RAWMA 6:16 - Mara Bible RV (BSI)

¹⁶ Ahy lia rai ta ama bie zyh awpa ta sei ta namâ ngia khiahta cha, a bie nama zyhpa sei nama châ tahpa pahno veih ei chi ma? Moleina sei ta namâ ngia khiahta cha, thina lâ châ chhi aw ei ta, reingiahna sei ta namâ ngia khiahta cha, siana lâ a châ chhi aw ei.

RAWMA 6:16 ပူးပေါင်းရင်းမြစ်များ

ÂTHAONA 4:7

Hmo dopa na tao khiahta cha, A pyhpa châ aw va chi ma? Hmo dopa na tao vei khiahta deikua cha, Moleina ta chhikao liata châ byh ta, Cha hnei awpa a khoh; Na pahnie awpa a châ,” tah ta.

MATHAI 20:4

ama hnohta, ‘Nâmo chhao kre sadô lâ sie hra teh u, â phuhpa ta hria hlao ei cha pie aw ei,’ tah ta.

MATHAI 6:24

“Ahy hmahta abei pano chakao pabaoh thei aw veih ei. Pakha a hao aw ta, ahropa cha kyh a pachâ aw. Cha leipa chhao ta, pakha rei a ngiah aw ta, ahropa cha a mopakhô aw. Khazohpa nata khizaw sôh chakao pabaoh thei veih ei chi.

ZAWHÂNA 8:34

Zisu ta ama hnohta, “Hmeiseihta ta, hmeiseihta ta ei cha chho ei, ahy rai hmo moleipa a taopa maih cha moleina sei a châ.

RAWMA 11:2

Khazohpa ta a pahno hapa a phopi cha thy aw vei. Biehrai ta Elaizâh kyh a reipa kha pahno veih ei chi ma? Elaizâh ta Izarei kyh Khazohpa lâ tlôkhei ta,

RAWMA 12:1

Chavâta unawh saih u, Khazohpa ngiachhiena vâta, atheihna hrohpa nata pathaihpa nata a pyh tlâh châ awpa ta, nama pôhpa cha Khazohpa lâ hlâ awpa ta ei châ haw ei. Cha cha thlahpa ta Khazohpa namâ chhynazie awpa a châ.

RAWMA 6:17

Châhrasala Khazohpa cha reithaipa ta y mawh sy! Nâmo, eikhano ta moleina sei a châ tyhpazy chi kha, ama pachunazy palôh hmeiseihpa ta a zyhtuhpazy nama vaw châ haw.

1 KAWRINI 3:16

Khazohpa Achhyna o châ ei chi ta, Khazohpa Thlahpa nâmo liata a pahrâ tahpa pahno veih ei chi mâ?

1 KAWRINI 5:6

Namâ palaina he pha vei. Thinô chyhta ta viahdie zydua a rô khai thei tahpa pahno veih ei chi ma?

1 KAWRINI 6:2

Mopathaihpazy ta khizaw ama pachia aw tahpa pahno veih ei chi mâ? Khizaw hmah nama pachia awpa khiahta cha, hmo chynawhpazy nama pachia thei lei nawpa khâpa a y?

1 KAWRINI 6:3

Vâlyuhchâpazy hmah eima pachia aw tahpa pahno veih ei chi mâ? He hro chhôh khihsatôhtuna kyh cha khazia eima pachia thei vei aw?

1 KAWRINI 6:9

Moleipazy cha Khazohpa khinarâh to aw veih ei tahpa pahno veih ei chi mâ? Dôpa ta y khuh vy. Apatlapazy, nothlahpa achhypazy, apheipazy, chapaw âzuahpazy, chapaw nata chapaw apatlapazy,

1 KAWRINI 9:13

Achhyna o rai hriatuhpazy cha, Achhyna o tawhta niepa hmô ei ta, maisâh liata chakaotuhpazy chhao, atheihna hlâpazy liata tovyuh ama hnei hra tahpa pahno veih ei chi mâ?

1 KAWRINI 9:24

Arâpasuana liata ama zydua ta a râ ei ta, châhrasala pakha ngâlâh ta lymâ a hmô tyh tahpa pahno veih ei chi mâ? Lymâ hmô awpa ta a râ teh u.

ZAWSUA 24:15

Abeipa chakaopa cha a pha lei awpa hawhta nama pahno khiahta cha, tanoh he ahy ma nama chakao aw, a tlyh teh u. Châ pathlatuhpazy ta Chavah haosâ liata ama chakao tyhpa khazohzy kha ma, nama pahrâ haipa râh Amawri mo khazohzy he ma, a tlyh teh u. Kei nata ei chhôhkha ta la Abeipa eima chakao aw,’” tah ta.

2 PITY 2:19

Chyhsazy hnohta khotalaina bie a taih ei ta, âmo chaipa deikua cha avyuhna sei ta ama y. Kheihawhpa hmo rai ta a pahniepa chyhsa cha, cha hmo sei ta a ypa a châ.