RAWMA 6:22 - Mara Bible RV (BSI)

²² Tahmâ deikua cha, moleina tawhta khotalaipa châ ha ei chi ta, Khazohpa seizy nama châ haw. A theilâpa nama hmôpa cha pathaihna lâta a chhipa châ ta, cha chhâna cha chhâzaw hrona a châ.

RAWMA 6:22 ပူးပေါင်းရင်းမြစ်များ

ÂTHAONA 50:17

‘Na unawhzy paraona nata ama moleina zy a ngiahthai mah y, na chô liata hmo ama parao haw, tahpa ta Zawsi nama chho aw,’ miah tah ta. Chavâta tahmâ na paw Zakaw Khazohpa chakaotuhpazy paraona cha rie a ngiahthai mah y,” tah ei ta. Cha hawhta a hnohta bie ama reipa a thei nahta, Zawsi cha cha ta.

ZAWBÂ 1:8

Abeipa ta Sâtâ hnohta, “Nâ chakaotuhpa Zawbâ thâtih na pachâ beih ma? Alei chô liata ano hawhpa rai y veih ei. Ano cha seina hnei leipa, chyhsa dopa, Khazohpa a chipa nata moleina a heihsaipa a châ,” tah ta.

HLAZY 143:12

Ei chô liata na kyhpachâna tleih beih leipa vâta, Ei chariahpazy chhawh pathlah khai la; Ei khakhaipa zydua pahleipadia khai mah y; Châ chakaotuhpa ei châ hih!

HLAZY 86:2

Khazohpa a pachâpa châ na ta, Ei hrona he pahlôh mah y; Ei Khazohpa châ chi ta, Nâma châ ngâpa he pachha la, Châ chakaotuhpa he pachha mah y.

HLAZY 92:14

Ama machâ tawh chhao ta khâ pathei ei ta, Ti ta bie ei ta khâ ama hroh sili.

ISAI 54:17

Nâma a dyuh nawpa ta taopa chaihraizy cha, Kheihawhpa ta hmah cha tiah aw vei; Pachiana liata châ thyuhnaopa palei to chhao, Thailei na pachâsa aw ei. Cha cha Abeipa chakaotuhpazy ryuto châ ta, Kei tawhta ama thaichâna a châ,” Abeipa ta a tah.

DÂNIAH 3:26

Chatawhcha Nebukaneza cha patina meihô chhikao kiapâh lâ vâ hnia ta, awh ta, “Sâdarâka, Mesâka, Abenekô, Khazohpa Chônôchaipa chakaotuhpa saih u, vaw pua u la, he lâ a vy teh u,” tah ta. Sâdarâka, Mesâka nata Abenekô zy cha mei tawhta vaw pua ei ta.

DÂNIAH 6:20

Dâniah yna lôpu cha â hnia nahta, pachârôh ngaitana chôta awh ta. Abei ta Dâniah cha bie a chho ta, a hnohta, “Hy Dâniah, Khazoh hrohpa chakaotuhpa y, na chakao tyhpa na Khazohpa ta chakeibarôhneipazy tawhtapa a cha pachha thei ma?” tah ta.

MALUHREINA 23:10

Ahy ma Zakaw dohlei reih thei aw ta, Ahy ma Izarei doh khuh a paki thei aw? Mosiapa thipa hawhta thi sah la, Ano chhâna hawhta ei chhâna châ mawh sy!” tah ta.

MATHAI 13:40

Sâh pakheipazy cha pahmaohpa ta mei liata raopa ama châpa hawhta, daihti chhâna liata a châ hra aw.

MATHAI 13:43

Chyhsa siapazy deikua cha, ama Paw khinarâh liata noh hawhta ama khaih aw. Nakhaoh a hneipa ta thei mawh sy.

MATHAI 19:29

Ahy rai ei moh vâta ozy, unawhzy, sietanôzy, paw, nô, sawzy nata râhzy a siesaipa cha, a lie za kha ta hmô aw ei ta, chhâzaw hrona ama to aw.

MATHAI 25:46

Chazy cha chhâzaw hriena lâ sie aw ei ta, mosiapazy deikua cha, chhâzaw hrona lâ ama sie aw,” tah ta.

ZAWHÂNA 15:16

Nâmo ta nâ tlyh veih ei chi, kei ta tlao châ tlyh ei na ta, sie ta, thei pathei awpa nata khâ pathei awpa ta ei cha rao ei. Chatanachata ei moh ta Paw lâ nama hiapa maih a cha pie lymâ aw ei.

ZAWHÂNA 15:2

Ei chiah a pathei leipa maih thy ta, a patheipa maih a pathai tyh, a pathei hluh rili nawpa ta.

ZAWHÂNA 4:36

Sâh hriatuhpa cha hlao hmô ta, chhâzaw hrona châta a theizy a pakhy, chatanachata a tutuhpa nata hriatuhpazy cha amâ ly raihrie aw.

ZAWHÂNA 8:32

Biehmeiseihpa pahno aw ei chi ta, biehmeiseihpa ta kho ta a cha palaisa aw ei,” tah ta.

RAWMA 6:14

Ryhpa ry liata y khao leipa ei chi ta, ngiachhiena ry liata nama y hapa vâta, moleina ta nama chô liata biehnei khao aw vei.

RAWMA 6:18

Moleina tawhta pua ei chi ta, siana seizy nama vaw châ haw.

RAWMA 6:21

Tahmâ ta nama zakhei kawpa hmo nama vaw tao tyhpazy tawhna khata, khâpa theilâpa ma nama hmô? Kha hmozy chhâna cha thina a châ.

RAWMA 7:25

Zisu Krista eima Beipa vâta Khazohpa cha reithaipa ta y mawh sy! Kei tlai chhao cha, ei palôh ta Khazohpa ryhpa chakao ta, ei sapa ta deikua cha, moleina ryhpa ei vaw chakao ha tyh.

RAWMA 7:4

Cha hawhna chata, unawh saih u, nâmo chhao, ryhpa cha Krista pôhpa liata nama thisai haw. Chatanachata mohropa, athihpa hry tawhta pathyupa Krista eih châ ha ei chi ta, Khazohpa châta thei pha eima pathei thei aw.

RAWMA 8:2

Krista Zisu liata hrona Thlahpa ryhpa chata moleina nata thina ryhpa tawhta a cha papua ha ei.

1 KAWRINI 7:22

Sei a châ nota Abeipa ta a awpa cha, Abeipa liata la khotalaipa a châ. Cha hawhna chata khotalaipa a châ nota awpa chhao, Krista sei a châ.

2 KAWRINI 3:17

Abeipa cha Thlahpa châ ta, Abeipa Thlahpa yna maih liata khotalaina a y.

KALATIA 1:10

Tahmâ he chyhsa apykheina ma ei tlua, Khazohpa apykheina maw? Chyhsa palysa a chhuahpa ma ei châ? Chyhsa palysa ei chhuah khiahta la, Krista chakaotuhpa châ aw va na.

KALATIA 5:13

Unawh saih u, khotalaina hnei awpa ta awpa nama châ. Châhrasala nama khotalaina cha sapa ryhpaohna châta hmâh leipa u la, kyhpachâna ta tlao a chakao raihrie teh u.

KALATIA 5:22

Thlahpa theilâpa deikua cha, kyhpachâna, thaphana, thlalôhna, daotheina, nôphana, phana, ngâchhihna,

EPHESI 5:9

Khaihna theilâpa cha phana nata siana nata biehmeiseihpa to liata â lâ tyh.

PHILIPI 1:11

Khazohpa rônah nawpa nata reithai nawpa ta, Zisu Krista zawhzi ta a patheipa siana thei ta pabiepa nama châ aw.

PHILIPI 4:17

Hmopiepa a tluapa châ leipa na ta, nama lymâ a papôh awpa theilâpa a tluapa tlao ei châ.

KAOLAOSÂ 1:10

Chatanachata Abeipa hmâ tlâhpa chyhsa châ aw ei chi ta, kyh to liata ano palôh patlâhpa ta, raihria to liata pathei aw ei chi ta, Khazohpa pahnona liata nama laiseih rili aw.

KAOLAOSÂ 4:12

Nama chyhsa Epâpharâ, Krista Zisu chakaotuhpa ta a châ naoh ei. Khazohpa khozie zydua liata pitlohpa nata tlokhuh a lôhpa ta, namâ duah thei nawpa ta, phahnai ngiah ngaitapa ta thlah a cha chhâpa tyh ei.

TITU 1:1

Kei, Pawla he Khazohpa ta â tlyhpa chyhsazy angiapâna châta nata Khazohpa pachâna lâ a chhihthapa biehmeiseihpa pahnona châta Khazohpa chakaotuhpa nata Zisu Krista lyuhchâpa ei châ.

HEBRAI 12:14

Chyhsa zydua nata adyhna chadai u la, pathaihna chadai hra teh u. Pathaihna leipa ta ahy hmahta Abeipa hmô aw veih ei.

ZÂMIE 1:1

Khazohpa nata Abeipa Zisu Krista chakaotuhpa Zâmie ta chi hrawh hleino paipatlapazy ei châ naoh ei.

1 PITY 1:9

namâ ngiapâna chhâpa nama thlahpa pachhana cha nama hmô haw.

1 PITY 2:16

Khotalaipa châ ei chi ta, châhrasala nama khotalaina cha moleina khu nawpa ta nama hmâ awpa châ leipa ta, Khazohpa chakaotuhpazy hawhta tlao nama y awpa a châ.

BIEPHUAH 7:13

Machâ hry liata pakha ta ei hnohta, “He poh diehpa a bupazy he ahyzy ma ama châ, khataih tawhta a vypa ma ama châ?” tahpa ta na hiahri ta.