RAWMA 4:20 - Mara Bible RV (BSI)

²⁰ Ngiapâna a phahla beih leipa ta, Khazohpa bietai a lôh leipa ta y beih vei. Â ngiapâna a thatlô via rili ta, Khazohpa a palyupalih lymâ.

RAWMA 4:20 ပူးပေါင်းရင်းမြစ်များ

ÂTHAONA 15:6

Abarâ ta Abeipa cha a ngiapâ ta, â ngiapâna cha Abeipa ta a siana ta raopa ta.

2 ABEIZY 7:19

pheisaih hyutuhpa ta Khazohpa chyhsa cha a chhy ta, “Abeipa ta avâ opyzy a pahypa chhao ta, cha hawpa cha a y thei aw ma?” tah ta. Elaisâh ta, “Na mo tlai ta hmô aw chi ta, châhrasala nie aw va chi,” tah ta.

2 ABEIZY 7:2

Pheisaih hyutuhpa, abei ta a ku liata â pahniehpa ta Khazohpa chyhsa hnohta, “Abeipa ta avâ opyzy a pahypa chhao ta, cha hawhpa hmo cha a y thei aw ma?” tah ta. Khazohpa chyhsa ta, “Na mo tlai ta na hmô aw, châhrasala nie aw va chi,” tah ta.

ISAI 35:4

Palôh duapazy hnohta hetana heta tah teh u: “Chi leipa u la, thatlôpa ta y teh u! Pachâ teh u, nama Khazohpa cha, Phuh lana chhaota a vy aw ta, Khazohpa viarithôna chhaota â vy aw. A vy aw ta a cha pachha aw ei.”

ISAI 7:9

Epharai luh cha Samâri châ ta, Samâri luh cha Remâliah sawchapaw­pa a châ. Namâ ngiapâna â i vei khiahta la, Â ipa ta a duah thei aw veih ei chi,’ a tah,” tah ta.

DÂNIAH 10:19

Ano ta ei hnohta, “Hy chyhsa pasâhsa a chhih ngaitapa y, chi kha, thlalôhna na hnohta y mawh sy. Thatlôpa ta y la, riahphapa ta y teh,” na tah ta. Ei hnohta bie a rei khai nahta, thapatlôpa ta vaw y ha na ta, a hnohta, “Ei zibeipa ta bie reih mawh sy, tha eina patlô ha chi,” tah na ta.

DÂNIAH 11:32

Reithai pakheina reikah ta biehrai a paraotuhpazy cha pahnie aw ta, châhrasala ama Khazohpa a pahnopazy cha â ipa ta a duah aw ei ta, amâ duah patlô aw.

HÂKAI 2:4

Chatahrasala, hy Zerubâbe, thatlôpa ta y mah y,’ Abeipa ta a tah. ‘Hy Zehôzadâ sawchapaw theihthai beichaipa Zawsua, thatlôpa ta y mah y. Hy râhsaw zydua saih u, thatlô ngaitapa ta y muh vy,’ Abeipa ta a tah. ‘Thyu u la hria teh u, nama hnohta ei y,’ Pheisaihzy Abeipa ta a tah.

ZEKARIA 8:13

Hy Zudâh pathlazy nata Izarei pathlazy saih u, phopizy hry liata chhiesana bie châta hmâpa vaw châ tyh hra u la, tahmâ cha cha pachha aw ei na ta, byhnâ nama châ bâ aw. Chi leipa u la, nama ku tha patlô teh u!”

ZEKARIA 8:9

Pheisaihzy Abeipa ta hetana heta a tah: “Nâmo, tahmâ nota hrohsopazy pakah tawhta a puapa biezy a thei tyhpazy saih u, nama ku thapatlô teh u. He hrohsopazy he Achhyna o, Pheisaihzy Abeipa o lôbô bô nota a y hrapazy ama châ.

MATHAI 9:8

Zawpizy ta cha cha ama hmô nahta, chi ngaita ei ta, chyhsapazy hnohta cha hawhpa biehneina a pietuhpa Khazohpa cha reithai ei ta.

LUKA 1:18

Zekaria ta vâlyuhchâpa hnohta, “Cha cha kheihta ei pahno thei aw? Pawpipa châ na ta, ei lapinô chhao machâ ha ta,” tah ta.

LUKA 1:45

Abeipa ta a hnohta bie a reipa a vaw tlô aw tahpa a zopa chanô cha a nohlao na,” tah ta.

1 KAWRINI 16:13

A vaih u la, ngiapâna liata â ipata a duahpa ta, riahphapa ta y u la, thatlôpa ta y teh u.

2 KAWRINI 12:10

Cha vâna tlai chata chiehleina liata zy, mohnaona liata zy, rietheina liata zy, taolana liata zy, nôpona liata zy palôhtlâh ei paoh tyh. Ei chiehleina daihti maihta thatlôpa ei châ tyh.

EPHESI 6:10

A chhâ chaina ta cha, Abeipa nata a thatlôna liata thatlôpa ta y teh u.

2 TIMAWTHY 2:1

Chavâta nâ, ei saw y, Krista Zisu liata ngiachhiena a ypa liata thatlôpa ta y mah y.

1 SAMUELA 30:6

Chyhsa to ta ama sawchapawzy nata sawchanôzy vâta palôh pasa ngaitapa ta y ei ta. Chavâta Dâvi cha alô ta vaw awpa kyh reih ei ta. Dâvi cha a nôpo kaw ta. Châhrasala Dâvi cha Abeipa a Khazohpa liata tha a patlô ta.