RAWMA 6:19 - Mara Bible RV (BSI)

¹⁹ Nama sapa chiehleina pahnopa ta, chyhsapa pachâna lâ tawhta ei reipa a châ. Nama pôhpa pachiahpazy cha, pathaih leina sei ta vaw hlâ tyh ei chi ta, moleina papôh rilina sei ta nama hlâ tyhpa hawhna khata, tahmâ la nama pôhpa pachiahpazy cha pathaihna lâ a chhipa siana seizy châ awpa ta hlâ teh u.

RAWMA 6:19 ပူးပေါင်းရင်းမြစ်များ

THEIHTHAINA 13:40

“Chyhsa a sâ a py khai ha khiahta cha, luh pôlôpa châ ta, châhrasala pathaihpa a châ.

MATHAI 4:23

Kâlili râh zydua chahryh ta, amâ pakhyna ozy liata pachupa ta, khinarâh thâtihpha chho lymâ ta, zawpi hry liata hri to nata pasana to a hneipazy patlâh ta.

RAWMA 15:1

Keimo, thatlôpazy pi heta keimo alyna tlua leipa ta, chiehleipazy ama pachyu leina liata eima bao awpa a châ.

RAWMA 3:5

Châhrasala keimo sialeina ta Khazohpa siana a palâsa khiahta cha, khâpa eima reih khao aw? Eima chô liata a hiehâhna a patlôsana kyh liata, Khazohpa cha sialeipa a châ ma? Cha cha chyhsapa lâ tawhta ei reipa a châ.

RAWMA 6:13

Nama pôhpa pachiahpazy cha, sialeina chhaichhi châta moleina lâta hlâ leipa u la, thina tawhta hrona lâ chhihthapazy nama châpa hawhta, Khazohpa lâta a hlâ u la, nama pôhpa pachiahpazy cha siana chhaichhi châta Khazohpa lâta hlâ teh u.

RAWMA 7:23

ei pôhpa pachiahpazy liata deikua cha, ryhpa nanopa a y tahpa ei pahno. Cha chata ei palôh ryhpa cha a dyuh ta, ei pôhpa pachiahpazy liata moleina ryhpa a ypa lâna chata sei ta einâ chhi tyh.

RAWMA 8:26

Cha hawhna chata, Thlahpa ta eima chiehleinazy liata miah a bao tyh. Thlahchhâ nawpa chybia chhao eima pahno lei nota, Thlahpa ta ahrôna rei hlei thei leipa ta thlah miah a chhâpa tyh.

1 KAWRINI 5:6

Namâ palaina he pha vei. Thinô chyhta ta viahdie zydua a rô khai thei tahpa pahno veih ei chi ma?

1 KAWRINI 6:11

Nama hry liata thokha chhao, cha hawhpa chyhsa nama châ tyhpa kha. Châhrasala pasipa nata pathaisapa châ ha ei chi ta, Abeipa Zisu Krista moh ta nata eima Khazohpa Thlahpa ta thai pachâsapa nama châ haw.

1 KAWRINI 9:8

Cha biezy cha chyhsapa biehneina ta ei reipa dei ma a châ? Ryhpa bie chhao ta, cha biezy tlai cha reih hra vei mâ?

KALATIA 3:15

Unawh saih u, pamosa nawpa ta, chyhsapa taozie ei reih tua aw: Chyhsa taopa biehrai hmahta pa-i hapa cha, phie beih leipa ei ta, baichha beih hra veih ei.

HEBRAI 12:15

Khazohpa ngiachhiena a to leipa ama y lei nawpa ta, pakhâta ta moh u la, palôh chhiepa vaw pua sala, tymâna patlôsapa ta, chyhsa hluhpi papuapaleipa ama châ lei nawpa ta, pakhâta ta moh teh u.

HEBRAI 4:15

Eima chiehleinazy miah a pahnokhei thai leipa theihthai beichaipa a hneipa châ leipa pi ta, keimo hawhta kyh to liata reipasaona a tyh ta, châhrasala a molei leipa theihthai beichaipa eima hnei.