RAWMA 6:2 - Mara Bible RV (BSI)

² Châ bao va! Keimo moleina a thisai hapazy pi ta cha, kheihta ma moleina liata eima y thei khao aw?

RAWMA 6:2 ပူးပေါင်းရင်းမြစ်များ

ÂTHAONA 39:9

he o liata keima hlâta a lai viapa ahy hmah y veih ei. A lapinô na châpa vâta, nâma dei leipa ta cha, ei châta a pasai leipa khâpa hmah y vei. Chavâta kheihta ma, he moleina lai ngaitapa he taopa ta Khazohpa chô liata hmo ei parao thei aw?” tah ta.

HLAZY 119:104

Na pachunazy tawhta novâhna hnei na ta, Chavâta hrozie doleipa to ei hao.

LUKA 20:16

A vy aw ta, thlyuhlaotuhpazy cha pahleipadia aw ta, kre sadô cha mohropazy a pie aw ei,” tah ta. Cha cha ama thei nahta, “Khazohpa ta pasaih khah sy?” tah ei ta.

RAWMA 5:11

Cha dei châ vei, tahmâ aryhna miah a pahmôsatuhpa eima Beipa Zisu Krista vâta Khazohpa liata eimâ ly.

RAWMA 6:15

Kheihta ma a châ aw? Ryhpa ry liata y leipa pi ta, ngiachhiena ry liata eima ypa vâta, moleina tao awpa a châ ma? Châ bao va!

RAWMA 7:4

Cha hawhna chata, unawh saih u, nâmo chhao, ryhpa cha Krista pôhpa liata nama thisai haw. Chatanachata mohropa, athihpa hry tawhta pathyupa Krista eih châ ha ei chi ta, Khazohpa châta thei pha eima pathei thei aw.

RAWMA 7:6

Tahmâ deikua cha, miah a chahrypa cha thisaipa ta, ryhpa tawhta eima pua haw. Chatanachata châropa parohpa siezie hawhta châ khao leipa ta, Thlahpa hro thiehpa ta eima chakao thei haw.

KALATIA 2:19

Khazohpa lâta ei hroh thei nawpa ta, kei la ryhpa vâta ryhpa liata ei thi haw.

KALATIA 6:14

Kei deikua la, eima Beipa Zisu Krista kraws dei leipa ta cha, a palaikhei awpa hropa hnei va na. Cha kraws liata khizaw he kei châta khaipâpa ta y ta, kei chhao khizaw châta khaipâpa ta ei y.

KAOLAOSÂ 2:20

Khizaw hroziezy cha Krista liata nama thisai ha khiahta cha, khazia khizaw hrozie ta a hroh chypa hawhta, ryhpazy liata namâ ngiarih thlâh ha chy?

KAOLAOSÂ 3:3

Thi ha ei chi ta, nama hrona cha Khazohpa liata Krista hnohta nyupa ta a y haw.

1 PITY 1:14

Saw phapazy hawhta y u la, kha hlâta nama pahno lei nota nama aohraohnazy hawh khata y khao khuh vy.

1 PITY 2:24

Moleina thisaipa ta siana lâta eima hroh thei nawpa ta, eima moleinazy cha ano ta a pôhpa tlai ta tho liata phaoh ta, Krista hmahzy ta patlâhpa ta nama y haw.

1 ZAWHÂNA 3:9

Ahy rai Khazohpa tawhta a pihpa cha, Khazohpa chi ano liata a ypa vâta, molei ngâ thlâh aw vei. Khazohpa tawhta a pihpa a châpa vâta, molei ngâ thlâh thei vei.