RAWMA 6:6 - Mara Bible RV (BSI)

⁶ Moleina a phaohpa pôhpa he pahleipadiapa ta, moleina sei ta eima y khao lei nawpa ta, eima chyhsa parohpa cha a hnohta khaipâpa ta a y haw tahpa eima pahno.

RAWMA 6:6 ပူးပေါင်းရင်းမြစ်များ

2 ABEIZY 5:17

Nâmâ ta a hnohta, “Cha khiahta la, ngiachhiepa ta châ chakaotuhpa he alâ phao no alei na pie mah y. Tahmâ tawhta cha, châ chakaotuhpa heta Abeipa lâ dei leipa ta cha, raopa hlâna nata atheihna zy khazoh hropazy lâta hlâ khao aw va na.

ISAI 26:13

Hy Abeipa eima Khazohpa, Nâ deita eima chô liata ryureih leipa chi ta, Bei hropazy chhao ta ryu ama reih tyh; Châhrasala nâma moh deita eimâ thei tyh.

RAWMA 6:12

Nama sapa khona pipatlohsa awpa ta, nama pôhpa thi theipa chô liata moleina ta ryureih khah sy.

RAWMA 6:22

Tahmâ deikua cha, moleina tawhta khotalaipa châ ha ei chi ta, Khazohpa seizy nama châ haw. A theilâpa nama hmôpa cha pathaihna lâta a chhipa châ ta, cha chhâna cha chhâzaw hrona a châ.

RAWMA 7:14

Ryhpa cha thlahpa hmo a châ tahpa eima pahno. Kei deikua cha sapa chyhsa, moleina sei ta zua hapa ei châ.

RAWMA 8:13

Sapa khozie hawhta nama hroh khiahta cha, thi aw ei chi ta, nama pôhpa hmotaopazy Thlahpa ta nama thie lymâ khiahta deikua cha, nama hroh aw.

2 KAWRINI 5:14

Chyhsa zydua châta chyhsa pakha a thi khiahta cha, chyhsa zydua cha a thipa ama châ tahpa cha eima bietluna a châpa vâta, Krista kyhpachâna ta miah a tuah raruah.

KALATIA 2:20

Krista hnohta khaipâpa ta ei y. Châhrasala ei hroh. A hrohpa deikua cha kei châ khao va na, Krista cha kei liata tlao a hroh. Tahmâ pôhpa ta ei hropa he, kyh na pachâ ta, ei châta anosasyh â hlâtuhpa Khazohpa Sawchapawpa ngiapâna liata a hrohpa ei châ.

KALATIA 5:24

Krista Zisu liata a ypazy ta sapa cha a aohraohna nata a khonazy chhaota ama khaipâ haw.

KALATIA 6:14

Kei deikua la, eima Beipa Zisu Krista kraws dei leipa ta cha, a palaikhei awpa hropa hnei va na. Cha kraws liata khizaw he kei châta khaipâpa ta y ta, kei chhao khizaw châta khaipâpa ta ei y.

EPHESI 4:22

Eikhano ta nama hrozie ta a hrohpa, dôveina piehpie aohraohna ta a parao tyhpa, nama chyhsa parohpa kha pahluh u la,

KAOLAOSÂ 3:5

Chavâta khizaw hro nâmo liata a ypa, apatlana, puana, parâna, molei khona nata uahvana zy cha thie teh u. Uahvana cha nothlahpa achhyna a châ.

TITU 3:3

Kha hlâta cha keimo chhao chyhsa hrupa, chhorupa, dôvei naopa, aohraohna nata phasana to sei ta a ypa, moleina nata hnâchhaona ta a hrohpa, chyhsa ta amâ haopa nata keimo nata keimo a hao raihriepazy eima vaw châ.