RAWMA 2:5 - Mara Bible RV (BSI)

⁵ Na palôh kuhchhana nata ro khoh leina vâta, hiehâhna noh, Khazohpa pachiana siapa â vaw luahna noh châta, nâmasasyh ta hiehâhna nâ pachôpakhy.

RAWMA 2:5 ပူးပေါင်းရင်းမြစ်များ

2 THÂTIHZYRONA 30:8

Châ pathlatuhpazy hawhta palôh kuhchhapa ta y leipa u la, Abeipa lâta tlao a ngiarih u la, chhâzaw châta a pathaisapa a supathaihpa liata a ngia u la, Abeipa nama Khazohpa cha chakao muh vy. Chatanachata a hiehâhna ru ngaitapa chata a cha kuasai aw ei.

2 THÂTIHZYRONA 36:13

Khazohpa moh ta bie a pataihsa hapa Bei Nebukaneza chhao â chariah. A rao pachyupa ta, a palôh kuh pachhasa ta, Abeipa, Izarei Khazohpa lâ a heih khoh vei.

ZAWBÂ 21:30

Moleipa cha chhiena noh liata pahlôhpa châ ta, Pathiiana noh liata pachhapa ta a y ama tahpa thei veih ei chi ma?

HLAZY 110:5

Ei Beipa cha na chachâh lâta y ta, A hiehâhna noh liata beizy a chhawh pathlah aw.

HLAZY 95:8

Meribâ liata ama taopa hawhna khata, Nama palôh kuh pachha leipa u la, Kha noh ta Mâsâ râhchawhpa liata ama taopa hawhna khata, Tao hra khuh vy.

PUASAINA 14:17

Pachâ teh, Izi mo palôh kuh pachhasa aw na ta, Izarei sawzy a chadai aw ei ta, chatanachata Phiraoh nata a pheisaih zydua nata a talailihzy nata arâ a kiahpazy hmâpa ta palyupalihna ei hlao aw.

PUASAINA 32:34

Tahmâ zu la, phopi cha, sie nawpa ei cha chhopa su lâ a chhi mah y. Ei vâlyuhchâpa ta hmia a châ sahpa aw. Chatahrasala ei cha vaw tly ti ei ta cha, ama moleina vâta ei hrie pyly aw ei,” tah ta.

PUASAINA 8:15

Châhrasala Phiraoh ta huhiehna a vaw ypa a hmô nahta, a palôh kuh a pachha ta, Abeipa ta a rei hapa hawhta, ama bie nathlie khoh heih vei.

BIESOZY 1:18

He chyhsazy heta âmo thisaih a byh ei ta, Âmo hrona amâ byh.

BIESOZY 11:4

Hiehâhna noh liata cha, Hneirôna ta phahnaina hnei khao leipa ta; Siana deikua ta cha, Thina tawhta a pachha tyh.

BIESOZY 28:14

Abeipa khâ a chipa chyhsa cha vânoh to aw ta, A palôh kuh khâ a pachhapa deikua cha chhiena lâ a tla aw.

BIESOZY 29:1

Khâ chhoreipa chhao ta a kuh a chhapa cha, Eikhapi ta thliepa châ aw ta, Tlâh thei khao aw vei.

BIECHHOTUHPA 12:14

Khazohpa ta hmo taopa zydua, a phapa chhao, a chhiepa chhao, pachia khai aw ta, arulâta taopa zydua chhao a pachia khai aw.

ISAI 48:4

Chhorupa châ ei chi ta, Nama rao cha thua thari châ ta, Nama khizy cha dawh a châpa ei pahnopa vâta,

ZEREMIAH 40:3

A reipa hawh tlai ta, Abeipa ta tao ta, chhiena cha nama chô liata a vaw patlôsa ha hih. Abeipa chô liata hmo parao ei chi ta, a bie nama zyh leipa vâta, he hmo he nama chô liata a vaw tlôpa a châ.

EZEKIA 11:19

Palôh miakha phaoh awpa ta tao aw ei na ta, pachâna thiehpa ei pahneisa aw ei. Ama sapa tawhta alô palôh lapa aw ei na ta, sapa palôh ei pie aw ei.

EZEKIA 3:7

Izarei pathlazy deikua cha, khi châpa nata palôh kuhchhapa ama châpa vâta, ei bie nathlie khoh leipa ei ta, nâma bie chhao nathlie khoh aw veih ei.

DÂNIAH 5:20

Châhrasala a palôh a pasâhsa ta, a pachâna pachyupa ta, â vaw palai nahta cha, â beina beidyuchhai tawhta pathlapa ta y ta, a rônahna pahluhpa a châ.

HÔSIA 13:12

Epharai taopasina cha chaty hapa châ ta, A moleinazy pachô khaipa a châ.

AMÔSÂ 3:10

“Ama thokhy chhôh liata thachahra hmâh ei ta, Hraona a pachôpazy châta la, Â dopa ta hmo taozie pahno veih ei,” Abeipa ta a tah.

RAWMA 1:18

Khazohpa a pachâ leipa nata chyhsa sia leipa zydua chô liata Khazohpa pathiiana avâ tawhta a zâ luah. Âmo cha ama sialeina vâta biehmeiseihpa a pakhâtuhpazy ama châ.

RAWMA 11:25

Unawh saih u, he bienyupa he nama pahno lei awpa khoh va na. Chataleipatala namâ palai pathlei aw na. Zenitaizy pakina a vaw tlô hlâta, Izarei chô liata kuhchhana a rakhapa ta a vaw tlô chypa a châ.

RAWMA 9:22

Khazohpa ta a hiehâhna palâsa ta, a hmotaotheina pahnosa awpa khoh hra sala, hiehâhna beih a leidia tlâhpazy chô liata palôh pasi ngaitapa ta a dao lylia khiahta cha, khâpa a pei aw?

2 KAWRINI 5:10

Chyhsa to ta pôhpa liata hmotaopazy, a chhiepa tlyma, a phapa tlyma, eima taopa hawhta eima hmô chyu thei nawpa ta, Krista ryureina dyuchhai hmiakô liata paluahsapa eima châ khai aw.

RYHPACHANEINA 2:30

Châhrasala Hesbaw bei Sihaw ta a râh siepahlie miah pasaih vei. Nama ku liata a cha pie thei nawpa ei ta, Abeipa nama Khazohpa ta a palôh kuh pachhasa ta, tanoh ta a duahmo nama pahnopa hawhna heta, chhôrupa ta a tao haw.

RYHPACHANEINA 32:34

“Chazy cha ei yna liata pahmaoh na ta, Ei ryubyh chhôh liata ei khô ei.

2 THYSALAWNIKA 1:5

He he Khazohpa pachiana siazie â lâna a châ: Khazohpa khinarâh châta pasa a taopa nama châpa hawhta, Khazohpa khinarâh to tlâhpa ta raopa nama châ aw.

HEBRAI 3:13

Nama hry liata ahy hmah moleina ta dôveina liata kuhchhapa ta nama y lei nawpa ta, “tanoh” tahpa a châ chhôh zydua cha, noh chareih ta a pasyu raihrie teh u.

HEBRAI 3:15

“Tanoh he a ao nama thei khiahta cha, Chhorupa ta nama y no hawhna khata, Nama palôh kuh pachhâsa khuh vy,” tahpa a châ.

HEBRAI 4:7

Bohpi tawhna khata Dâvi hmâpa ta, “Tanoh,” tahpa ta, noh kheihawhpa tlyma rao chanei heih ta, rei chiehpa hawhta, hetana heta a reih chanei heih: “Tanoh he a ao nama thei khiahta cha, Nama palôh kuh pachhasa khuh vy.”

ZÂMIE 5:3

Nama ngôh nata tâkâzy a saiie khai ha ta, a saiiepa cha nama thaileizie pahnosana châ aw ta, nama sapa mei hawhta a kâ aw. Noh hnôhchaipazy liata ryu a pachôpa nama châ.

ZAWSUA 11:20

Abeipa ta Mawsi bie a piepa hawhta, Zawsua ta âmo cha zawngiahna hnei leipa ta, tlokhuh pahleipadia ta a pamua khai nawpa ei ta, Abeipa ta ama palôh kuh pachhasa ta, Izarei a padyuhsapa ei.

2 PITY 2:9

Cha hawhna chata Abeipa ta ano a pachâtuhpazy cha reipasaona tawhta a pachha nawpazie pahno ta, sialeipazy cha pachiana noh a tlô hlâlei hriena ry liata soh chy nawpazie chhao a pahno.

2 PITY 3:7

Châhrasala cha bie lilaw chata tahmâno ta avâ nata alei a ypazy he mei châta pachô ta, Khazohpa a uasa leipazy pachiana nata leidiana noh a tlô hlâlei â pakhei chy ei.

ZUDÂH 1:6

Vâlyuhchâpazy chhao ama biehneina nata ama pahrâna su a siesaipazy cha, noh rônahpa pachiana noh tlôna taihta zohna hnabeidyna ry liata chhâzaw bâlia ta chahrypa ta y awpa ta Abeipa ta a soh chy ei.

BIEPHUAH 2:21

A ro nawpa ta daihti pie na ta, châhrasala a sihryhna cha ro khoh vei.

BIEPHUAH 6:17

Ama hiehâhna noh rarôh y ngaitapa vaw tlô ha ta, ahy ma a duah thei aw?” tah ei ta.

1 SAMUELA 6:6

Izi mo nata Phiraoh ta palôh kuhchhapa ta ama ypa hawhna khata, khazia nama palôh kuh nama pachhasa hra aw? Khazohpa ta Izi mo kha pasa kawpa ta hria ta, cha khai tawhta Izarei sawzy kha pasiesa ei ta, ama pua hapa kha pahno veih ei chi ma?