RAWMA 6:13 - Mara Bible RV (BSI)

¹³ Nama pôhpa pachiahpazy cha, sialeina chhaichhi châta moleina lâta hlâ leipa u la, thina tawhta hrona lâ chhihthapazy nama châpa hawhta, Khazohpa lâta a hlâ u la, nama pôhpa pachiahpazy cha siana chhaichhi châta Khazohpa lâta hlâ teh u.

RAWMA 6:13 ပူးပေါင်းရင်းမြစ်များ

2 THÂTIHZYRONA 30:8

Châ pathlatuhpazy hawhta palôh kuhchhapa ta y leipa u la, Abeipa lâta tlao a ngiarih u la, chhâzaw châta a pathaisapa a supathaihpa liata a ngia u la, Abeipa nama Khazohpa cha chakao muh vy. Chatanachata a hiehâhna ru ngaitapa chata a cha kuasai aw ei.

HLAZY 37:30

Mosiapa pakah ta sona bie reih ta, A paleih ta adona bie a reih tyh.

BIESOZY 12:18

Zaozi chhôpa hawhta pasapa ta bie a reihpa y ei ta, Asopa paleih deikua cha tlâhna a châ tyh.

ISAI 55:7

Moleipa ta a hrozie siesai sala, Sialeipa ta a pachânazy pathleih sala, Abeipa lâ kua heih mawh sy, Abeipa ta a vaw ngiachhie aw; Eima Khazohpa lâ kua heih mawh sy, Khazohpa ta tlokhuh â ngiahthai aw.

EZEKIA 18:4

Pachâ teh u, hrona zydua kei eih sai a châ. Paw hrona kei eih châ ta, sawchapawpa hrona chhao kei eih a châ. Moleina a taotuhpa ta a hrona a pahlei aw.

DÂNIAH 3:28

Chatawhcha Nebukaneza ta hetana heta tah ta, “Sâdarâka, Mesâka nata Abenekô zy Khazohpa cha reithaipa ta y mawh sy! A vâlyuhchâpazy za tuah ta, ano ngâpa ta a chakaotuhpazy cha a pachha ha ei. He chyhsazy heta âmo Khazohpa dei leipa ta cha khazoh hropa rai a chhy lei awpa ta ama pôhpa amâ hlâ hapa vâta abei biepiepa chhao zyh leipa ta ama y.

LUKA 15:24

He ei sawchapawpa he thi ha ta, a vaw hroh ha heih hih. Lei ha ta, eima hmô ha heih hih,’ tah ta. Chatanachata a lypa ta kyhchhi cha tao ei ta.

LUKA 15:32

Kyhchhi tao ta thapha ngaitapa ta y awpa cha â phuhpa rai a châ. He na nawhta he cha thi ha ta, a vaw hroh ha heih hih. Lei ha ta, eima hmô ha heih hih,’ a tah aw,” tah ta.

ZAWHÂNA 5:24

Hmeiseihta ta, hmeiseihta ta ei cha chho ei, ahy rai ei bie thei ta, nâ tuahtuhpa a ngiapâpa cha, chhâzaw hrona a hnei haw. Thailei pachâsapa châ leipa aw ta, thina tawhta hrona lâ tlao â ngia haw.

RAWMA 1:29

Chatanachata sialeina chi to, apatlana, chhoruna, karâyna nata kiaphaona zy ta bie ei ta, hiatliana, lianycheina, ahryuna, dôveina, nôchhiena nata kyhchhie reina zy ta ama bie.

RAWMA 12:1

Chavâta unawh saih u, Khazohpa ngiachhiena vâta, atheihna hrohpa nata pathaihpa nata a pyh tlâh châ awpa ta, nama pôhpa cha Khazohpa lâ hlâ awpa ta ei châ haw ei. Cha cha thlahpa ta Khazohpa namâ chhynazie awpa a châ.

RAWMA 6:11

Cha hawhna chata nâmo chhao, moleina lâ kyh liata a thi hapa ta a rao u la, Khazohpa lâ kyh liata deikua cha, Krista Zisu liata a hrohpa ta a rao teh u.

RAWMA 6:16

Ahy lia rai ta ama bie zyh awpa ta sei ta namâ ngia khiahta cha, a bie nama zyhpa sei nama châ tahpa pahno veih ei chi ma? Moleina sei ta namâ ngia khiahta cha, thina lâ châ chhi aw ei ta, reingiahna sei ta namâ ngia khiahta cha, siana lâ a châ chhi aw ei.

RAWMA 6:19

Nama sapa chiehleina pahnopa ta, chyhsapa pachâna lâ tawhta ei reipa a châ. Nama pôhpa pachiahpazy cha, pathaih leina sei ta vaw hlâ tyh ei chi ta, moleina papôh rilina sei ta nama hlâ tyhpa hawhna khata, tahmâ la nama pôhpa pachiahpazy cha pathaihna lâ a chhipa siana seizy châ awpa ta hlâ teh u.

RAWMA 7:23

ei pôhpa pachiahpazy liata deikua cha, ryhpa nanopa a y tahpa ei pahno. Cha chata ei palôh ryhpa cha a dyuh ta, ei pôhpa pachiahpazy liata moleina ryhpa a ypa lâna chata sei ta einâ chhi tyh.

RAWMA 7:5

Sapa ta eima y no kha, ryhpa ta molei khonazy papua tyh ta, eima pôhpa pachiahpazy liata thina thei pathei awpa ta rai a hria tyh.

1 KAWRINI 6:15

Nama pôhpa cha Krista pachiahpazy a châ tahpa pahno veih ei chi mâ? Cha khiahta la, Krista pachiahpazy cha lapa ta, âzuahnô pachiahpazy ta ei tao aw ma? Tao beih aw va na!

1 KAWRINI 6:20

mâ ta chaleipa nama châ haw. Chavâta Khazohpa cha nama pôhpa liata palyupalih teh u.

1 KAWRINI 6:9

Moleipazy cha Khazohpa khinarâh to aw veih ei tahpa pahno veih ei chi mâ? Dôpa ta y khuh vy. Apatlapazy, nothlahpa achhypazy, apheipazy, chapaw âzuahpazy, chapaw nata chapaw apatlapazy,

2 KAWRINI 10:4

Eima chariah chhaichhizy cha khizaw chariah chhaichhizy châ leipa ei ta, thokhy a i ngaitapazy parao nawpa ta Khazohpa hmotaotheina a châ.

2 KAWRINI 5:14

Chyhsa zydua châta chyhsa pakha a thi khiahta cha, chyhsa zydua cha a thipa ama châ tahpa cha eima bietluna a châpa vâta, Krista kyhpachâna ta miah a tuah raruah.

2 KAWRINI 5:15

Chyhsa zydua châta a thipa vâta, ahrohpazy cha âmo châta hroh khao leipa ta, âmo châta thi ta a thyu heihpa châta ama hroh awpa a châ.

2 KAWRINI 8:5

Cha chhao cha eima pangiasa leipa hawhta ama tao. Abeipa liata âmosasyh a hlâ tua ei ta, cha khai tawhta, Khazohpa khozie hawhta keimo liata miah amâ ngiarih.

EPHESI 2:5

eima paraonazy vâta athipa eima châ no tlai chhao ta, Krista hnohta miah a pahro haw. Ngiachhiena ta pachhapa nama châ.

EPHESI 5:14

Hmô theipa ta a ypa maih cha khaihpa a châ. Chavâta, “Nâ, a môpa, a hra la, Athihpa hry tawhta thyu teh! Krista ta a cha khaipahlie aw,” tahpa a châpa kha.

RYHPACHANEINA 25:16

Cha hawhpa hmozy tao ta, â doleipa ta a taotuhpa zydua cha, Abeipa nama Khazohpa châta pasichhihpa ama châ.

PHILIPI 1:20

Maophyuhpa ta y leipa aw na ta, ei pôhpa liata Krista palyupalihpa ta a y tyhpa hawhta, thina ta tlyma, hrona ta tlyma, Krista cha ei pôhpa liata palyupalihpa ta a y aw tahpa cha, tahmâ chhao riahpha ngaitapa ta ei saduthliepa nata ei hnabeiseihpa a châ.

KAOLAOSÂ 2:13

Nâmo, nama paraonazy nata nama sapa liata chopawtaileina vâta athipazy ei chi kha, Khazohpa ta Krista hnohta a cha pahro ei. Krista cha eima moleina zydua miah a ngiahthaituhpa a châ.

KAOLAOSÂ 3:5

Chavâta khizaw hro nâmo liata a ypa, apatlana, puana, parâna, molei khona nata uahvana zy cha thie teh u. Uahvana cha nothlahpa achhyna a châ.

2 THYSALAWNIKA 2:12

Chatanachata biehmeiseihpa zo leipa ta, sialeina liata a lypa zydua cha, thailei pachâsapa ama châ khai aw.

2 TIMAWTHY 2:15

Biehmeiseihpa â do ngaitapa ta a siekheipa raihriatuhpa cha, noza awpa a châ leipa hawhta, a pyh tlâhpa ta Khazohpa hmiakô liata nâ duah thei nawpa ta, na theina zydua papua mah y.

ZÂMIE 4:1

Nama hry liata adyuhna nata ahryunazy he khâpa tawhta a pua tyhpa ma a châ? Nama aohraohnazy vâta nama pôhpa pachiahpazy liata adyuhna a tao tyhpa châ vei ma?

1 PITY 2:24

Moleina thisaipa ta siana lâta eima hroh thei nawpa ta, eima moleinazy cha ano ta a pôhpa tlai ta tho liata phaoh ta, Krista hmahzy ta patlâhpa ta nama y haw.

1 PITY 4:2

Chatanachata sapa ta nama hro chhôh zydua chyhsapa aohraohnazy liata hroh khao leipa aw ei chi ta, Khazohpa khozie hawhta nama hroh thei aw.

1 ZAWHÂNA 1:9

Eima moleinazy palâhâh sih la, reihpha eima chei khiahta cha, eima moleinazy a ngiahthai awpa nata eima sialeina zydua pasia awpa ta, ano cha ngâchhihpa nata a siapa a châ.