tah: “Izarei moleina miathôh vâta, Âh, miapalih vâ chhao rai ta, Hriena chalihsa aw va na; Chyhsa siapazy tâkâ ta zuah ei ta, Phahlapazy pheiky bao kha ta ama zuapa vâta.

MATHAI 16:23

Zisu cha Pity lâ a heih ta, a hnohta, “Sâtâ, ei hnôh lâ y teh! Ei châta ahluana na châ he. Khazohpa hmozy pachâ leipa chi ta, chyhsapa hmozy tlao na pachâ via he,” tah ta.

MATHAI 18:25

Pie awpa a hnei leipa vâta, ano nata a lapinô nata a sawzy zuah sala, a leibâh cha thô awpa ta a zibeipa ta biepie ta.

MATHAI 5:22

Kei deikua ta cha ei cha chho ei. Ahy rai a unawhpa chô liata a hie a hâhpa cha, a thâtih pachia tlâh a châ. A unawhpa ‘Dyutlaileipa’ a tahpa cha ryureina liata tlôkhei tlâh châ ta, ‘Ahrupa’ a tahpa chhao, hriena su mei lâ sie tlâh a châ.

MATHAI 5:28

Châhrasala ei cha chho ei, ahy rai aohraohpa ta chanô a mohpa cha, a palôh ta chanô liata â phei haw.

LUKA 5:8

Cha cha Saimaw Pity ta a hmô nahta, Zisu phei thaby liata kei pao ta, “Hy Abeipa, na siesai teh, moleipa ei châ hih,” tah ta.

LUKA 7:6

Zisu cha ama hnohta sie ta, o a tlô chy ta, pheisaih za kha hyutuhpa ta a viasazy vaw tuah ta, “Abeipa, na rie a pathei khoh khah y, a o nâ ngiana tlâh châ va na.

RAWMA 3:9

Cha khiahta la, keimo Zuzy pi he Krikâh mo hlâta eima pha via hlei ma? Châ bao va! Zuzy chhao, Krikâh mo chhao, moleina sei liata a ypa eima châ khaizie eima rei hapa kha.

RAWMA 6:6

Moleina a phaohpa pôhpa he pahleipadiapa ta, moleina sei ta eima y khao lei nawpa ta, eima chyhsa parohpa cha a hnohta khaipâpa ta a y haw tahpa eima pahno.

RAWMA 7:18

Ei sapa liata hmo phapa rai y vei tahpa ei pahno. Hmo pha tao khona keima liata y ta, châhrasala tao theina hnei va na.

KALATIA 4:3

Cha hawhna chata keimo chhao, hawti eima châ nota cha, khizaw ryhpa ry liata sei ta eima y.

EPHESI 3:8

Mopathaihpa chyh chaipa hlâta chyh viapa châ hraw sah la, pahno khai thei leipa Krista hneirôna cha, Zenitaizy hnohta chho awpa ta, cha ngiachhiena cha piepa ei châ.

RYHPACHANEINA 6:5

Abeipa nama Khazohpa cha nama pathipalôh tlokhuh ta, nama thlahpa tlokhuh ta, nama thatlôna tlokhuh ta kyh nama pachâ awpa a châ.

HEBRAI 4:12

Khazohpa bie cha hroh ta, hmo tao thei ta, zaozi hâh nopa hlâta tiah via ta, hrona nata thlahpa, ru nata lathli pachhaih theina taihta chhôpahlie thei ta, palôh pachâna nata achhuahnazy a pahno thei.