RAWMA 3:4 - Mara Bible RV (BSI)

⁴ Châ bao va! Chyhsa zydua a haihpa châ hra ei sala, Khazohpa cha adopa a châ, Biehrai liata, “Na bie ta thai châ la, Pachiapa ta na y tita, Pahniena to mah y,” tahpa ta ropa hawhna khata.

RAWMA 3:4 ပူးပေါင်းရင်းမြစ်များ

ZAWBÂ 36:3

Ei pahnona he lâhlapi tawhta ei lapa châ ta, Nâ Taotuhpa cha siana ei patosa aw.

ZAWBÂ 40:8

Kei hmâchhâh ma adoleipa ta eina soh aw chi? Nâma nâ do thei nawpa ta ma kei thailei eina pachâ aw chi?

HLAZY 100:5

Abeipa cha pha ta, A kyhpachâna cha chhâzaw châta a daih ta, A ngâchhihna chhâ zydua taihta â daih.

HLAZY 116:11

Chipa ta y na ta, “Chyhsapa zydua a haihpa sai ama châ,” Ei vaw tah thlâh ha cha.

HLAZY 119:160

Na bie zydua a do ta, Na pachiana siapa zydua chhâzaw ta a y thlâh ha aw.

HLAZY 138:2

Nâma Achhyna o pathaihpa lâ a heipa ta a bôh na ta, Na zawngiahna nata ngâchhihna vâta, Na moh reithai aw na ta; Hmo to zydua hlâta na moh nata na bie na cheihchalo viapa vâta, Na moh ei reithai aw.

HLAZY 51:4

Na chô liata, nâma chô lia tlai ta vaw molei na ta, Na mohmô liata hmo pha leipa ei vaw tao haw; Na biezy liata thaichâ chi ta, Na pachiana liata seina y vei.

HLAZY 62:9

Mochyhpazy cha ei kha husopa hawh dei châ ei ta, Molaipazy chhao dôveina deita a châ; Khopathliahna liata a hua syulyu ha ei ta, Ama pano ta ei kha husopa hlâta amâ hua via.

MIKÂ 7:20

Miah pathlatuhpazy hnohta Hlâno tawhta bie nâ vaw taih hapa hawhta, Zakaw chô liata ngâchhihna palâsa aw chi ta, Abarahâ chô liata kyhpachâna tleih beih leipa na palâsa aw.

MATHAI 11:19

Chyhsa Sawchapawpa a vy ta, nie ta, doh ta, ‘Moh tua u, azohpa nata kresawhti parâpa, chhiekheituhpazy nata moleipazy viasa huh!’ tah heih ei ta. Châhrasala sona cha a hmotaopazy tawhta â dozie â lâ tyh,” tah ta.

LUKA 20:16

A vy aw ta, thlyuhlaotuhpazy cha pahleipadia aw ta, kre sadô cha mohropazy a pie aw ei,” tah ta. Cha cha ama thei nahta, “Khazohpa ta pasaih khah sy?” tah ei ta.

ZAWHÂNA 3:33

A bie pahnopa a pyhpa cha, Khazohpa cha adopa a châ tahpa ta a moh a chahnao pa-i.

RAWMA 11:1

Cha khiahta la, hiahrina ei tao. Khazohpa ta ano phopi cha a thy aw ma? Thy bao va! Kei chhao he Izarei chyhsa, Abarahâ pathla, Benzami chi ei châ.

RAWMA 11:11

Cha khiahta la, amâ chapiana cha ama pao pathlah nawpa a châ ma? Châ bao va! Izarei hia patliasa awpa ta, amâ chapiana vâta Zenitaizy lâ pachhana a vaw tlôpa a châ.

RAWMA 3:31

Cha khiahta la, ngiapâna vâta ryhpa cha hraoleipa ta eima pachâsa ma? Châ bao va! Ryhpa cha tlao eima pa-ipa a châ.

RAWMA 6:15

Kheihta ma a châ aw? Ryhpa ry liata y leipa pi ta, ngiachhiena ry liata eima ypa vâta, moleina tao awpa a châ ma? Châ bao va!

RAWMA 6:2

Châ bao va! Keimo moleina a thisai hapazy pi ta cha, kheihta ma moleina liata eima y thei khao aw?

RAWMA 7:13

Cha khiahta la, hmo phapa cha kei châta thina a châ ma? Châ bao va! Hmo phapa cha moleina ta hmâh ta, keima liata thina a tlôkheipa tlao a châ. Chatanachata moleina cha moleina a châ tahpa a lâ aw ta, molei ngaitapa a châzie biepiepa ta a palâsa aw.

RAWMA 7:7

Khâpa eima reih khao aw? Ryhpa cha moleina ma? Châ bao va! Ryhpa y leipa sala, moleina ei pahno lei awpa tlai. Ryhpa ta, “Na uahva awpa châ vei,” tah leipa sala, uahvana cha khâpa ma a châ tahpa pahno aw va na.

RAWMA 9:14

Cha khiahta cha, khâpa eima reih khao aw? Khazohpa liata sialeina a y ma? Y bao va!

1 KAWRINI 6:15

Nama pôhpa cha Krista pachiahpazy a châ tahpa pahno veih ei chi mâ? Cha khiahta la, Krista pachiahpazy cha lapa ta, âzuahnô pachiahpazy ta ei tao aw ma? Tao beih aw va na!

2 KAWRINI 1:18

Khazohpa ngâ â chhihpa hawhta, nâmo lâta eima bie chhao, a châh ta “A châ” tah ta, a châh ta “Châ vei” tahpa hawhpa châ vei.

KALATIA 2:17

Châhrasala Krista liata thaichâpa ta y awpa eima chhuah nota, keimo chhao cha moleipazy vaw châ ha sih la, Krista cha moleina chakaotuhpa a châ tahna a châ aw ma? Châ bao va.

KALATIA 2:21

Khazohpa ngiachhiena cha hraolei pachâsa va na. Ryhpa liata thaichâna a y khiahta cha, Krista cha hraoleipa ta a thipa a châ aw.

KALATIA 6:14

Kei deikua la, eima Beipa Zisu Krista kraws dei leipa ta cha, a palaikhei awpa hropa hnei va na. Cha kraws liata khizaw he kei châta khaipâpa ta y ta, kei chhao khizaw châta khaipâpa ta ei y.

RYHPACHANEINA 32:4

“Lôpanô cha a hmotaopazy siapaki ta, A lâpi zydua â do. Ano cha Khazohpa ngâchhihpa châ ta, Paraona hnei leipa ta, Asiapa nata adopa a châ.

1 TIMAWTHY 3:16

Khazohpa pahnona bienyupa cha a rônah ngaita, reipasipasua awpa y vei: Sapa ta a vaw luah ta, Thlahpa ta thai pachâsa ta, Vâlyuhchâpazy ta ama hmô. Phopizy hry liata phuahpa châ ta, Khizaw ta a ngiapâ ta, Rônahpa ta chô lâ a chhipa a châ.

TITU 1:2

Haipa bie a reih beih leipa nata khizaw y hlâ tawhta chhâzaw hrona bie a vaw taih hapa Khazohpa a ngiapâtuhpa ei châ.

HEBRAI 6:18

Chatanachata hmo anano beih leipa miano vâta, haipa bie rei awpa cha Khazohpa châta hmo thei leipa châ ta, a boh awpa ta ano lâ a râpazy pi heta eima hmiakô liata hnabeiseihna sopa cha thlalôhpa ta eima hnei thei aw.

1 ZAWHÂNA 5:10

Khazohpa Sawchapawpa a ngiapâpa maih ano liata a pahnona a hnei. Khazohpa a ngiapâ leipa deikua cha, Khazohpa ta a Sawchapawpa a pahnokheina â ngiapâ leipa vâta, Khazohpa cha a haihpa ta a tao.

1 ZAWHÂNA 5:20

A hmeiseihpa cha ahy ma a châ tahpa eima pahno thei nawpa ta, Khazohpa Sawchapawpa cha a vy ta, novâhna miah a pie tahpa eima pahno. Keimo cha a hmeiseihpa, a Sawchapawpa Zisu Krista liata a ypazy eima châ. Ano cha Khazohpa hmeiseihpa châ ta, chhâzaw hrona a châ.

BIEPHUAH 3:7

“Philadelphia Awnanopa vâlyuhchâpa hnohta hetana heta roh teh: ‘Mopathaihpa, a hmeiseihpa, Dâvi châhbi hnei ta, ahy hmahta khaw thei lei awpa ta a pahytuhpa, ahy hmahta pahy thei lei awpa ta a khawtuhpa ta he biezy he a reih.