RAWMA 3:9 - Mara Bible RV (BSI)

⁹ Cha khiahta la, keimo Zuzy pi he Krikâh mo hlâta eima pha via hlei ma? Châ bao va! Zuzy chhao, Krikâh mo chhao, moleina sei liata a ypa eima châ khaizie eima rei hapa kha.

RAWMA 3:9 ပူးပေါင်းရင်းမြစ်များ

BIESOZY 20:9

“Ei palôh pathaihsa ha na ta, Ei moleina tawhta ei pathaih haw,” Ahy ma a tah thei tly?

ISAI 65:5

“Â hlapa liata a duah teh, Nâ vaw hnia kha, Nâma hlâta ei pathaih via,” A tah tyhpazy ama châ. Ei hnapasu liata meikhuh châ ei ta, Noh y ta mei a iapa ama châ.

LUKA 7:39

Cha hmo cha Zisu pati nie a hruatuhpa Phârisaih ta a hmô nahta, a palôh liata, “He chyhsa he hrohsopa a châ tlai khiahta cha, a hriatuhpa chanô he ahy ma a châ tahpa nata kheihawhpa chyhsa ma a châ tahpa a pahno thlyu awpa châ ta, ano he chanô moleipa châ tlôh ta,” tah ta.

RAWMA 1:18

Khazohpa a pachâ leipa nata chyhsa sia leipa zydua chô liata Khazohpa pathiiana avâ tawhta a zâ luah. Âmo cha ama sialeina vâta biehmeiseihpa a pakhâtuhpazy ama châ.

RAWMA 11:32

A ngiachhie khai thei nawpa ei ta, Khazohpa ta chyhsa zydua reingiah leina liata a khô khai ha ei.

RAWMA 11:7

Cha khiahta la, kheihta a châ aw? Izarei ta a tluapa cha hmô leipa ta, atlyhpazy ta hmô ei ta, ahropazy cha kuhchhâpa ta ama y,

RAWMA 2:1

Chavâta Hy chyhsapa, nâ, mohropa a sei thaipa, rei awpa rai hnei va chi. Mohropa na seina liana tlai khata, nâmasasyh ta thailei nâ pachâsa haw, nâ, seituhpa tlai chhao chi kha, cha hawhpa hmozy a tao tyhpa na châ hrapa vâta.

RAWMA 3:1

Cha khiahta la, Zu chyhsa châpa cha phahnaina khâpa a hnei? Chopawtaipa chhao cha khâpa athôhna a hnei?

RAWMA 3:19

Ryhpa ta a reipa maih cha, ryhpa ry liata a ypazy hnohta reipa a châ tahpa eima pahno. Chatanachata pakah to hmao mopa ta y aw ei ta, khizaw zydua he Khazohpa ryureina ry liata a y thei aw.

RAWMA 3:5

Châhrasala keimo sialeina ta Khazohpa siana a palâsa khiahta cha, khâpa eima reih khao aw? Eima chô liata a hiehâhna a patlôsana kyh liata, Khazohpa cha sialeipa a châ ma? Cha cha chyhsapa lâ tawhta ei reipa a châ.

RAWMA 6:15

Kheihta ma a châ aw? Ryhpa ry liata y leipa pi ta, ngiachhiena ry liata eima ypa vâta, moleina tao awpa a châ ma? Châ bao va!

RAWMA 7:14

Ryhpa cha thlahpa hmo a châ tahpa eima pahno. Kei deikua cha sapa chyhsa, moleina sei ta zua hapa ei châ.

1 KAWRINI 10:19

Khâpa ma rei ei chhuah? Nothlahpa lâta atheihna hlâpa cha khâpa hmah châ leipa ta, nothlahpa chhao cha khâpa hmah châ vei, ei tah mâ?

1 KAWRINI 14:15

Kheihta a châ aw tly? Thlahpa ta thlahchhâ aw na ta, ei palôh chhao ta ei chhâ aw. Thlahpa ta hla sa aw na ta, ei palôh chhao ta ei sa aw.

1 KAWRINI 4:7

Ahy ma mohropazy nata ananopa ta châ tao? Na dao leipa hmo khâpa na hnei? Na daopa a châ tlôh khiahta cha, khazia daopa a châ leipa hmo hawhta nâ palaikhei?

KALATIA 3:10

Ryhpa hmotaopazy liata a pahniehpa zydua cha, chhiesana ry liata ama y, “Ryhpa châbu liata bie ropa zydua a tao leipa nata a zyh leipa maih cha chhiesapa ta y mawh sy,” tahpa ropa châ tlôh ta.

KALATIA 3:22

Châhrasala Khazohpa bietai cha, Zisu Krista ngiapâna vâta, ngiapâtuhpazy hnohta piepa a châ thei nawpa ta, khizaw zydua he moleina liata a tâhpa a châzie Biehrai ta a phuah.

PHILIPI 1:18

A peina a y ma? A pakheipa rai châ sala, a hmeiseihpa rai châ sala, a peimawhpa cha, kyh to ta Krista bie chhopa he a châ. Cha vâna chata a ly na ta, ei ly lymâ aw.