RAWMA 2:25 - Mara Bible RV (BSI)

²⁵ Ryhpa na zyh khiahta cha, chopawtaipa cha phahnaina a hnei. Ryhpa na parao khiahta deikua cha, na chopawtaipa cha tai leipa hawhta a châ.

RAWMA 2:25 ပူးပေါင်းရင်းမြစ်များ

ZEREMIAH 4:4

Hy Zudâh râhsawzy nata Zerusale khihsawzy saih u, Abeipa lâta nama chopaw tai u la, Nama palôh chopawzy tai teh u; Chataleipatala moleina hmo nama taopazy vâta, Ei hiehâhna mei hawhta pua aw ta, Ahy hmahta pachhai thei leipa ta a kâ pathlei aw na.”

HMOTAOPAZY 7:51

“Nâmo, chyhsa chhorupa, palôh nata nakhaoh chopawtai leipazy saih u, Thlahpa Pathaihpa khâ a dyuh ei chi ta, châ pathlatuhpazy taopa hawhta, nâmo chhao nama tao hra.

RAWMA 2:13

Ryhpa bie a theituhpa maihta Khazohpa mohmô ta asiapazy châ hlei leipa ei ta, ryhpa bie a zyhtuhpazy deita thai pachâsapa ama châ aw.

RAWMA 2:23

Nâ, ryhpa a palaikheipa, ryhpa paraopa ta Khazohpa moh na pachhie tyh ma?

RAWMA 2:26

Chopawtaileipa chyhsa ta ryhpa bieraopazy a zyh khiahta cha, a chopawtaileipa cha taipa hawhta pachâpa châ aw vei ma?

RAWMA 2:27

Chavâta a pôhpa liata chopawtai leipa, châhrasala ryhpa a zyh pakipa chata, nâ, ryhpa bie ropa ta a hneipa nata chopawtaipa, châhrasala ryhpa a paraotuhpa chi cha, thailei a cha pachâ aw.

RAWMA 2:28

Chôpho dei ta Zu a châpa cha Zu hmeiseihpa châ leipa ta, chôpho ta sapa dei chopawtaipa chhao chopawtai hmeiseihpa châ vei.

1 KAWRINI 7:19

Chopawtaipa cha khâpa hmah châ leipa ta, chopawtaileipa chhao khâpa hmah châ hra vei. A peimawhpa cha Khazohpa biepiepazy zyhpa he a châ.

KALATIA 6:13

Chopawtaipazy chhao tlai ta ryhpa bie zyh tlôh leipa ei ta, nama pôhpa liata a palaikhei awpa ama hnei thei nawpa ta, chopaw cha pataisa awpa ama khohpa a châ.

KALATIA 6:15

Chopawtaipa ta phahnaina hnei leipa ta, chopawtaileipa chhao phahnaina hnei hra vei. Taopathina deikua cha phahnaina a hnei.

RYHPACHANEINA 30:6

Abeipa nama Khazohpa cha nama pathipalôh tlokhuh ta nata nama thlahpa tlokhuh ta kyhpachâpa ta, na hroh thei nawpa ta, Abeipa nama Khazohpa ta nama pathipalôh nata nama pathlazy pathipalôh chopaw a cha taipa aw ei.