RAWMA 5:15 - Mara Bible RV (BSI)

¹⁵ Châhrasala hmosaipiepa cha moleina nata a lyu vei. Chyhsa pakha moleina vâta hmahta chyhsa hluhpi ama thi khiahta cha, Khazohpa ngiachhiena nata chyhsa pakha, Zisu Krista ngiachhiena hmosaipiepa chhochhi cha, chyhsa hluhpi chô liata vaoheipa ta a y tlai aw.

RAWMA 5:15 ပူးပေါင်းရင်းမြစ်များ

ISAI 53:11

Pasataona khô lâta hrona khaihna hmô aw ta, Palôhtlâh ngaitapa ta a y aw. Nâ chakaotuhpa chyhsa siapa cha, A pahnona hmâpa ta chyhsa hluhpi thai pachâsa aw ta, Ama paraonazy a phaopa aw ei.

DÂNIAH 12:2

Chatawhcha alei dohlei liata â môpa chyhsa hluhpi a vaw hra aw ei ta, thokha tlyzaw hrona lâ sie aw ei ta, thokha nozana nata tlyzaw thaileichâna lâ ama sie aw.

MATHAI 20:28

Chyhsa Sawchapawpa tlai chhao he, chyhsa ta ama chakaopa châ awpa ta a zupa châ leipa ta, chakaotuhpa châ awpa nata chyhsa hluhpi chatlai nawpa ta a hrona pie awpa ta a zupa a châ,” tah ta.

MATHAI 26:28

He he ei thisaih, moleinazy a ngiahthai nawpa ta, chyhsa hluhpi châta a lohpa biehrai thiehpa a châ.

ZAWHÂNA 3:16

“Khazohpa ta khizaw kyh pachâ ngaita ta, chatanachata a Sawchapaw matlupa pie ta, ahy rai ano a ngiapâpa maih cha leidia leipa ta, chhâzaw hrona tlao ama hnei aw.

ZAWHÂNA 4:10

Zisu ta a chhy ta, “Khazohpa hmopiepa nata, ‘Ti do awpa na pie teh,’ châ tahtuhpa he pahno ha la cha, nâma ta a hnohta tlao hiah aw chi ta, ano ta ti hrohpa a cha pie ha awpa tlai,” tah ta.

HMOTAOPAZY 15:11

Keimo chhao, âmo chhao, Abeipa Zisu ngiachhiena vâta pachhapa ta eima y aw tahpa a ngiapâpa eima châ khai,” tah ta.

RAWMA 5:12

Chyhsa pakha vâta moleina khizaw liata a ngia ta, moleina vâta thina a ngia ta, cha hawhna chata, chyhsa zydua ta hmo ama paraopa vâta, thina ta chyhsa zydua cha a chahryh haw.

RAWMA 6:23

Moleina hlao cha thina châ tlôh ta, Khazohpa hmosaipiepa deikua cha, eima Beipa Krista Zisu zawhzi ta chhâzaw hrona a châ.

2 KAWRINI 5:14

Chyhsa zydua châta chyhsa pakha a thi khiahta cha, chyhsa zydua cha a thipa ama châ tahpa cha eima bietluna a châpa vâta, Krista kyhpachâna ta miah a tuah raruah.

2 KAWRINI 9:15

A hmosaipiepa rei tiah leipa vâta Khazohpa hnohta alyna bie y mawh sy!

EPHESI 2:8

Ngiachhiena vâta ngiapâna ta pachhapa nama châ. Cha chhao cha nâmo tawhta a puapa châ leipa ta, Khazohpa hmosaipiepa a châ.

HEBRAI 2:9

Châhrasala bohpi leipa chhôh vâlyuhchâpazy hlâta a hnai viapa ta tao chypa Zisu cha, thina pasa a taopa vâta, tahmâ cha rônahna nata palyupalihna lakho pakhopa ta a ypa hmô pi ta, Khazohpa ngiachhiena zawhzi ta chyhsa to châta thina a padi haw.

1 ZAWHÂNA 2:2

Ano cha eima moleinazy reihpha cheina châ ta, keimo moleina dei châ leipa ta, khizaw zydua moleina reihpha cheina chhao a châ.

1 ZAWHÂNA 5:11

Pahnokheina cha he he a châ: Khazohpa ta chhâzaw hrona miah pie ta, cha hrona cha a Sawchapawpa liata a y.