RAWMA 5:6 - Mara Bible RV (BSI)

⁶ Eima chiehlei nona khata, Krista cha moleipazy vyuhpa ta a daihtita liata thi ha ta.

RAWMA 5:6 ပူးပေါင်းရင်းမြစ်များ

HLAZY 1:1

Hmoparaopazy ryhraona a chhih beih leipa, Moleipazy lâpi liata a duah beih leipa, Chyhsa a mohnao thaipazy dyuchhai liata a tyuh beih leipa, Cha hawhpa chyhsa cha a nohlao na.

CHAPHÔHTUNA 1:6

Zaio sawchanô cha, A rônahna zydua ta a siesai khai haw. A beimachâzy chhao, Si panyuna su a hmô leipa sakhih hawhta ama châ; Âmo â chadaituhpa hmiakô liata, Thachhâpa ta amâ râ.

DÂNIAH 11:15

Maw bei a zu aw ta, khihpi dôh aw ta, thokhy alei pacho thlu aw ta, chatanachata thokhy ta a phapa ta dôhpa khihpi cha a la aw. Chho pheisaihzy ta toh thei aw veih ei, a pheisaih pha chaipazy chhao ta toh theina thatlôna hnei aw veih ei.

MALUHREINA 7:15

raopa hlâna châta viahchao tôh dawpa pô kha, mietaku tôhpa pô kha, mietakutaw chapawpa kô khapa pô kha;

RAWMA 11:26

Izarei zydua pachhapa ama châ aw, “Zaio tawhta pachhatuhpa vaw pua aw ta, Zakaw tawhta moleina a pahlei aw.

RAWMA 4:25

Cha Zisu cha keimo moleina vâta thie awpa ta patusapa châ ta, thai eima châ nawpa ta pathyupa a châ.

RAWMA 4:5

Rai a hria leipa chhao ta, moleipazy thai a pachâsatuhpa a ngiapâpa cha, â ngiapâna cha siana ta raopa a châ.

RAWMA 5:10

Khakhaipa eima châ nota hmahta, a Sawchapawpa thina vâta Khazohpa nata a ryhpa ta eima y khiahta cha, tahmâ eimâ ryh ha tawh chhochhi cha, a hrona vâta pachhapa ta eima y via pachai aw.

RAWMA 5:7

Chyhsa siapa châta thi awpa cha chyhsa ta khoh kaw hlei aw vei; chyhsa phapa châta deikua cha, a thi ngâhpa ama y ngyu ma.

RAWMA 5:8

Châhrasala Khazohpa ta a kyhpachâna cha keimo châta vaw paluahsa ta, moleipazy eima châ nota, Krista cha eima châta thi ha ta.

RAWMA 8:32

A Sawchapawpa tlai chhao pahlôh leipa ta, eima zydua châta a pietuhpa chata, ato a saipa ta miah pie hra aw vei mâ?

RAWMA 8:34

Ahy ma thailei a pachâsa aw? A thipa cha Krista Zisu châ tlôh ta. Cha dei châ vei, ano cha pathyupa ta y ta, Khazohpa chachâh lâta ypa ta, miah reikheituhpa a châ.

KALATIA 2:20

Krista hnohta khaipâpa ta ei y. Châhrasala ei hroh. A hrohpa deikua cha kei châ khao va na, Krista cha kei liata tlao a hroh. Tahmâ pôhpa ta ei hropa he, kyh na pachâ ta, ei châta anosasyh â hlâtuhpa Khazohpa Sawchapawpa ngiapâna liata a hrohpa ei châ.

KALATIA 4:4

Châhrasala a daihti â vaw ki nahta, Khazohpa ta chanô sapa a Sawchapawpa, ryhpa ry liata a pihpa cha za tuah ta.

EPHESI 5:2

Krista ta kyh miah pachâ ta, ropahâhpa châta Khazohpa lâta hmohlâpa ta nata atheihna ta keimo châta â piepa hawhna khata, kyhpachâna hro ta nâmo chhao hroh teh u.

KAOLAOSÂ 2:13

Nâmo, nama paraonazy nata nama sapa liata chopawtaileina vâta athipazy ei chi kha, Khazohpa ta Krista hnohta a cha pahro ei. Krista cha eima moleina zydua miah a ngiahthaituhpa a châ.

1 THYSALAWNIKA 5:9

Khazohpa ta hiehâhna pasa tao awpa ta miah rao leipa ta, eima Beipa Zisu Krista zawhzi ta pachhana hmô awpa ta tlao miah a rao.

1 TIMAWTHY 1:9

Ryhpa cha chyhsa dopazy châta taopa châ leipa ta, ryhpa â papeisa leipa nata reingiah leipazy, Khazohpa a pachâ leipa nata moleipazy, pathaih leipa nata zyhna kyh a pachâ leipazy, nô nata paw a thiepazy, lianycheihpazy,

TITU 2:12

Cha chata Khazohpa pachâ leina nata khizaw aohraohnazy bâhsaipa ta, tahmâhlâ khizaw liana heta asohsipa nata asiapa nata Khazohpa pachâna hro hrokhei awpa ta miah pachu ta,

HEBRAI 8:3

Theihthai beichaipa maih cha hmopiepa nata atheihnazy hlâ awpa ta raopa ama châ. Chavâta he theihthai beichaipa chhao he, khâpa chhâ tlyma hlâ awpa a hnei awpa a byuh.

HEBRAI 9:26

Cha hawhta châ leipa sala, leilô y tua no tawhta pasa a tao chanei ngâ thlâh ha aw. Châhrasala daihti chhâna lâ liata, chhâzaw châta ei kha a vaw luah ta, anosasyh ta atheihna ta a hlâpa ta moleina a pahlei haw.

1 PITY 1:20

Ano cha leilô y hlâ tawhta pahno chhieliepa châ ta, nâmo châ deikua ta cha daihti hnôhchaipazy liata palâhâhpa a châ.

2 PITY 3:7

Châhrasala cha bie lilaw chata tahmâno ta avâ nata alei a ypazy he mei châta pachô ta, Khazohpa a uasa leipazy pachiana nata leidiana noh a tlô hlâlei â pakhei chy ei.

ZUDÂH 1:15

Chyhsa zydua pachia aw ta, Khazohpa a uasa leipazy cha, Khazohpa kho leipa hmo ama taopa zydua vâta thailei a pachâsa aw ei. Khazohpa uasa leipa ta, Khazohpa chô liata bie pachyupa a reihpazy chhao thailei a pachâsa aw ei,” tahpa ta a vaw chhochhielie.

ZUDÂH 1:18

Lyuhchâpazy ta, “Daihti hnôhchaipa liata cha, pasipasawh a hmâhpa, Khazohpa uasa leipa ta ama aohraohnazy a chadaipa ama y aw,” tahpa ta ama cha vaw chho haw.

ZUDÂH 1:4

Chyhsa thokha, kha hlâ tawhta thaileichâ awpa ta rao chiehpazy arulâta amâ vaw ngia. Cha chyhsazy cha Khazohpa a uasa leipazy châ ei ta, eima Khazohpa ngiachhiena cha parâna châta hmâh ei ta, eima Hyutuhpa nata eima Beipa hnei chhôhpa Zisu Krista a paphasaipazy ama châ.