RAWMA 4:11 - Mara Bible RV (BSI)

¹¹ Chopawtaileipa a châ nota, mosiapa a châna pa-i nawpa ta, chopawtaipa ngiana cha ngiapâna ta hmô ta. Cha chata â chhuahpa cha, chopawtaileipa zydua paw ta tao ta, âmo chhao mosiapa ta raopa ama châ thei nawpa ta a châ.

RAWMA 4:11 ပူးပေါင်းရင်းမြစ်များ

ÂTHAONA 17:24

Abarahâ cha a sapa liata chopaw â tai nota kô sychaki nata kô chakipa châ ta,

HLAZY 47:9

Phopizy tawhta beizy a hmaoh ei ta, Abarahâ Khazohpa phopi chhao amâ hmaoh. Khizaw vyhphaozy he Khazohpa eih châ ta, Ano cha thata cheihchalopa a châ.

PUASAINA 12:13

Thisaih cha nâmo châta nama yna o ngiana châ aw ta, thisaih ei hmô khiahta cha, ei châ zaw pakhô ha aw ei. Chatanachata Izi râh ei tu tita, nâmo chô lia deikua cha, châ pahleipadia awpa khâpa hri hmah vaw tlô aw vei.

PUASAINA 31:13

“Izarei sawzy hnohta hetana heta reih teh, ‘Ei Pahânohzy nama chay awpa a châ. Cha cha nama chhâ zydua châta kei nata nâmo likah ta ngiana châ aw ta, chatanachata kei he Zehôvâh Mekâdiske ei châ tahpa nama pahno aw.

PUASAINA 31:17

Noh charu chhôh Abeipa ta avâ nata alei tao ta, a noh sarina noh cha a pahâpa ta a hu â pahnopa vâta, Pahânoh cha kei nata Izarei sawzy azaona ngiana a châ zôzaw aw,’ tah mah y,” tah ta.

EZEKIA 20:12

Cha dei châ vei, kei he âmo a pathaisatuhpa Abeipa ei châ tahpa ama pahno thei nawpa ta, âmo nata keima likah liata ngiana châta ei Pahânohzy chhao ei pie ei.

EZEKIA 20:20

Kei he Abeipa nama Khazohpa ei châ tahpa nama pahno thei nawpa ta, keima nata nâmo likah liata ngiana châta ei Pahânohzy pathaihsa muh vy tah na ta.’

MATHAI 16:16

Saimaw Pity ta, “Mesia, Khazohpa hrohpa Sawchapawpa na châ,” tahpa ta a chhy ta.

MATHAI 8:11

Ei cha chho ei, nochhi notla tawhta chyhsa hluhpi a vy aw ei ta, Abarahâ, Aisika nata Zakaw zy hnohta vârâh khinarâh liata amâ tyuh aw.

LUKA 19:9

Zisu ta a hnohta, “Tanoh he, he o liata pachhana a vaw tlô haw. Ano chhao he Abarahâ sawchapawpa châ hra tlôh ta.

ZAWHÂNA 3:33

A bie pahnopa a pyhpa cha, Khazohpa cha adopa a châ tahpa ta a moh a chahnao pa-i.

ZAWHÂNA 3:36

Ahy rai Sawchapawpa a ngiapâpa cha chhâzaw hrona a hnei haw. Ahy rai Sawchapawpa bie a zyh leipa cha, hrona hmô aw vei, Khazohpa hiehâhna a chô liata tlao a y.

ZAWHÂNA 6:35

Zisu ta ama hnohta, “Kei he hrona viahchhâ ei châ. Ahy rai kei lâ a vypa cha a nodi leipa aw ta, ahy rai nâ ngiapâpa cha a dâh phi beih aw vei.

ZAWHÂNA 6:40

He he ei Paw khopa cha a châ, ahy rai Sawchapawpa hmô ta a ngiapâpa maih cha chhâzaw hrona hnei aw ei ta, noh chhâna noh liata ei pathyu aw ei,” tah ta.

ZAWHÂNA 6:47

Hmeiseihta ta, hmeiseihta ta ei cha chho ei, ahy rai a ngiapâpa cha chhâzaw hrona a hnei haw.

ZAWHÂNA 8:33

Âmo ta a hnohta, “Abarahâ pathlazy châ pi ta, ahy sei ta hmah y beih ma pi. Kheihtazieta, ‘Khotalaipa nama châ aw,’ a tahpa ma na châ?” tah ei ta.

RAWMA 10:11

Biehrai ta, “Ahy rai ano a ngiapâpa maih maophyuh aw veih ei,” a tah.

RAWMA 10:4

Krista cha ngiapâtuhpa zydua ta siana ama hmô thei nawpa ta ryhpa chhâna a châ.

RAWMA 10:6

Ngiapâna vâta siana deikua ta cha, “Na palôh ta, ‘Vârâh tawhta Krista a zâ chhi awpa ta, ahy ma vârâh lâ a kiah aw?

RAWMA 3:22

Cha Khazohpa siana cha, Zisu Krista amâ ngiapâpa vâta ngiapâtuhpa zydua hnohta paluahsapa ta a y. Ananona rai y vei.

RAWMA 3:26

Zisu Krista cha mosiapa a châ thei nawpa nata ano ngiapâtuhpa châta thaipachâsatuhpa a châ thei nawpa ta, Khazohpa ta tahmâhlâ daihti liana heta Zisu Krista siana cha a vaw palâsapa a châ.

RAWMA 3:30

Khazohpa cha pakha a châpa vâta, chopawtaipa cha ngiapâna vâta thaichâ aw ta, chopawtaileipa chhao, ngiapâna vâta thai a châ hra aw.

RAWMA 4:10

Abarahâ kha khâpa vâta ma mosiapa ta raopa a châ? Chopawtaipa a châ tawhta ma, tai hlâta maw? Chopawtaipa a châ tawhta châ leipa ta, chopawtai hlâ tawhta mosiapa ta rao hapa a châ.

RAWMA 9:30

Khâpa eima reih khao aw? Siana a chadai leipa Zenitaizy ta ngiapâna ta siana tlao to ei ta,

RAWMA 9:33

“Pachâ teh, Zaio liata achapiana lô soh na ta, Moleina lôpanô ei soh; Ahy rai ano a ngiapâpa cha, Maophyuh aw vei,” tahpa ta ropa hawhta.

RAWMA 9:6

Châhrasala Khazohpa bie cha hraoleipa ta a y tahna châ vei. Izarei pathla zydua Izarei châ khai hlei veih ei.

2 KAWRINI 1:22

Ano eih eima châpa miah ngiatuhpa chhao châ ta, bie ataihna châta a Thlahpa eima palôh liata miah pietuhpa a châ hra.

KALATIA 3:22

Châhrasala Khazohpa bietai cha, Zisu Krista ngiapâna vâta, ngiapâtuhpazy hnohta piepa a châ thei nawpa ta, khizaw zydua he moleina liata a tâhpa a châzie Biehrai ta a phuah.

KALATIA 3:29

Krista eih nama châ khiahta cha, Abarahâ pathla châ ei chi ta, bietai hawhta ryutotuhpazy nama châ.

KALATIA 3:7

Chavâta pahno teh u, ngiapâna liata a ypazy, chazy tlai cha Abarahâ sawzy ama châ.

KALATIA 5:5

Keimo deikua la, Thlahpa zawhzi ta, ngiapâna vâta siana to awpa hnabeiseihpa ta, a ngiatiah leipa ta eima hâ.

KALATIA 6:16

Cha ryhpa a zyhpa zydua nata Khazohpa Izarei chô liata thlalôhna nata ngiachhiena y mawh sy.

EPHESI 1:13

Nâmo chhao, nama pachhana thâtihpha biehmeiseihpa thei ei chi ta, namâ ngiapâ ha tawhta cha, ano liana chata bietai Thlahpa Pathaihpa ta pa-ipa nama châ.

EPHESI 4:30

Khazohpa Thlahpa Pathaihpa pachâ parôh khuh vy, chatlaina noh châta ano ta ngiapa nama châ.

RYHPACHANEINA 30:6

Abeipa nama Khazohpa cha nama pathipalôh tlokhuh ta nata nama thlahpa tlokhuh ta kyhpachâpa ta, na hroh thei nawpa ta, Abeipa nama Khazohpa ta nama pathipalôh nata nama pathlazy pathipalôh chopaw a cha taipa aw ei.

PHILIPI 3:9

Ryhpa bie zyhpa vâta siana keima liata hnei leipa na ta, Krista ngiapâna vâta siana a hneipa ei châ. Cha siana cha Khazohpa tawhta a puapa châ ta, ngiapâna vâta hnei theipa deita a châ. Chavâta Krista liata ei y thei nawpa ta, hmo to kyna ta ei rao khai haw.

HEBRAI 11:7

Ngiapâna ta Nôah cha hmo a lâ leipazy kyh liata Khazohpa zikyurâna cha pachâ peimawh ta, Khazohpa chizapa ta, a chhôhkhazy pachha nawpa ta balyh a tu. Â ngiapâna ta khizaw thailei pachâsa ta, ngiapâna vâta hmôpa siana ryutotuhpa a vaw châ haw.

2 PITY 1:1

Zisu Krista chakaotuhpa nata lyuhchâpa Saimaw Pity ta Zisu Krista eima Khazohpa nata Pachhatuhpa siana vâta keimo topa hawhpa ngiapâna sôh ngaitapa a to hrapazy ei châ naoh ei.

BIEPHUAH 9:4

Ama khi liata Khazohpa chahnaona a hnei leipa chyhsazy tah leipa ta cha, alei liata sibiepazy, tho hrohpa kheihawhpa rai nata thokô kheihawhpa rai parao lei awpa ta chhopa ama châ.