RAWMA 3:28 - Mara Bible RV (BSI)

²⁸ Ryhpa hmotaopazy vâta châ leipa ta, chyhsapa cha ngiapâna vâta thai a châpa ta eima rao.

RAWMA 3:28 ပူးပေါင်းရင်းမြစ်များ

ZAWHÂNA 5:24

Hmeiseihta ta, hmeiseihta ta ei cha chho ei, ahy rai ei bie thei ta, nâ tuahtuhpa a ngiapâpa cha, chhâzaw hrona a hnei haw. Thailei pachâsapa châ leipa aw ta, thina tawhta hrona lâ tlao â ngia haw.

ZAWHÂNA 6:40

He he ei Paw khopa cha a châ, ahy rai Sawchapawpa hmô ta a ngiapâpa maih cha chhâzaw hrona hnei aw ei ta, noh chhâna noh liata ei pathyu aw ei,” tah ta.

RAWMA 3:26

Zisu Krista cha mosiapa a châ thei nawpa nata ano ngiapâtuhpa châta thaipachâsatuhpa a châ thei nawpa ta, Khazohpa ta tahmâhlâ daihti liana heta Zisu Krista siana cha a vaw palâsapa a châ.

RAWMA 4:5

Rai a hria leipa chhao ta, moleipazy thai a pachâsatuhpa a ngiapâpa cha, â ngiapâna cha siana ta raopa a châ.

RAWMA 5:1

Chavâta ngiapâna vâta thai eima châ ha tawhta cha, eima Beipa Zisu Krista zawhzi ta Khazohpa nata a ryhpa ta eima y haw.

RAWMA 8:3

Sapa chiehleina vâta ryhpa ta a tao thei leipa cha, Khazohpa ta a tao haw. Ano Sawchapawpa tlai cha, molei theipa sapa pôhpa paphaosapa ta, molei atheihna châta vaw tuah ta, sapa liata moleina a ypa cha thailei a pachâsa haw.

1 KAWRINI 6:11

Nama hry liata thokha chhao, cha hawhpa chyhsa nama châ tyhpa kha. Châhrasala pasipa nata pathaisapa châ ha ei chi ta, Abeipa Zisu Krista moh ta nata eima Khazohpa Thlahpa ta thai pachâsapa nama châ haw.

KALATIA 2:16

Chatahrasala ryhpa hmotaopazy vâta chyhsa cha thaichâpa ta y leipa ta, Zisu Krista ngiapâna vâ deita ta thaichâpa ta a y, tahpa eima pahno. Chavâta keimo chhao, ryhpa hmotaopazy vâta châ leipa ta, Krista Zisu ngiapâna vâta thaichâpa ta eima y thei nawpa ta, Krista cha eimâ ngiapâ. Ryhpa hmotaopazy vâta ahy hmah thaichâpa ta y thei veih ei.

KALATIA 3:24

Chatanachata ngiapâna vâta thai eima châ thei nawpa ta, ryhpa cha Krista lâta miah chhithatuhpa a châ.

KALATIA 3:8

Zenitaizy cha ngiapâna vâta Khazohpa ta thai a pachâsa aw ei tahpa Biehrai ta pahno chhielie ta, “Nâma liata phopi to byhnâ topa ta ama y aw,” tahpa ta Abarahâ hnohta thâtihpha a vaw chho chhielie hapa a châ.

EPHESI 2:9

Hmotaopa vâta châ vei, chataleipatala chyhsa ta â palaikhei pathlei aw na.

PHILIPI 3:9

Ryhpa bie zyhpa vâta siana keima liata hnei leipa na ta, Krista ngiapâna vâta siana a hneipa ei châ. Cha siana cha Khazohpa tawhta a puapa châ ta, ngiapâna vâta hnei theipa deita a châ. Chavâta Krista liata ei y thei nawpa ta, hmo to kyna ta ei rao khai haw.

TITU 3:7

Chatanachata a ngiachhiena vâta thai pachâsapa ta y aw pi ta, chhâzaw hrona a hnabeiseihpa ryutotuhpazy eima châ thei aw.

ZÂMIE 2:18

Chyhsa ahy tlyma ta, “Nâ ta ngiapâna hnei chi ta, kei ta hmotaopa ei hnei,” a tah thei. Hmotaopa a hlao leipa nâ ngiapâna cha na pahmô tua, kei ta ei ngiapâna cha ei hmotaopa ta ei cha pahmô aw.

ZÂMIE 2:20

Hy chyhsa hrupa y, hmotaopa a hlao leipa ngiapâna cha khâpa hmah châ vei tahpa pahmô awpa na khoh ma?

ZÂMIE 2:24

Ngiapâna vâ dei châ leipa ta, hmotaopa vâta chyhsa ta thai tlao a châ tyh tahpa nama pahno.