RAWMA 2:27 - Mara Bible RV (BSI)

²⁷ Chavâta a pôhpa liata chopawtai leipa, châhrasala ryhpa a zyh pakipa chata, nâ, ryhpa bie ropa ta a hneipa nata chopawtaipa, châhrasala ryhpa a paraotuhpa chi cha, thailei a cha pachâ aw.

RAWMA 2:27 ပူးပေါင်းရင်းမြစ်များ

MATHAI 3:15

Zisu ta a chhy ta, “Â ryh tah thlâh ha teh. Siana zydua pakipa cha eima châta a ngiahpa a châ,” tah ta. Chatanachata paryhsa ha ta.

HMOTAOPAZY 13:22

Sawla a thy tawhta, Khazohpa ta Dâvi cha ama bei châta padua ta, Khazohpa ta, ‘Zese sawchapawpa Dâvi liata, ei palôh a phaohpa, ei khopa zydua a tao awpa ei hmô haw,’ tah ta.

RAWMA 13:10

Kyhpachâna ta vaih pasasa beih vei. Chavâta kyhpachâna cha ryhpa zyh pakina a châ.

RAWMA 2:15

Ryhpa raihria cha ama palôh liata ropa a châzie palâsa ei ta, cha cha ama chhie nata pha pahnona ta pahnokhei ta, ama pachâna hmâpa ta a châh ta thailei a pachâ ei ta, a châh ta thai ama pachâ tyh.

RAWMA 2:20

Pahnona nata biehmeiseihpa yna ryhpa na hneipa vâta, ahrupazy pasotuhpa nata hawtizy pachutuhpa ta nâ pachâ.

RAWMA 2:25

Ryhpa na zyh khiahta cha, chopawtaipa cha phahnaina a hnei. Ryhpa na parao khiahta deikua cha, na chopawtaipa cha tai leipa hawhta a châ.

RAWMA 2:26

Chopawtaileipa chyhsa ta ryhpa bieraopazy a zyh khiahta cha, a chopawtaileipa cha taipa hawhta pachâpa châ aw vei ma?

RAWMA 2:29

Zu châna cha chyhsa chhôh liata y ta, chopawtaina cha palôh liata a y, châbie ta chopawtaipa châ leipa ta, Thlahpa ta taipa tlao a châ. Cha hawhpa chyhsa cha, chyhsapa reithaina hlao leipa ta, Khazohpa reithaina a hlao tyh.

RAWMA 3:30

Khazohpa cha pakha a châpa vâta, chopawtaipa cha ngiapâna vâta thaichâ aw ta, chopawtaileipa chhao, ngiapâna vâta thai a châ hra aw.

RAWMA 8:4

Chatanachata keimo, sapa ta hroh khao leipa ta, Thlahpa ta a hroh hapazy liana heta, ryhpa ta â hnawpa siana cha pakipa ta a y aw.

1 KAWRINI 7:19

Chopawtaipa cha khâpa hmah châ leipa ta, chopawtaileipa chhao khâpa hmah châ hra vei. A peimawhpa cha Khazohpa biepiepazy zyhpa he a châ.

2 KAWRINI 3:6

Khazohpa ta biehrai thiehpa chakaotuhpazy châ awpa ta miah patlohsa ta, ryhpa vâta châ leipa ta, Thlahpa vâta a châ. Ryhpa ta thie ta, Thlahpa deikua ta a pahro tyh.

KALATIA 5:14

“Nâma kyh nâ pachâpa hawhta, na vaih kyh na pachâ awpa a châ,” tahpa bie miakha liana heta ryhpa zydua â ki.

EPHESI 2:11

Chavâta he he a thei thlâh ha teh u. Hlâno ta cha, nâmo, sapa liata Zenitaizy cha chopawtaipazy ta, “Chopawtaileipa” ama cha tah tyh. Chopawtaipa cha pôhpa liata ku ta taopa a châ.

2 TIMAWTHY 3:15

Na hawti no tawhta na pahno chiehpa Biehrai pathaihpazy kha zyh lymâ mah y. Cha Biehrai pathaihpazy cha Krista Zisu ngiapâna vâta pachha châ thei nawpa ta, chyhsa sopa châ pachâsa theipa a châ.

HEBRAI 11:3

Ngiapâna ta khizaw he Khazohpa bie ta taopa a châ tahpa pahno pi ta, chavâta hmo eima hmôpazy he hmô theipa hmozy tawhta taopa châ veih ei tahpa eima pahno.