RAWMA 5:1 - Mara Bible RV (BSI)

¹ Chavâta ngiapâna vâta thai eima châ ha tawhta cha, eima Beipa Zisu Krista zawhzi ta Khazohpa nata a ryhpa ta eima y haw.

RAWMA 5:1 ပူးပေါင်းရင်းမြစ်များ

ZAWBÂ 21:21

A thlazy chhâ hai tlôh ta, Khâpa châta ma a o tlai cha â tymâkhei ngâ kaw tly i?

HLAZY 122:6

Zerusale thlalôhna châta thlahchhâ teh u! “Hy Zerusale, kyh châ pachâpazy vânoh topa ta y ei sala,

ISAI 27:5

Cha ta a châ vei khiahta cha, Ei thokhy liata a vaw chhai ei sala, Nâ vaw dyh mawh ei sy, Nâ vaw dyh mawh ei sy.”

ISAI 32:17

Siana ta thlalôhna sa aw ta, Siana theilâpa cha, Chhâzaw sidiana nata hnangâhna a châ aw.

ISAI 54:13

Abeipa ta na saw zydua pachu aw ta, Na sawzy cha ama thlah a lôh ngaita aw.

ISAI 55:12

“Thaphapa ta pua aw ei chi ta, Thlalôhpa ta a chhipa nama châ aw; Tlâhpizy nata tlâhthlôhzy ta Nama hmiakô liata hla sa aw ei ta; Lyurâh thokô zydua ta Ama ku ama chabaih aw.

HABAKU 2:4

“Moh tua u, moleipa palôh cha a palai kaw ta, Ano liata adona y vei; Mosiapa deikua cha, Â ngiapâna ta a hroh aw.

ZEKARIA 6:13

Ano ta Abeipa Achhyna o cha sa aw ta, bei chysia ta tobipa châ aw ta, a beichyuchhai liata a tyuh aw ta, ryu a reih aw. Theihthaipa chhao ano beidyuchhai liata a tyuh hra aw ta, ama pano likah liata a dyryhna a y aw,’ tahpa ta na chho aw.

LUKA 19:38

“Abeipa moh ta Bei a vypa cha reithaipa ta y mawh sy! Vârâh liata thlalôhna charei sala, chônôchaipa liana khita rônahna y mawh sy!” tah ei ta.

LUKA 19:42

“Aw, nâma ta, nâma tlai ta, na thlalôhna châta hmotaopazy he tanoh pahno thai mawh la ei tah kaw dia! Châhrasala tahmâ la na mohmô tawhta nyupa a châ haw.

LUKA 2:14

“Khazoh Chônôchaipa hnohta rônahna y sala, Lei chô liata â lypa chyhsazy hnohta thlalôhna y mawh sy!” tah ei ta.

ZAWHÂNA 14:27

Thlalôhna cha sopa ei na ta, keima thlalôhna ei cha pie ei. Khizaw ta a piepa hawhta cha pie veih ei na. Nama pathipalôh nôpo leipa sala, chi hra khah sy.

ZAWHÂNA 16:33

Keima liata thlalôhpa ta nama y thei nawpa ta, he biezy he nama hnohta ei reih. Khizaw liana heta riethei pasa taopa ta nama y aw. Châhrasala thlalôhpa ta y teh u, kei ta khizaw ei tiah haw,” tah ta.

ZAWHÂNA 20:31

Zisu cha Mesia, Khazohpa Sawchapawpa châ ta, ngiapâna vâta ano moh ta hrona nama hnei thei nawpa ta, he châbu he ropa a châ.

ZAWHÂNA 5:24

Hmeiseihta ta, hmeiseihta ta ei cha chho ei, ahy rai ei bie thei ta, nâ tuahtuhpa a ngiapâpa cha, chhâzaw hrona a hnei haw. Thailei pachâsapa châ leipa aw ta, thina tawhta hrona lâ tlao â ngia haw.

HMOTAOPAZY 10:36

Khazohpa ta Izarei sawzy hnohta bie vaw tlôkhei ta, Zisu Krista hmâpa ta thlalôhna thâtihpha cha ama hnohta vaw tlôkhei tlai ta, châhrasala Zisu cha ato zydua Beipa a châ.

RAWMA 1:17

“Mosiapa cha ngiapâna ta a hroh aw,” tahpa ropa hawhta, thâtihpha liana chata Khazohpa siana a vaw luah ta, cha siana cha âthaona tawhta achhâna taihta ngiapâna vâta a ypa a châ.

RAWMA 1:7

Rawma khihpi liata Khazohpa kyhpachâpazy nata a mopathaihpazy châ awpa ta a awpa zydua ei châ naoh ei. Khazohpa eima Paw nata Abeipa Zisu Krista tawhta ngiachhiena nata thlalôhna nama hnohta y mawh sy.

RAWMA 10:10

Palôh ta a ngiapâpa cha thai pachâsapa ta y ta, pakah ta a châhkheipa cha pachhapa ta a y.

RAWMA 10:15

Tuapa ama châ vei khiahta cha, kheihta bie ama chho thei aw? “Thatihpha a vaw tlôkheituhpazy phei cha â ngia kaw dia!” tahpa ta ropa a châ.

RAWMA 14:17

Khazohpa khinarâh cha nie nata do kyh châ vei. Siana nata thlalôhna nata Thlahpa Pathaihpa liata alyna zy tlao a châ.

RAWMA 15:13

Thlahpa Pathaihpa hmotaotheina zawhzi ta hnabeiseihna hluhpi nama hnei thei nawpa ta, hnabeiseihna Khazohpa ta, ano nama ngâpa hawhta, alyna nata thlalôhna ta cha pabie mawh ei sy.

RAWMA 15:33

Thlalôhna Khazohpa cha nama zydua hnohta y mawh sy. Amen.

RAWMA 3:22

Cha Khazohpa siana cha, Zisu Krista amâ ngiapâpa vâta ngiapâtuhpa zydua hnohta paluahsapa ta a y. Ananona rai y vei.

RAWMA 3:30

Khazohpa cha pakha a châpa vâta, chopawtaipa cha ngiapâna vâta thaichâ aw ta, chopawtaileipa chhao, ngiapâna vâta thai a châ hra aw.

RAWMA 4:5

Rai a hria leipa chhao ta, moleipazy thai a pachâsatuhpa a ngiapâpa cha, â ngiapâna cha siana ta raopa a châ.

RAWMA 5:11

Cha dei châ vei, tahmâ aryhna miah a pahmôsatuhpa eima Beipa Zisu Krista vâta Khazohpa liata eimâ ly.

RAWMA 5:18

Moleina miakha vâta chyhsa zydua thailei pachâsapa ama châpa hawhta, siana hmotaopa miakha vâta chyhsa zydua thai pachâsapa châ ei ta, hrona ama hnei.

RAWMA 6:23

Moleina hlao cha thina châ tlôh ta, Khazohpa hmosaipiepa deikua cha, eima Beipa Krista Zisu zawhzi ta chhâzaw hrona a châ.

RAWMA 9:30

Khâpa eima reih khao aw? Siana a chadai leipa Zenitaizy ta ngiapâna ta siana tlao to ei ta,

KALATIA 2:16

Chatahrasala ryhpa hmotaopazy vâta chyhsa cha thaichâpa ta y leipa ta, Zisu Krista ngiapâna vâ deita ta thaichâpa ta a y, tahpa eima pahno. Chavâta keimo chhao, ryhpa hmotaopazy vâta châ leipa ta, Krista Zisu ngiapâna vâta thaichâpa ta eima y thei nawpa ta, Krista cha eimâ ngiapâ. Ryhpa hmotaopazy vâta ahy hmah thaichâpa ta y thei veih ei.

KALATIA 3:25

Tahmâ deikua, ngiapâna a vaw tlô hapa vâta, ryhpa chhihthana ry liata y khao ma pi.

KALATIA 5:22

Thlahpa theilâpa deikua cha, kyhpachâna, thaphana, thlalôhna, daotheina, nôphana, phana, ngâchhihna,

EPHESI 2:7

Chatanachata daihti vaw tlô awpazy liata, Krista liana chata Khazohpa ta eima chô liata a phana palâsa aw ta, panua tiah leipa a ngiachhiena hluhpi eima chô lia a palâsa aw.

PHILIPI 3:9

Ryhpa bie zyhpa vâta siana keima liata hnei leipa na ta, Krista ngiapâna vâta siana a hneipa ei châ. Cha siana cha Khazohpa tawhta a puapa châ ta, ngiapâna vâta hnei theipa deita a châ. Chavâta Krista liata ei y thei nawpa ta, hmo to kyna ta ei rao khai haw.

KAOLAOSÂ 1:20

a kraws thisaih ta aryhna taopa ta, ato, alei chô liata a ypa nata avâ liata a ypa zydua ano nata a ryhpa ta a tao.

KAOLAOSÂ 3:15

Krista thlalôhna ta nama palôh liata ryureih mawh sy. Cha hawhta châ awpa ta pôhpa miakha liata awpa nama châ. Chavâta a ly teh u.

1 THYSALAWNIKA 5:23

Thlalôhna Khazohpa ta tlokhuh cha pathaisa ei sala, nama thlahpa, nama pathipalôh nata nama pôhpa cha, eima Beipa Zisu Krista â vy tita, seina hnei leipa ta cha paysa mawh ei sy.

2 THYSALAWNIKA 3:16

Thlalôhna Beipa ta kyh to liata thlalôhna cha pie lymâ mawh ei sy. Abeipa cha nama zydua hnohta y mawh sy.

HEBRAI 13:20

Tahmâ he thlalôhna Khazohpa, eima Beipa Zisu athihpa hry tawhta a pahro heihpa, chhâzaw biehrai thisaih vâta mietaku vaituhpa rônahpa ta