RAWMA 3:7 - Mara Bible RV (BSI)

⁷ Kei ta haipa bie ei reipa vâta, Khazohpa biehmeiseihpa cha ano parônahsana taihta â lâ khiahta cha, khazia moleipa hawhta thailei pachâsapa ta ei y?

RAWMA 3:7 ပူးပေါင်းရင်းမြစ်များ

ÂTHAONA 37:20

A vy teh u, thie sih la, khaohtlô miakha liata pathla ei suh u. Sahrâhpa na a sie haw tah aw pi ta, a mâzy cha kheihta ma a châ aw tahpa eima moh tua rai aw,” tah ei ta.

PUASAINA 14:30

Cha hawhna chata Abeipa ta Izarei sawzy cha, cha noh liata Izi mo ku tawhta a pachha ha ei. Izarei sawzy ta Izi mo cha thiruapa ta tilaipi kiah liata hmô ei ta.

PUASAINA 14:5

Chyhsazy amâ râ khai haw tahpa Izi bei ama chho nahta, âmo kyh liata Phiraoh nata a chakaotuhpazy palôh anano ha heih ta, “Izarei sawzy miah ama chakao haipa tlai ta eima pasiesa thlâh hapa kha, kheihtazie ta kha hawhta a taopa ma eima châ tly?” tah ei ta.

PUASAINA 3:19

Châhrasala ku thatlôpa ta a pataosa leipa ta cha, Izi bei ta cha pasiesa aw veih ei tahpa ei pahno.

MATHAI 26:34

Zisu ta Pity hnohta, “Hmeiseihta ta ei cha chho, tazâ tlai heta, awh kho hlâta ei thôh einâ paphasai aw chi,” tah ta.

HMOTAOPAZY 2:23

Kha Zisu kha Khazohpa pachhuahpanohpa nata pahno chhieliepa hawhta, nâmo ta patusa ei chi ta, moleipazy ku ta khaipâ ei chi ta, nama thie hapa a châ.

RAWMA 3:4

Châ bao va! Chyhsa zydua a haihpa châ hra ei sala, Khazohpa cha adopa a châ, Biehrai liata, “Na bie ta thai châ la, Pachiapa ta na y tita, Pahniena to mah y,” tahpa ta ropa hawhna khata.