Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




RAWMA 2:29 - Mara Bible RV (BSI)

29 Zu châna cha chyhsa chhôh liata y ta, chopawtaina cha palôh liata a y, châbie ta chopawtaipa châ leipa ta, Thlahpa ta taipa tlao a châ. Cha hawhpa chyhsa cha, chyhsapa reithaina hlao leipa ta, Khazohpa reithaina a hlao tyh.

အခန်းကိုကြည့်ပါ။ ကော်ပီ




RAWMA 2:29
27 ပူးပေါင်းရင်းမြစ်များ  

Ei Khazohpa y, nâ cha palôh mohpasia chi ta, adona liata nâ ly tahpa ei pahno. Palôh dopa phaopa ta, he hmozy he keima lôhthai tlai ta ei vaw hlâ. He liata a ypa na chyhsazy chhao heta âmo lôhthai tlai ta, a ly ngaitapa ta ama cha vaw hlâ tahpa ei hmô.


Ngôh kiky zeipa chysiazy ta a tobi ta, A chhôhpadâhpa liata a ypa, Abei sawchanô cha a rônah kaw dia!


Hy Zerusale, pachhapa ta na y thei nawpa ta, Hmo pha leipa tawhta na palôh pasi ha mah y. Khachâ taih ma pachâna moleipa nâ vao aw?


Hy Zudâh râhsawzy nata Zerusale khihsawzy saih u, Abeipa lâta nama chopaw tai u la, Nama palôh chopawzy tai teh u; Chataleipatala moleina hmo nama taopazy vâta, Ei hiehâhna mei hawhta pua aw ta, Ahy hmahta pachhai thei leipa ta a kâ pathlei aw na.”


“Moh teh u, sapa lia deita ta chopawtaipazy ei hrie nawpa nohzy a vaw tlô hai.


Abeipa ta a hnohta, “Nâmo, Phârisaihzy ta cha nyu nata beikoh zy a chô lâ pasi tyh ei chi ta, nama chhôh lâ deikua cha karâyna nata moleina ta a bie.


‘Moh teh u, he liata a y!’ ‘Hao liata a y!’ tah hra aw veih ei. Khazohpa khinarâh cha nama chhôh liata a y,” tah ta.


Khazohpa reithaina hlao awpa hlâta, chyhsa reithaina hlao awpa ama khoh viapa vâta a châ.


Châhrasala a daihti a tlô daihmâ, tahmâ chhao a vaw tlô haw. Cha tita Khazohpa a chhy hmeiseihpazy ta thlahpa nata biehmeiseihpa ta Paw amâ chhy aw. Cha hawhpazy cha Paw ta ano a chhytuhpa châ awpa ta a tlua ei.


Nâmo nata nâmo a reithai raihrie ei chi ta, Khazohpa hmeiseihpa a y chhôhpa tawhta â vypa reithaina hmâchhâh nama tlua vei khiahta cha, kheihta namâ ngiapâ thei aw?


Khazohpa khinarâh cha nie nata do kyh châ vei. Siana nata thlalôhna nata Thlahpa Pathaihpa liata alyna zy tlao a châ.


Chavâta a pôhpa liata chopawtai leipa, châhrasala ryhpa a zyh pakipa chata, nâ, ryhpa bie ropa ta a hneipa nata chopawtaipa, châhrasala ryhpa a paraotuhpa chi cha, thailei a cha pachâ aw.


Cha khiahta la, Zu chyhsa châpa cha phahnaina khâpa a hnei? Chopawtaipa chhao cha khâpa athôhna a hnei?


Tahmâ deikua cha, miah a chahrypa cha thisaipa ta, ryhpa tawhta eima pua haw. Chatanachata châropa parohpa siezie hawhta châ khao leipa ta, Thlahpa hro thiehpa ta eima chakao thei haw.


Chavâta a daihti a tlô hlâ nata Abeipa â vy hlâta cha, pachiana biepathlupa khâpa hmah tao khuh vy. Ano ta zohna liata hmo nyupazy cha khaihna lâ vaw puakhei aw ta, palôh achhuahnazy a palâsa aw. Cha tita chyhsa to Khazohpa reithaina ama hlao chyu aw.


Chopawtaipa cha khâpa hmah châ leipa ta, chopawtaileipa chhao khâpa hmah châ hra vei. A peimawhpa cha Khazohpa biepiepazy zyhpa he a châ.


Anosasyh a reipaphapa ta reithaina hlao hlei leipa ta, Abeipa ta a reipaphapa ta reithaina a hlao tyh.


Khazohpa ta biehrai thiehpa chakaotuhpazy châ awpa ta miah patlohsa ta, ryhpa vâta châ leipa ta, Thlahpa vâta a châ. Ryhpa ta thie ta, Thlahpa deikua ta a pahro tyh.


Chavâta nama pathipalôh chopaw tai u la, chhorupa ta y khao khuh vy.


Abeipa nama Khazohpa cha nama pathipalôh tlokhuh ta nata nama thlahpa tlokhuh ta kyhpachâpa ta, na hroh thei nawpa ta, Abeipa nama Khazohpa ta nama pathipalôh nata nama pathlazy pathipalôh chopaw a cha taipa aw ei.


Keimo, Thlahpa ta Khazohpa a chhypa, Krista Zisu a palaikheipa nata sapa liata ngâna rai a pahnie leipazy pi he, chopawtaipazy cha eima châ.


Thâtihpha pavaosa tlâhpa ta Khazohpa ta miah a raopa hawh tlai ta, chyhsa palysa a chhuah leipa ta, eima pathipalôh a pasiatuhpa Khazohpa palysa a chhuahpa ta, bie eima chho tyh.


chhôh lâta atobina, chhithaina a tleih beih leipa, nônaina nata achalihna palôh ta tlao a tobipa châ mawh sy. Cha cha Khazohpa mohmô ta a sôh ngaita.


Châhrasala Abeipa ta Samuela hnohta, “A hmisâ tlyma, a pôraoh tlyma moh kha, ano kha khoh va na. Abeipa ta la chyhsapa hmôzie hawhta hmô vei. Chyhsapa ta cha khôtho lâ alânazie moh tyh ta, Abeipa deikua cha palôh tlao a moh tyh,” tah ta.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ