RAWMA 6:3 - Mara Bible RV (BSI)

³ Keimo Krista Zisu liata bâti a châ hapazy pi cha, a thina liata bâti eima châ ha tahpa pahno veih ei chi ma?

RAWMA 6:3 ပူးပေါင်းရင်းမြစ်များ

MATHAI 28:19

Chavâta sie u la, phopi zydua pachupazy ta tao u la, Paw nata Sawchapawpa nata Thlahpa Pathaihpa moh ta bâti pachâsa u la,

HMOTAOPAZY 19:5

Cha bie cha ama thei nahta, Abeipa Zisu moh ta bâti châ ha ei ta.

HMOTAOPAZY 2:38

Pity ta ama hnohta, “Ro u la, nama moleinazy a ngiahthaipa ta a y thei nawpa ta, Zisu Krista moh ta bâti châ chyu teh u. Chatanachata hmosaipiepa, Thlahpa Pathaihpa cha nama hmô aw.

HMOTAOPAZY 8:16

Thlahpa Pathaihpa cha ahy chô liata hmah tlô mâh leipa ta, Abeipa Zisu moh ta bâti a châpa deita châ chy ei ta.

RAWMA 6:16

Ahy lia rai ta ama bie zyh awpa ta sei ta namâ ngia khiahta cha, a bie nama zyhpa sei nama châ tahpa pahno veih ei chi ma? Moleina sei ta namâ ngia khiahta cha, thina lâ châ chhi aw ei ta, reingiahna sei ta namâ ngia khiahta cha, siana lâ a châ chhi aw ei.

RAWMA 6:8

Krista hnohta eima thi ha khiahta cha, a hnohta eima hroh aw tahpa eimâ ngiapâ.

RAWMA 7:1

Unawh saih u, ryhpa cha chyhsapa hro chhôh deita ta a chô liata ryu a reih tyh tahpa pahno veih ei chi mâ? Cha cha ryhpa a pahnopazy hnohta ei reih.

1 KAWRINI 10:2

Ama zydua ta meihdo nata tilaipi liata Mawsi hnohta a ngiarihpa ta bâti ama châ.

1 KAWRINI 12:13

Eima zydua ta, Zuzy chhao, Krikâhzy chhao, sei chhao, khotalaipa chhao, pôhpa miakha châ awpa ta Thlahpa miakha ta bâti pachâsapa châ pi ta, Thlahpa miakha tawhta padosapa eima châ khai.

1 KAWRINI 15:29

Chata châ leipa sala, athihpa vyuhpa ta bâti châpa cha khâpa phahnaina a hnei aw? Athihpazy pathyupa ama châ chachei lei awpa khiahta cha, khazia chyhsazy ta âmo vyuhpa ta bâti ama châ tyh?

1 KAWRINI 3:16

Khazohpa Achhyna o châ ei chi ta, Khazohpa Thlahpa nâmo liata a pahrâ tahpa pahno veih ei chi mâ?

1 KAWRINI 5:6

Namâ palaina he pha vei. Thinô chyhta ta viahdie zydua a rô khai thei tahpa pahno veih ei chi ma?

1 KAWRINI 6:19

Nama pôhpa cha Khazohpa tawhta nama daopa, nama chhôh liata a ypa Thlahpa Pathaihpa Achhyna o a châ tahpa pahno veih ei chi mâ? Nâmo eih châ khao veih ei chi,

1 KAWRINI 6:9

Moleipazy cha Khazohpa khinarâh to aw veih ei tahpa pahno veih ei chi mâ? Dôpa ta y khuh vy. Apatlapazy, nothlahpa achhypazy, apheipazy, chapaw âzuahpazy, chapaw nata chapaw apatlapazy,

1 KAWRINI 9:13

Achhyna o rai hriatuhpazy cha, Achhyna o tawhta niepa hmô ei ta, maisâh liata chakaotuhpazy chhao, atheihna hlâpazy liata tovyuh ama hnei hra tahpa pahno veih ei chi mâ?

1 KAWRINI 9:24

Arâpasuana liata ama zydua ta a râ ei ta, châhrasala pakha ngâlâh ta lymâ a hmô tyh tahpa pahno veih ei chi mâ? Lymâ hmô awpa ta a râ teh u.

2 KAWRINI 13:5

Ngiapâna liata nama y ma tahpa nâmosasyh ta a mohpasia u la, nâmosasyh ta a pasia teh u. Zisu Krista cha nâmo liata a y tahpa nâmo tlai ta pahno veih ei chi mâ? Pasiana liata a tloh leipa nama châ vei khiahta cha, nâmo ta nama pahno aw.

KALATIA 3:27

Krista liata bâti a châpazy cha, Krista ta a tobipazy nama châ.

ZÂMIE 4:4

Nâmo, apheipa saih u, khizaw viasa châpa he Khazohpa nata akhakhaina a châ tahpa pahno veih ei chi ma? Chavâta ahy rai khizaw viasa châ a khohpa maih, Khazohpa khakhaipa ta â tao tyh.

1 PITY 3:21

Cha taozie nata a lyupa bâtina ta nâmo chhao tahmâ pachhapa nama châ. Pôhpa tawhta apuapa pathaipa hawhta châ leipa ta, chhie nata pha pahnona pathaihpa hmâpa ta Khazohpa nama padopa vâta, Zisu Krista thyuheihna zawhzi ta pachhapazy nama châ.