RAWMA 2:22 - Mara Bible RV (BSI)

²² Nâ, aphei awpa châ vei a tahtuhpa, nâ phei tyh ma? Nâ, khazoh nothlahpazy a haotuhpa, khazoh nothlahpa achhyna o liata hmozy na paru tyh ma?

RAWMA 2:22 ပူးပေါင်းရင်းမြစ်များ

HLAZY 50:17

Pachuna a haopa ta, Ei biezy hnôhchhy tlôh chi ta.

ZEREMIAH 5:7

“Kheihta ma ei châ ngiahthai thei aw? Na sawzy ta na siesai ei ta, Khazoh a châ leipazy moh reipa ta bie amâ taih hapa cha. Ama rihbiena taihta ei pasapa chhao ei ta, Nâ pheisai pyly ei ta, Âzuahnôzy o lâ a hripi ta ama ngai tyh.

ZEREMIAH 9:2

Râhchawhpa liata khichhai riebu ei hnei mawh sala, Ei phopi he siesaipa ta, Âmo tawhta ei pua syulyu ha awpa tlai! Ama zydua ta apheipazy châ ei ta, Haiphiahpa ypakhypa ama châ.

EZEKIA 22:11

Chyhsa ta a vaih lapinô chô liata hmo pasichhihpa tao ta, mohropa ta sihryh ngaitapa ta a myuhnô papuapalei ta, mohropa ta a sietanô, a paw sawchanô tlai cha khihpi chhôh liata a ykhei.

MALAKHAI 1:14

“A sahroh zaw hry liata seina hnei leipa a chapawpa hnei thlâh ha tlôh ta, cha cha pie awpa ta bie chhao a vaw taih ha ta, hnôhlâ ta seina a hneipa sahroh Abeipa lâta a hlâpa, dôvei hmâhpa chyhsa cha chhiesapa ta a y aw. Kei he Bei rônahpa châ na ta, ei moh he phopizy hry liata chizapa ta a y aw,” Pheisaihzy Abeipa ta a tah.

MALAKHAI 1:8

Atheihna châta sahroh mochaopa nama hlâ khiahta cha, moleina châ vei ma? Asypa nata apasapa nama hlâ khiahta cha, moleina châ hra vei ma? Cha hawhpazy cha nama râh ryureituhpa hnohta pie tua rai u, nama chô liata â ly aw ma? A châ pyh aw ei ma?” Pheisaihzy Abeipa ta a tah.

MALAKHAI 3:8

Chyhsapa ta Khazohpa a hrao aw ma? Nâmo deikua ta cha eina hrao tyh ei chi. Châhrasala nâmo ta, ‘Kheih ta ma eima cha hrao tyh?’ nama tah. Su hrawh su kha nata thyunazy liata eina hrao tyh ei chi.

MATHAI 12:39

Zisu ta âmo cha a chhy ta, “Chhâ moleipa nata apheipazy ta ngiana ama tlua tyh. Châhrasala hrohsopa Zawna ngiana dei leipa ta cha, ngiana hropa piepa châ aw vei.

MATHAI 16:4

Chhâ moleipa nata apheipazy ta ngiana tlua tyh ei ta, châhrasala Zawna ngiana dei leipa ta cha, ama hnohta ngiana rai piepa châ aw vei,” tah ta. Âmo cha puasai ta, sie syulyu ha ta.

MÂKA 11:17

Âmo cha pachu ta, ama hnohta, “‘Ei o cha phopi zydua châta thlahchhâna o ama bi aw,’ tahpa ta ropa châ vei ma? Nâmo deikua ta cha, parutuhpazy lôpu ta nama tao ha he zaw,” tah ta.

HMOTAOPAZY 19:37

He chyhsa namâ vaw chhipazy he, achhyna o a papuapaleipa châ leipa ei ta, eima khazohnô a reipachhietuhpa châ hra veih ei.

RAWMA 12:9

Kyhpachâna cha haiphiana a hlao leipa châ mawh sy. Moleina a hao u la, hmo phapa khâchâ patu muh vy.

ZÂMIE 4:4

Nâmo, apheipa saih u, khizaw viasa châpa he Khazohpa nata akhakhaina a châ tahpa pahno veih ei chi ma? Chavâta ahy rai khizaw viasa châ a khohpa maih, Khazohpa khakhaipa ta â tao tyh.