RAWMA 6:21 - Mara Bible RV (BSI)

²¹ Tahmâ ta nama zakhei kawpa hmo nama vaw tao tyhpazy tawhna khata, khâpa theilâpa ma nama hmô? Kha hmozy chhâna cha thina a châ.

RAWMA 6:21 ပူးပေါင်းရင်းမြစ်များ

1 ABEIZY 2:26

Abei ta theihthaipa Abiathâ hnoh­ta, “Anathô khih liata na o lâ a di teh. A thi tlâh châ chi ta, châhrasala ei paw Dâvi hmiakô liata Abeipa Zehôvâh Byh a sy tyhpa na châpa vâta nata ei paw rietheitaona zydua liata a vaw taokhei tyhpa na châpa vâta, tahmâ la cha thie mâh aw va na,” tah ta.

EZRÂ 9:6

“Hy ei Khazohpa y, nâ lâ a vaw heih awpa he ei noza ta ei hmia a chhie kaw dia. Hy ei Khazohpa, eima paraonazy cha eima luh hlâta a sâh via ta, eima thaileichâna ta avâ a kaw daih haw.

ZAWBÂ 33:27

Chyhsapa cha chyhsazy hmiakô liata a phuah ta, ‘Hmoparaopa ta biedopa pako na ta, Châhrasala viarithôpa châ va na.

ZAWBÂ 40:4

“Kei padisaihpa heta khâpa ma ei châ chhy bao aw? Ei pakah ei chahu ha bâ.

ZAWBÂ 42:6

Chavâta keimasasyh ta thailei a pachâ na ta, Dohlei nata buchadoh liata a tyuhpa ta ei ro haw,” tah ta.

HLAZY 73:17

Khazohpa supathaihpa liata ei ngia nahta, Ama chhâna awpa cha ei pahno thai haw.

BIESOZY 1:31

Âmo yzie thei nie aw ei ta, Âmo hmotaopazy ta lôhrâ amâ patlô aw.

BIESOZY 14:12

Chyhsapa pachâ ta lâpi dopa a lyupa y ta, A chhâna lâta deikua thina lâpi a châ tyh.

BIESOZY 16:25

Chyhsapa pachâ ta lâpi dopa a lyupa y ta, A chhâna lâta deikua thina lâpi a châ tyh.

ISAI 3:10

Mosiapazy cha ama châta a pha aw tahpa chho mah y, Ama hmotaopa theilâpa ama nie aw.

ZEREMIAH 12:13

Sâh tu ei ta, Ahloh ama hria; Ama rie thata a pathei ei ta, Athôhna y hlei vei. Abeipa hiehâhna ru ngaitapa vâta, Ama kôvei pha leipa cha ama no a za kaw aw.”

ZEREMIAH 17:10

“Kei, Abeipa he chyhsa to ama hrozie hawhta thôpa ta, Ama hmotaopa thei hawhta thô awpa ta, Palôh a mohtuhpa châ na ta, Pachâna a pasiatuhpa ei châ.”

ZEREMIAH 3:3

Chavâta vâsua pakhâpa châ ta, Châhvâ avâ suah khao vei. Chatanachôta âzuahnô hmia phaoh chy chi ta, Nozana châh chhao pahno va chi.

ZEREMIAH 31:19

Lâpi ei tlei khai tawhta, Ro na ta; Ei vaw pahno thai tawhta, Ei byhpi ei chô. Ei thyutlia nota maophyuhna ei phaopa vâta, Nozapa nata nohzaopa ta ei y.’

ZEREMIAH 8:12

Hmo pasichhihpa ama tao no khata, Nozana châh zy ama pahno tlyma i? Khâpa nozana châh cha ma ama pahno bao aw! Ama noza tiarâh leipa ta, Hmiachhie nawpa châh chhao pahno veih ei. Chavâta a paopazy hry liata pao hra aw ei ta, Âmo ei hriena daihti liata, Thy pathlahpa ama châ aw,” Abeipa ta a tah.

EZEKIA 43:11

Ama hmotaopa zydua vâta nozapa ta ama y khiahta cha, Achhyna o sanazie awpazy âmo pahnosa la, a opi yzie, puana nata angiana taozie nata a o pizie zydua pahnosa mah y. Achhyna o ryhpa nata bieraopa zydua zyhpa ta ama tao lymâ thei nawpa ta, Achhyna o bieraopazy nata a ryhpazy pahnosa la, ama mohmô lia tlai ta roh mah y.

DÂNIAH 12:2

Chatawhcha alei dohlei liata â môpa chyhsa hluhpi a vaw hra aw ei ta, thokha tlyzaw hrona lâ sie aw ei ta, thokha nozana nata tlyzaw thaileichâna lâ ama sie aw.

RAWMA 1:32

Cha hawhpa hmo a taopazy cha, a thi tlâh ama châ tahpa Khazohpa bieraopa pahno thlâh hana chôta, âmo taopa dei châ leipa ta, mohropazy taopa chhao amâ lykhei tyh.

RAWMA 5:12

Chyhsa pakha vâta moleina khizaw liata a ngia ta, moleina vâta thina a ngia ta, cha hawhna chata, chyhsa zydua ta hmo ama paraopa vâta, thina ta chyhsa zydua cha a chahryh haw.

RAWMA 6:16

Ahy lia rai ta ama bie zyh awpa ta sei ta namâ ngia khiahta cha, a bie nama zyhpa sei nama châ tahpa pahno veih ei chi ma? Moleina sei ta namâ ngia khiahta cha, thina lâ châ chhi aw ei ta, reingiahna sei ta namâ ngia khiahta cha, siana lâ a châ chhi aw ei.

RAWMA 6:23

Moleina hlao cha thina châ tlôh ta, Khazohpa hmosaipiepa deikua cha, eima Beipa Krista Zisu zawhzi ta chhâzaw hrona a châ.

RAWMA 7:5

Sapa ta eima y no kha, ryhpa ta molei khonazy papua tyh ta, eima pôhpa pachiahpazy liata thina thei pathei awpa ta rai a hria tyh.

RAWMA 8:13

Sapa khozie hawhta nama hroh khiahta cha, thi aw ei chi ta, nama pôhpa hmotaopazy Thlahpa ta nama thie lymâ khiahta deikua cha, nama hroh aw.

RAWMA 8:6

Sapa hmo pachâna cha thina châ ta, Thlahpa hmo pachâna deikua cha, hrona nata thlalôhna a châ.

2 KAWRINI 4:2

Noza chhihpa hmo arulâta tao tyhpazy pahlei pi ta, dôvei hmâh leipa pi ta, Khazohpa bie panano ma pi. Biehmeiseihpa lâhâh ta reih pi ta, Khazohpa mohmô ta chyhsa to chhie nata pha pahnona liata modypa ta eima y tyh.

2 KAWRINI 7:11

Khazohpa liata nama pachârôhna ta nâmo liata a sa papuapa hmozy he moh tua u. Phahnai ngiahna, reipasipasua hlao lei awpa khona, adona hrokhei khohna, Khazohpa china, mopathaihpazy vâna, khopasana nata ryureina dopa hmô khohna zy nâmo liata a sa papua. He kyh liata kao to liata nama pathaihzie nâmo tlai ta nama palâsa haw.

RYHPACHANEINA 17:6

Thie awpa cha, pahnokheituhpa pano tlyma, pathôh tlyma pahnokheina bie ta thie awpa a châ. Pahnokheituhpa pakha bie ta thie awpa châ vei.

RYHPACHANEINA 21:22

“Chyhsa ta thie tlâhpa moleina tao sala, thiepa châ sala, tho liata a ri nama bangieh khiahta cha,

PHILIPI 3:19

Cha sahlao chhâna cha leidiana châ ta, ama khazoh cha ama py châ ta, ama rônahna cha ama maophyuhna a châ. Khizaw hmozy liata palôh a sohpa ama châ.

HEBRAI 10:29

Khazohpa Sawchapawpa tlypâ ta, ano pathaisana biehrai thisaih papuapaleipa ta, ngiachhiena Thlahpa ru a pachhôpa cha, kha tluta hriena tha viapa to sala nama pangiasa?

HEBRAI 6:8

Chhaohlei ta ahloh nata bôbawzy a papua khiahta deikua cha, hnypa ta y ta, chhiesa thlupa châ ta, a chhâ nawpa cha mei ta rao awpa a châ.

ZÂMIE 1:15

Aohraohna ta saw phaoh ta, moleina sa ta, moleina cha a vaw pitloh nahta, thina a tlôkhei tyh.

ZÂMIE 5:20

a paviana lâpi tawhta moleipa a chhi pakhuatuhpa cha, thina tawhta a thlahpa a pachhapa châ aw ta, a moleina hluhpi a khupa haw tahpa a pahno mawh sy.

1 PITY 4:17

Pachiana cha Khazohpa chhôhkhazy liata pathao a daih ha ta, keimo lia hmahta pachiana a pathao khiahta cha, Khazohpa thâtihpha bie a zyh leipazy chhâna awpa chhochhi cha kheihta ma a châ aw tly?

1 ZAWHÂNA 2:28

Chavâta sawzy saih u, ano liata y thlâh ha muh vy. Chatanachata â vaw luah tita hnangâhpa ta y aw pi ta, â vy tita a hmiakô liata noza leipa ta eima y thei aw.

BIEPHUAH 16:6

Mopathaihpazy nata hrohsopazy thisaih palo ei ta, Thisaih lilaw na padosa ha ei; Amâ phuhpa rai a châ!” a tahpa thei na ta.

BIEPHUAH 20:14

Chatawhcha Thina nata Athihkhih cha mei tipo liata thypa châ ta. Cha mei tipo cha thina einona a châ.