RAWMA 5:21 - Mara Bible RV (BSI)

²¹ Moleina chata thina ta ryureih ta, ngiachhiena deikua cha, eima Beipa Zisu Krista zawhzi ta chhâzaw hrona a tlôkheipa siana ryureina a châ.

RAWMA 5:21 ပူးပေါင်းရင်းမြစ်များ

MATHAI 25:46

Chazy cha chhâzaw hriena lâ sie aw ei ta, mosiapazy deikua cha, chhâzaw hrona lâ ama sie aw,” tah ta.

ZAWHÂNA 1:14

Bie cha chyhsapa lâta a vaw lie ta, eima hry liata a pahrâ. A rônahna, a Paw Sawchapaw matlupa rônahna tlai cha hmô pi ta, ngiachhiena nata hmeiseihna ta a biepa a châ.

ZAWHÂNA 10:28

Chhâzaw hrona pie ei na ta, leidia beih khao aw veih ei. Âmo cha ahy hmahta ei ku tawhta na chhu thei aw veih ei.

RAWMA 4:13

Ano cha khizaw ryu a to awpa a châna kyh, Abarahâ nata a pathlazy hnohta a vaw tlôpa bietai kha, ryhpa vâta a vaw tlôpa châ leipa ta, ngiapâna ta siana vâta a vaw tlôpa tlao a châ.

RAWMA 5:12

Chyhsa pakha vâta moleina khizaw liata a ngia ta, moleina vâta thina a ngia ta, cha hawhna chata, chyhsa zydua ta hmo ama paraopa vâta, thina ta chyhsa zydua cha a chahryh haw.

RAWMA 5:14

Châhrasala Âdâh daihti tawhta Mawsi daihti taihta, Âdâh paraona hawhta hmo a parao leipazy chô liata chhao, thina chata ryu a reih lymâ. Âdâh cha a vy awpa pakhona a châ.

RAWMA 5:17

Chyhsa pakha moleina vâta, cha chyhsa pakha vâta hmahta thina ta ryu a reih khiahta cha, chyhsa pakha, Zisu Krista vâta ngiachhiena hluh ngaitapa nata siana hmosaipiepa a daotuhpazy chhochhi ta cha, hrona liata ryu ama reih tlai aw.

RAWMA 6:12

Nama sapa khona pipatlohsa awpa ta, nama pôhpa thi theipa chô liata moleina ta ryureih khah sy.

RAWMA 6:14

Ryhpa ry liata y khao leipa ei chi ta, ngiachhiena ry liata nama y hapa vâta, moleina ta nama chô liata biehnei khao aw vei.

RAWMA 6:16

Ahy lia rai ta ama bie zyh awpa ta sei ta namâ ngia khiahta cha, a bie nama zyhpa sei nama châ tahpa pahno veih ei chi ma? Moleina sei ta namâ ngia khiahta cha, thina lâ châ chhi aw ei ta, reingiahna sei ta namâ ngia khiahta cha, siana lâ a châ chhi aw ei.

RAWMA 6:23

Moleina hlao cha thina châ tlôh ta, Khazohpa hmosaipiepa deikua cha, eima Beipa Krista Zisu zawhzi ta chhâzaw hrona a châ.

RAWMA 8:10

Châhrasala Krista cha nâmo liata a y khiahta cha, moleina vâta nama pôhpa cha thi hra sala, nama thlahpa deikua cha siana vâta a hroh.

TITU 2:11

Khazohpa ngiachhiena cha a vaw luah ha ta, chyhsa zydua hnohta pachhana a vaw tlôkhei haw.

HEBRAI 4:16

Chavâta zawngiahna eima hmô thei nawpa nata bao eimâ ngiah daihti liata miah bao awpa ta ngiachhiena eima hmô thei nawpa ta, ngiachhiena beidyuchhai cha riahphapa ta a hnia suh u.

1 PITY 5:10

Ngiachhiena zydua Khazohpa, a chhâzaw rônahna to awpa ta Krista liata châ awtuhpa ei chata, bohpi leipa pasa nama tao khai tawhta, cha paduapathi aw ei ta, cha pa-ipa ta tha cha patlô aw ei ta, a cha padua aw ei.

2 PITY 1:1

Zisu Krista chakaotuhpa nata lyuhchâpa Saimaw Pity ta Zisu Krista eima Khazohpa nata Pachhatuhpa siana vâta keimo topa hawhpa ngiapâna sôh ngaitapa a to hrapazy ei châ naoh ei.

1 ZAWHÂNA 2:25

Chhâzaw hrona to awpa ta ano tlai ta bie miah â taih.