RAWMA 2:3 - Mara Bible RV (BSI)

³ Hy chyhsapa, cha hawhpa hmo a tao tyhpazy a seituhpa y, nâ chhao kha, cha hawhta tao hra tlôh chi ta, Khazohpa pachiana khôkhâh nâ pangiasa ma?

RAWMA 2:3 ပူးပေါင်းရင်းမြစ်များ

2 SAMUELA 10:3

Châhrasala Amawna beimachâzy ta ama zibeipa Hânu hnohta, “Dâvi heta na paw a zapa vâta na hnohta thlapalôhtuhpa a vaw tuapa a châ nata na pangiasa ma? Dâvi heta khihpi he chahryh ta, mohparu ta, a pahnie thei nawpa ta, a chakaotuhpazy he a vaw tuapa tlao châ vei ma?” tah ei ta.

ZAWBÂ 35:2

“Na reipa he hmo dopa ta na pachâ ma? ‘Khazohpa hmia liata ei do,’ tah chi ta,

HLAZY 50:21

Cha hmozy cha tao chi ta, Châhrasala a chalih thlâh ha na ta, Nâma hawhpa khiah ma ei châ eina tah chi. Châhrasala tahmâ cha, cha ra aw na ta, Hmiadaisâ ta ei cha leih bâ aw.

HLAZY 56:7

Ama moleina vâta âmo cha hrie la, Hy Khazohpa, phopizy cha pathi iapa ta panawhsa mah y!

BIESOZY 11:21

Hmeiseihta ta moleipa cha hrie leipa ta y leipa aw ta, Mosiapa pathlazy deikua cha pa­chhapa ta ama y aw.

BIESOZY 16:5

Palôh laipa chyhsa cha Abeipa châta pasichhihpa châ ta, Hriena khôkhâh cheita aw vei.

EZEKIA 17:15

Châhrasala Babylaw bei cha a dyuh ta, Izi râh lâ a lyuhchâpazy tuah ta, arâzy nata pheisaih hluhpi ama vaw tuapa awpa ta â haw ei. A hlao a tloh aw ma? Cha hawhpa hmo a taopa chyhsa cha, â boh thei aw ma? Biehrai a paraopa chyhsa cha â boh thei aw ma?

EZEKIA 17:18

Bietai a papeisa leipa vâta, Biehrai cha a paraopa a châ. Bietaina ku a hlâ ha tawhta, cha hmo zydua cha a taopa vâta, a boh cheita aw vei.

DÂNIAH 10:19

Ano ta ei hnohta, “Hy chyhsa pasâhsa a chhih ngaitapa y, chi kha, thlalôhna na hnohta y mawh sy. Thatlôpa ta y la, riahphapa ta y teh,” na tah ta. Ei hnohta bie a rei khai nahta, thapatlôpa ta vaw y ha na ta, a hnohta, “Ei zibeipa ta bie reih mawh sy, tha eina patlô ha chi,” tah na ta.

MATHAI 23:33

Nâmo, parihzy saih u, nâmo, vâzi pathlazy saih u, hrienasu lâ sie awpa ta pachiana cha kheihta ma nama khôkhâh thei aw?

MATHAI 26:53

Tahmâ tlai he ei Paw lâ a haw aw sah la, vâlyuhchâpa hlao hrawh hleino hlâta hluh via eina vaw tuapa thei tahpa pahno veih ei chi ma?

LUKA 12:14

Châhrasala Zisu ta a hnohta, “Chyhsa, kei he ahy ma nâmo chô liata ryureituhpa nata ryu pachhaihtuhpa ta nâ tao?” tah ta.

LUKA 22:58

Taviapa ta mohropa ta vaw hmô heih ta, “Nâ chhao he ama hry liata a hlaopa na châ hra,” tah ta. Pity ta, “Chyhsa, châ va na,” tah ta.

LUKA 22:60

Pity ta, “Chyhsa, na bie reipa cha pahno va na,” tah ta. A rei hai nota, awh khoh pâ ha ta.

RAWMA 1:32

Cha hawhpa hmo a taopazy cha, a thi tlâh ama châ tahpa Khazohpa bieraopa pahno thlâh hana chôta, âmo taopa dei châ leipa ta, mohropazy taopa chhao amâ lykhei tyh.

RAWMA 2:1

Chavâta Hy chyhsapa, nâ, mohropa a sei thaipa, rei awpa rai hnei va chi. Mohropa na seina liana tlai khata, nâmasasyh ta thailei nâ pachâsa haw, nâ, seituhpa tlai chhao chi kha, cha hawhpa hmozy a tao tyhpa na châ hrapa vâta.

RAWMA 2:2

Cha hawhpa hmo a tao tyhpazy chô liata Khazohpa pachiana a tlô thlupa cha, a châ awpa tlai na a châ tahpa eima pahno.

RAWMA 9:20

Châhrasala chyhsapa y, Khazohpa a chakhia hrapa chi cha, ahy ma na châ? Hmotaopa ta a taotuhpa hnohta, “Khazia he hawhta eina tao chi?” a tah aw mâ?

1 THYSALAWNIKA 5:3

Chyhsazy ta, “Thlalôhna nata abohna,” tahpa ta ama rei hai nota, chanô saw zeihpa hawhta eikhapi ta leidiana ama chô liata vaw tlô aw ta, khôkhâh cheita aw veih ei.

HEBRAI 12:25

Biereituhpa khoh leipa ta nama y pathlei lei nawpa ta a chado teh u. Alei liata zikyurâtuhpazy khoh leipa hmahta hriena ama khôkhâh vei khiahta cha, vârâh tawhta zikyu miah râtuhpa eima dytha khiahta cha, hriena eima khôkhâh lei pachai aw dia!

HEBRAI 2:3

he tlu ta pachhana rônahpa he diathlâ ei sih la, kheihta e eimâ boh thei aw? Cha pachhana bie cha Abeipa ta phuah tua ta, a theituhpazy ta keimo châta ama pa-i.