RAWMA 3:29 - Mara Bible RV (BSI)

²⁹ Khazohpa cha Zuzy Khazohpa dei ma a châ? Zenitaizy Khazohpa chhao châ hra vei ma? A châ tlaih, Zenitaizy Khazohpa a châ hra.

RAWMA 3:29 ပူးပေါင်းရင်းမြစ်များ

ÂTHAONA 17:18

Abarahâ ta Khazohpa hnohta, “Ismela he na hmiakô liata tlao y thei sala ei tah kaw dia!” tah ta.

HLAZY 22:7

Nâ hmôpa maihta na pahneisao ei ta, Ama hmao na pabyuh chiepa ta, Ama luh eina chahuah chie ei.

HLAZY 67:2

Chatanachata na lâpi cha alei chô liata pahnopa ta y aw ta, Na pachhana cha râh to liata pahnopa a châ aw.

HLAZY 72:17

A moh chhâzaw ta y sala, Noh a chhi chhôh zydua cha, A moh pathâh lymâ mawh sy! Phopi cha ano liata byhnâ topa ta y sala, Râh zydua ta ano cha nohlaopa tah mawh ei sy!

ISAI 54:5

Châ Taotuhpa cha na vahpa châ ta, A moh Pheisaihzy Abeipa a châ; Châ Chatlaituhpa chhao Izarei Mo Pathaihpa châ ta, ‘Khizaw zydua Khazohpa,’ Tahpa ta awpa a châ.

ZEREMIAH 16:19

Hy Abeipa, ei thatlôna nata ei thokhy, Nôpona noh liata ei chhai tyhpa y, Phopizy khizaw kaokih tawhta nâ lâ a vy aw ei ta, Hetana heta ama tah aw: “Haipa biezy tah leipa ta cha, Miah pathlatuhpazy ta khâpa ryu hmah to leipa ei ta; Athôhna a hnei leipa hmo phahnai leipazy tah leipa ta cha, Khâpa ryu hmah to veih ei.

ZEREMIAH 31:33

“Cha nohzy hnôhlâ ta Izarei pathlazy hnohta biehrai ei tao awpa cha, he he a châ,” Abeipa ta a tah. “Ama chhôh liata ei ryhpa bie soh aw na ta, ama palôh liata ei roh ha aw. Kei ama Khazohpa châ aw na ta, âmo cha ei phopi ama châ aw.

HÔSIA 1:10

“Chatahrasala Izarei saw maluh cha rei tiah leipa nata panua tiah leipa tilaipi sadi zie hawhta châ aw ei ta, ‘Ei phopi châ veih ei chi’ tahpa ta ama awna su liata, ‘Khazohpa hrohpa sawzy nama châ’ tahpa ta awpa tlao ama châ ha aw.

ZEKARIA 2:11

“Cha noh liata phopi hluhpi ta Abeipa a pazao aw ei ta, ei phopi ama châ aw. Na hnohta pahrâ aw na ta, Pheisaihzy Abeipa ta na hnohta eina vaw tuah tahpa na pahno aw.

MALAKHAI 1:11

“Noh chhina tawhta noh tlana taihta phopizy hry liata ei moh palyupalihpa ta y aw ta, su to liata ropahâhpa nata hmohlâpa pathaihpazy ei moh ta ama hlâ tyh aw. Phopizy hry liata ei moh palyupalihpa ta a y aw,” Pheisaihzy Abeipa ta a tah.

MATHAI 22:32

‘Kei he Abarahâ Khazohpa, Aisika Khazohpa nata Zakaw Khazohpa ei châ,’ tahpa ta a reipa kha reih beih veih ei chi ma? Khazohpa cha athipa Khazohpa châ vei, ahrohpa Khazohpa a châ,” tah ta.

MATHAI 28:19

Chavâta sie u la, phopi zydua pachupazy ta tao u la, Paw nata Sawchapawpa nata Thlahpa Pathaihpa moh ta bâti pachâsa u la,

HMOTAOPAZY 10:34

Pity cha bie reih ta, “Khazohpa ta chyhsa khokhei eihpa a hnei leizie a siapa ta ei pahno haw.

HMOTAOPAZY 22:21

Châhrasala Abeipa ta, ‘Sie mah y, lâhlapi ta Zenitaizy lâta ei cha tuah aw,’ na tah ta,” tah ta.

HMOTAOPAZY 26:17

Na chiheihzy nata Zenitaizy lâ cha tuah aw na ta, âmo tawhta ei cha pachha aw.

HMOTAOPAZY 9:15

Châhrasala Abeipa ta a hnohta, “Vawh thlâh teh, ano cha Zenitaizy, abeizy nata Izarei sawzy lâta ei moh a ngiakheituhpa châ awpa ta, ei chhaichhi châta raopa a châ.

RAWMA 1:16

Thâtihpha cha zakhei tlôh lei khâh na ta. Ahy rai a ngiapâpa maih châta pachha châ nawpa ta Khazohpa hmotaotheina châ tlôh ta, a hmiatua ta Zu chyhsa châta châ ta, Krikâh mo châta chhao a châ.

RAWMA 10:12

Zu nata Krikâh likah ananona y vei. Abeipa pakha cha ama zydua chô liata Abeipa châ ta, ano a padotuhpa zydua chô liata byhnâ thata a pie tyhpa a châ.

RAWMA 15:16

Khazohpa thâtihpha châta theihthaina chakaona raihria liata, Zenitaizy hry liata Krista Zisu chakaotuhpa châta raopa ei châ. Chatanachata Zenitaizy hmohlâpa cha Thlahpa Pathaihpa ta pathaisa aw ta, a pyh tlâh a châ aw.

KALATIA 3:14

Chatanachata Abarahâ châta byhnâ awna cha, Krista Zisu vâta Zenitaizy hnohta vaw tlô aw ta, Thlahpa taihpa cha ngiapâna ta eima hmô thei aw.

EPHESI 3:6

Bienyupa cha he he a châ: Thâtihpha vâta Zenitaizy cha, Krista Zisu liata Izarei sawzy nata ryuto lâhpazy châ ei ta, pôhpa miakha pachiahpa a châ khohpazy nata bietai a hlypazy ama châ.

KAOLAOSÂ 3:11

Cha chyhsa thiehpa hro liana cha, Krikâh chyhsa nata Zu chyhsa tahpa tlyma, chopawtaipa nata chopawtaileipa tahpa tlyma, chi hnohkhawpa tahpa tlyma, Skythia mo tahpa hawhpa tlyma, sei tahpa tlyma, khotalaipa tahpa tlyma, y khao vei. Krista cha ato châ ta, ato liata a ypa a châ.