RAWMA 2:26 - Mara Bible RV (BSI)

²⁶ Chopawtaileipa chyhsa ta ryhpa bieraopazy a zyh khiahta cha, a chopawtaileipa cha taipa hawhta pachâpa châ aw vei ma?

RAWMA 2:26 ပူးပေါင်းရင်းမြစ်များ

MATHAI 15:28

Zisu ta chanô cha a chhy ta, a hnohta “Hy chanô, nâ ngiapâna thatlô rimâ cha! Na khopa hawhta na chô liata vaw tlô mawh sy,” tah ta, cha dawh lia tlai ta a sawchanô cha tlâh ha ta.

RAWMA 2:25

Ryhpa na zyh khiahta cha, chopawtaipa cha phahnaina a hnei. Ryhpa na parao khiahta deikua cha, na chopawtaipa cha tai leipa hawhta a châ.

RAWMA 2:27

Chavâta a pôhpa liata chopawtai leipa, châhrasala ryhpa a zyh pakipa chata, nâ, ryhpa bie ropa ta a hneipa nata chopawtaipa, châhrasala ryhpa a paraotuhpa chi cha, thailei a cha pachâ aw.

RAWMA 3:30

Khazohpa cha pakha a châpa vâta, chopawtaipa cha ngiapâna vâta thaichâ aw ta, chopawtaileipa chhao, ngiapâna vâta thai a châ hra aw.

RAWMA 8:4

Chatanachata keimo, sapa ta hroh khao leipa ta, Thlahpa ta a hroh hapazy liana heta, ryhpa ta â hnawpa siana cha pakipa ta a y aw.

KALATIA 6:15

Chopawtaipa ta phahnaina hnei leipa ta, chopawtaileipa chhao phahnaina hnei hra vei. Taopathina deikua cha phahnaina a hnei.

EPHESI 2:11

Chavâta he he a thei thlâh ha teh u. Hlâno ta cha, nâmo, sapa liata Zenitaizy cha chopawtaipazy ta, “Chopawtaileipa” ama cha tah tyh. Chopawtaipa cha pôhpa liata ku ta taopa a châ.

PHILIPI 3:3

Keimo, Thlahpa ta Khazohpa a chhypa, Krista Zisu a palaikheipa nata sapa liata ngâna rai a pahnie leipazy pi he, chopawtaipazy cha eima châ.

KAOLAOSÂ 2:11

Ano liata chopawtaipa châ ei chi ta, cha cha ku ta chopawtaipa châ leipa ta, sapa ryhpa pahluh khaipa ta, Krista liata chopawtaipa nama châ.

ZAWSUA 5:5

Izi râh tawhta a kaw puapa zydua cha chopaw tai chiehpa sai châ ei ta, Izi râh tawhta ama kaw pua tawhta râhchawhpa lâpi liata a pihpazy zydua deikua cha, chopawtai leipazy ama châ.