RAWMA 5:5 - Mara Bible RV (BSI)

⁵ Thlahpa Pathaihpa miah a piepa khata Khazohpa kyhpachâna eima pathipalôh liata a hry hapa vâta, cha hnabeiseihna chata maophyuhpa ta miah paysa vei.

RAWMA 5:5 ပူးပေါင်းရင်းမြစ်များ

ZAWBÂ 27:8

Khazohpa ta ano a pachâ leipa chhawh pathlah ta, A hrona a la tita, A châta khâpa hnabeiseihna ma a y?

HLAZY 119:116

Ei hro thei nawpa ta, Na bietai hawhta na hrôbieh la, Ei hnabeiseihna liata maophyuhpa ta na paysa khah y!

ISAI 49:23

Beizy cha châ mohôhtuhpa na pawzy châ aw ei ta, Beinôzy chhao sâhpi ta châ chhytuhpa na nôzy ama châ aw. Ama hmia alei lâ a khupa ta, Na hmiakô liata a bôh aw ei ta; Na phei dohlei ama cha paliepa aw. Chatanachata kei he Abeipa ei châ tahpa pahno aw chi ta, Keima nâ hâtuhpazy cha ama hnabeidy aw vei.”

EZEKIA 36:25

Ti pathaihpa cha thia aw ei na ta, nama pathaih leina zydua tawhta vaw pathaih aw ei chi ta, nama khazoh nothlahpa zydua tawhta chhao ei cha pathai aw ei.

HMOTAOPAZY 10:45

Chopawtaipa sahlao hry liata Pity a vaw zipa ngiapâtuhpazy cha, Zenitaizy chô lia taihta Thlahpa Pathaihpa hmopiepa hrypa a châpa ama hmô nahta, ama noâh ngaita ta.

HMOTAOPAZY 2:17

“‘Noh chhâna nohzy liata cha, Hetana heta a vaw châ aw, Khazohpa ta a tah: Chyhsa zydua chô liata Ei Thlahpa hry aw na ta, Nama sawchapawzy nata nama sawchanôzy ta Hrohsona bie phuah aw ei ta, Nama thyutliazy ta aluahnazy hmô aw ei ta, Nama pawpipazy ta mâ lâta ama sa aw.

HMOTAOPAZY 2:33

Khazohpa ku chachâh lâta palyupalihpa ta y ta, Thlahpa Pathaihpa pie awpa bietai Paw tawhta hmô ta, nama hmôpa nata nama theipa hawhna heta, Thlahpa Pathaihpa hrypa a châ hih.

RAWMA 1:7

Rawma khihpi liata Khazohpa kyhpachâpazy nata a mopathaihpazy châ awpa ta a awpa zydua ei châ naoh ei. Khazohpa eima Paw nata Abeipa Zisu Krista tawhta ngiachhiena nata thlalôhna nama hnohta y mawh sy.

RAWMA 8:28

Khazohpa kyh a pachâtuhpa, ano achhuahna hawhta a awpazy châta, Khazohpa ta ato liata ama pha nawpa ta a hriapa tyh ei tahpa eima pahno.

RAWMA 9:33

“Pachâ teh, Zaio liata achapiana lô soh na ta, Moleina lôpanô ei soh; Ahy rai ano a ngiapâpa cha, Maophyuh aw vei,” tahpa ta ropa hawhta.

1 KAWRINI 8:3

Khazohpa kyh a pachâpa deikua cha, Khazohpa ta ano cha a pahno.

2 KAWRINI 1:22

Ano eih eima châpa miah ngiatuhpa chhao châ ta, bie ataihna châta a Thlahpa eima palôh liata miah pietuhpa a châ hra.

2 KAWRINI 13:14

Abeipa Zisu Krista ngiachhiena, Khazohpa kyhpachâna nata Thlahpa Pathaihpa akaona cha nama zydua hnohta y mawh sy.

2 KAWRINI 3:18

Chatanachata keimo hmia khu leipa ta a ypa zydua pi heta Abeipa rônahna cha palâsa pi ta, rônahna tawhta rônah via rilipa ta, Abeipa rônahna lyuna lâta pananopa ta eima y lymâ. Cha cha Abeipa tawhta eima hmôpa châ ta, Abeipa cha Thlahpa a châ.

2 KAWRINI 4:6

“Zohna tawhta khaihna vaw khaih mawh sy,” a tahtuhpa Khazohpa ta, Khazohpa rônahna pahnona khaihna cha miah pie awpa ta, Zisu Krista hmia liata eima palôh a pakhaihsa haw.

KALATIA 4:6

Sawchapaw nama châpa vâta Khazohpa ta a Sawchapawpa Thlahpa cha eima palôh chhôh liata za tuah ta, “Abba! Ei Paw!” tahpa ta a aw tyh.

KALATIA 5:22

Thlahpa theilâpa deikua cha, kyhpachâna, thaphana, thlalôhna, daotheina, nôphana, phana, ngâchhihna,

EPHESI 1:13

Nâmo chhao, nama pachhana thâtihpha biehmeiseihpa thei ei chi ta, namâ ngiapâ ha tawhta cha, ano liana chata bietai Thlahpa Pathaihpa ta pa-ipa nama châ.

EPHESI 4:30

Khazohpa Thlahpa Pathaihpa pachâ parôh khuh vy, chatlaina noh châta ano ta ngiapa nama châ.

PHILIPI 1:20

Maophyuhpa ta y leipa aw na ta, ei pôhpa liata Krista palyupalihpa ta a y tyhpa hawhta, thina ta tlyma, hrona ta tlyma, Krista cha ei pôhpa liata palyupalihpa ta a y aw tahpa cha, tahmâ chhao riahpha ngaitapa ta ei saduthliepa nata ei hnabeiseihpa a châ.

1 THYSALAWNIKA 4:8

Chavâta he hmo a papeisa leituhpa cha, chyhsa a papeisa leipa châ leipa ta, a Thlahpa Pathaihpa miah pietuhpa Khazohpa a papeisa leipa a châ.

2 THYSALAWNIKA 2:16

Eima Beipa Zisu Krista nata Khazohpa eima Paw, kyh miah pachâ ta, ngiachhiena vâta chhâzaw thlalôhna nata hnabeiseihna phapa miah pietuhpa ta

2 TIMAWTHY 1:12

Cha vâna chata he hmozy chhao he pasa ei tao. Châhrasala ei noza vei. Ei ngiapâpa cha pahno na ta, ano ei pavaosapazy cha, cha noh châta â bohpa ta a vaih thei tahpa a siapa ta ei pahno.

1 ZAWHÂNA 4:19

Ano ta kyh miah a pachâ tuapa vâta a kyh eima pachâ hra.