RAWMA 3:5 - Mara Bible RV (BSI)

⁵ Châhrasala keimo sialeina ta Khazohpa siana a palâsa khiahta cha, khâpa eima reih khao aw? Eima chô liata a hiehâhna a patlôsana kyh liata, Khazohpa cha sialeipa a châ ma? Cha cha chyhsapa lâ tawhta ei reipa a châ.

RAWMA 3:5 ပူးပေါင်းရင်းမြစ်များ

ÂTHAONA 18:25

Moleipazy hnohta mosiapazy thie ta, mosiapa nata moleipazy palyu thlâh ha awpa cha, tao aw va chi. Cha hawhpa ngâsâ cha tao aw va chi. Alei chô zydua ryureituhpa ta cha, hmo dopa a tao awpa châ vei ma?” tah ta.

ZAWBÂ 8:3

Khazohpa ta ryureina dopa a pako beih ma? Atotaotheipa ta hmo dopa a pako beih ma?

NÂHU 1:2

Abeipa cha hiatlia a pasapa Khazohpa châ ta, Phuh a lapa Khazohpa a châ; Abeipa cha phuh lana nata pathiiana ta a biepa châ ta, Abeipa cha a khakhaipazy chô liata phuh la ta, A chariahpazy châta pathiiana a pachôtuhpa a châ.

RAWMA 12:19

Kho ngaitapa saih u, nama phuh a la leipa u la, Khazohpa pathiiana tlei hri teh u. “Phuh cha keima la awpa châ ta, kei ta viari ei thô aw, Abeipa ta a tah,” tahpa ta ropa a châ.

RAWMA 2:5

Na palôh kuhchhana nata ro khoh leina vâta, hiehâhna noh, Khazohpa pachiana siapa â vaw luahna noh châta, nâmasasyh ta hiehâhna nâ pachôpakhy.

RAWMA 3:19

Ryhpa ta a reipa maih cha, ryhpa ry liata a ypazy hnohta reipa a châ tahpa eima pahno. Chatanachata pakah to hmao mopa ta y aw ei ta, khizaw zydua he Khazohpa ryureina ry liata a y thei aw.

RAWMA 3:7

Kei ta haipa bie ei reipa vâta, Khazohpa biehmeiseihpa cha ano parônahsana taihta â lâ khiahta cha, khazia moleipa hawhta thailei pachâsapa ta ei y?

RAWMA 4:1

Cha khiahta la, sapa ryhpa ta miah pathlatuhpa Abarahâ kha, khâpa hmo a hmôpa hawhta ma eima reih aw?

RAWMA 5:8

Châhrasala Khazohpa ta a kyhpachâna cha keimo châta vaw paluahsa ta, moleipazy eima châ nota, Krista cha eima châta thi ha ta.

RAWMA 6:1

Khâpa eima reih khao aw? Ngiachhiena a pôh thei nawpa ta, moleina eima tao pazao aw ma?

RAWMA 6:19

Nama sapa chiehleina pahnopa ta, chyhsapa pachâna lâ tawhta ei reipa a châ. Nama pôhpa pachiahpazy cha, pathaih leina sei ta vaw hlâ tyh ei chi ta, moleina papôh rilina sei ta nama hlâ tyhpa hawhna khata, tahmâ la nama pôhpa pachiahpazy cha pathaihna lâ a chhipa siana seizy châ awpa ta hlâ teh u.

RAWMA 7:7

Khâpa eima reih khao aw? Ryhpa cha moleina ma? Châ bao va! Ryhpa y leipa sala, moleina ei pahno lei awpa tlai. Ryhpa ta, “Na uahva awpa châ vei,” tah leipa sala, uahvana cha khâpa ma a châ tahpa pahno aw va na.

RAWMA 8:31

Cha kyhzy liana chata khâpa eima reih khao aw? Khazohpa eima chhâh â châ khiahta cha, ahy miah a dyuh thei aw?

RAWMA 9:30

Khâpa eima reih khao aw? Siana a chadai leipa Zenitaizy ta ngiapâna ta siana tlao to ei ta,

1 KAWRINI 15:32

Chyhsapa lâ tawhta reipa ta la, Ephesi khih liata sahrâhpazy nata eimâ tupa kha, ei châta khâpa a phahnai aw? Athihpazy pathyupa ama châ vei khiahta cha, “Mylâ thi tlôh aw pi ta, Chavâta nie sih la, doh suh u.”

1 KAWRINI 9:8

Cha biezy cha chyhsapa biehneina ta ei reipa dei ma a châ? Ryhpa bie chhao ta, cha biezy tlai cha reih hra vei mâ?

2 KAWRINI 6:4

Khazohpa chakaotuhpazy eima châpa hawhta, kyh to liata chyhsa modypa ta eima y. Thata pasa taona liata zy, riethei taona liata zy, rairuna liata zy, pachârôhna liata zy;

2 KAWRINI 7:11

Khazohpa liata nama pachârôhna ta nâmo liata a sa papuapa hmozy he moh tua u. Phahnai ngiahna, reipasipasua hlao lei awpa khona, adona hrokhei khohna, Khazohpa china, mopathaihpazy vâna, khopasana nata ryureina dopa hmô khohna zy nâmo liata a sa papua. He kyh liata kao to liata nama pathaihzie nâmo tlai ta nama palâsa haw.

KALATIA 2:18

Ei phie hapa a sa pathituhpa ei châ khiahta cha, paraotuhpa ei châpa keimasasyh ta a palâsapa ei châ.

KALATIA 3:15

Unawh saih u, pamosa nawpa ta, chyhsapa taozie ei reih tua aw: Chyhsa taopa biehrai hmahta pa-i hapa cha, phie beih leipa ei ta, baichha beih hra veih ei.

BIEPHUAH 15:3

Khazohpa chakaotuhpa Mawsi hla nata Mietakutaw hlazy hetana heta ama sa: “Hy Atotaotheipa Abeipa Khazohpa, Na hmotaopazy rônah ta, Noâh â chhih kaw dia! Hy phopizy Beichaipa, Na lâpizy sia ta, Â do kaw dia!

BIEPHUAH 18:20

“Hy avâ, ano vâta a ly la, Nâmo, mopathaihpazy, Nâmo, lyuhchâpazy, Nâmo, hrohsopazy, Ano vâta a ly teh u; Khazohpa ta a chô liata Viari a cha thôpa ha ei hih.”