RAWMA 4:6 - Mara Bible RV (BSI)

⁶ Hmotaopa vâta châ leipa ta, Khazohpa ta mosiapa ta a raopa nohlaona kyh cha, Dâvi chhao ta,

RAWMA 4:6 ပူးပေါင်းရင်းမြစ်များ

HLAZY 112:1

Abeipa cha reithai teh u! Abeipa biepiepazy liata a ly ngaita ta, Ano a chipa cha a nohlao na!

ISAI 54:17

Nâma a dyuh nawpa ta taopa chaihraizy cha, Kheihawhpa ta hmah cha tiah aw vei; Pachiana liata châ thyuhnaopa palei to chhao, Thailei na pachâsa aw ei. Cha cha Abeipa chakaotuhpazy ryuto châ ta, Kei tawhta ama thaichâna a châ,” Abeipa ta a tah.

ZEREMIAH 22:6

Abeipa ta Zudâh bei pathlazy kyh liata hetana heta a tah: “‘Ei châta Kilia hawhta châ chi ta, Lebanaw tlâh laki hawhta na châ; Chatahrasala râhchawhpa ta cha tao aw na ta, Khihpi rypa ta ei cha tao aw.

ZEREMIAH 33:16

Cha nohzy liata, Zudâh cha pachhapa châ aw ta, Zerusale chhao â bohpa ta a y aw. A moh cha ‘Zehôvâh Sidkenu,’ a châ aw.

DÂNIAH 9:24

“Hmoparaona paki awpa ta, moleina pachhâsa awpa ta, taopasina chatlai awpa ta, tlyzaw siana tlôkhei awpa ta, aluahna nata hrohsona paki awpa nata su pathaih chaipa sathaw thu awpa ta, na chyhsazy nata na khihpi pathaihpa châta hâta sysari raopa a châ.

MATHAI 25:19

Bohpi a châ tawhta, chakaotuhpazy zibeipa cha vaw tlô ta, a sôh a pavaosapazy pasia ta.

RAWMA 1:17

“Mosiapa cha ngiapâna ta a hroh aw,” tahpa ropa hawhta, thâtihpha liana chata Khazohpa siana a vaw luah ta, cha siana cha âthaona tawhta achhâna taihta ngiapâna vâta a ypa a châ.

RAWMA 3:27

Cha khiahta la, eimâ palaikhei kawpa kha khataih liata a y haw? Thypa ta a y haw. Khâpa ryhpa ta maw? Hmotaopa ryhpa ta ma? Châ vei, ngiapâna ryhpa ta tlao a châ.

RAWMA 4:11

Chopawtaileipa a châ nota, mosiapa a châna pa-i nawpa ta, chopawtaipa ngiana cha ngiapâna ta hmô ta. Cha chata â chhuahpa cha, chopawtaileipa zydua paw ta tao ta, âmo chhao mosiapa ta raopa ama châ thei nawpa ta a châ.

RAWMA 4:24

keimo châta chhao a châ. Athihpa hry tawhta eima Beipa Zisu a pathyutuhpa cha eimâ ngiapâ khiahta cha, keimo chhao mosiapa ta raopa eima châ hra aw.

RAWMA 4:5

Rai a hria leipa chhao ta, moleipazy thai a pachâsatuhpa a ngiapâpa cha, â ngiapâna cha siana ta raopa a châ.

RAWMA 4:7

“Ama paraonazy a ngiahthaipa châ ta, Ama moleinazy khupa ta a ypazy cha, Ama nohlao na;

RAWMA 4:9

Abarahâ ngiapâna cha a siana ta raopa a châ, eima tah tlôh khiahta cha, cha nohlaona cha chopawtaipazy châ deita ma, chopawtai leipazy châta chhao maw?

1 KAWRINI 1:30

Nâmo deikua cha, ano zawhzi ta Krista Zisu liata nama y. Ano cha keimo châta Khazohpa tawhta sona vaw châ ta, eima siana, pathaihna nata chatlaina a châ hra.

2 KAWRINI 5:21

Krista zawhzi ta Khazohpa siana eimâ hly thei nawpa ta, moleina rai a hnei leipa cha, Khazohpa ta keimo vâta moleipa ta a tao.

KALATIA 3:14

Chatanachata Abarahâ châta byhnâ awna cha, Krista Zisu vâta Zenitaizy hnohta vaw tlô aw ta, Thlahpa taihpa cha ngiapâna ta eima hmô thei aw.

KALATIA 4:15

Namâ lyna zydua kha kheihta a châ khai haw? Tao theipa châ sala, nama mozy chhao taih thaopa ta eina pie khoh aw ei chi tahpa ei pahno.

EPHESI 1:3

Khazohpa nata eima Beipa Zisu Krista Paw cha reithaipa ta y mawh sy. Ano chata avâ suzy liana khita Krista zawhzi ta thlahpa lâ byhnâ to miah pie ta.

RYHPACHANEINA 33:29

“Hy Izarei, na nohlao ngaita na! Nâ hawhta Abeipa ta a pachhapa phopi he ahy ma a y? Abeipa cha na châta baona vyhphao châ ta, Na pahniena zaozi a châ. Châ ngiarih awpa ta na chariahzy nâ lâ a vy aw ei ta, Ama ky lia na phei ta na tly aw ei.”

PHILIPI 3:9

Ryhpa bie zyhpa vâta siana keima liata hnei leipa na ta, Krista ngiapâna vâta siana a hneipa ei châ. Cha siana cha Khazohpa tawhta a puapa châ ta, ngiapâna vâta hnei theipa deita a châ. Chavâta Krista liata ei y thei nawpa ta, hmo to kyna ta ei rao khai haw.

2 TIMAWTHY 1:9

Ano cha eima hmotaopazy vâta châ leipa ta, a hmochhuahpa nata a ngiachhiena vâta miah pachha ta, awna pathaihpa ta miah awtuhpa a châ. Cha ngiachhiena cha khizaw y hlâta Krista Zisu liata miah a pie haw.

ZÂMIE 2:18

Chyhsa ahy tlyma ta, “Nâ ta ngiapâna hnei chi ta, kei ta hmotaopa ei hnei,” a tah thei. Hmotaopa a hlao leipa nâ ngiapâna cha na pahmô tua, kei ta ei ngiapâna cha ei hmotaopa ta ei cha pahmô aw.

2 PITY 1:1

Zisu Krista chakaotuhpa nata lyuhchâpa Saimaw Pity ta Zisu Krista eima Khazohpa nata Pachhatuhpa siana vâta keimo topa hawhpa ngiapâna sôh ngaitapa a to hrapazy ei châ naoh ei.