RAWMA 2:21 - Mara Bible RV (BSI)

²¹ Cha hawhpa na châ hnohkua cha, nâ, mohropazy pachutuhpa, nâmasasyh ta a pachu va chi mâ? Nâ, paru lei awpa biechhotuhpa, na paru tyh ma?

RAWMA 2:21 ပူးပေါင်းရင်းမြစ်များ

ISAI 42:20

Hmo hluhpi hmô ta, Châhrasala a phapa ta ngia vei; A nah pha thlâh ha ta, Châhrasala thei vei.

ISAI 56:11

Izy cha pahâpahaohpa châ ei ta, Â daih tahna rai hnei veih ei. Izarei vaituhpazy deikua cha, Mietaku vaituhpazy châ taraw ei ta, Novâhna hnei veih ei; Ama lâpi chyu lâta a heih ei ta, Âmo athôhna lâ a heihpa sai ama châ.

EZEKIA 22:27

Râh beimachâzy cha changie zohpa ta sa tai ta, a hriechheihpa lyu ei ta, â doleipa ta athôhna ama hmô thei nawpa ta, thisaih palo ei ta, chyhsa hronazy ama pahleipadia.

MIKÂ 3:11

Khihpi chhituhpazy ta Panaopapana ta ryureih ei ta, A theihthaipazy ta Ty hneipa ta ama pachu; Hrohsopazy ta tâkâ hmô nawpa ta Pachaona rai ama hria tyh; Chatanachôta Abeipa liata a pahnieh ei ta, “Eima hry liata Abeipa y vei ma? Eima chô liata chhiena vaw tlô aw vei,” Ama tah tyh.

MATHAI 21:13

Ama hnohta, “‘Ei o cha thlahchhâna o tahpa a châ aw’ tahpa ta ropa châ ta, nâmo deikua ta parutuhpazy lôpu ta nama tao haw,” tah ta.

LUKA 11:46

Zisu ta, “Ryhpa pachutuhpa saih u, nâmo chhao nama hu a po na! Zawpizy phaohri ngaitapa paphaosa ei chi ta, nâmo deikua ta cha, nama kuparo miakha chhao ta phaohri cha hria khoh veih ei chi.

LUKA 12:47

A zibeipa khopa pahno thlâh hana chôta, a mâ chiehpa ta y leipa chakaotuhpa nata zibeipa khopa hawhta a tao leipa chakaotuhpa cha, thata tupa a châ aw.

LUKA 19:22

Zibeipa ta a hnohta, ‘Chakaotuhpa moleipa, na pakah tawhta bie a puapa tlai ta thailei ei cha pachâsa aw! Chyhsa chakhiehcharieh kawpa châ na ta, ei sokhâh leipa chhao la tyh na ta, ei tu leipa chhao a hria tyhpa ei châpa cha na pahno naw?

LUKA 4:23

Ano ta ama hnohta, “Nâmo ta la, ‘Dawhty y, nâmasasyh ta a patlâh teh,’ tahpa bieso na rei thlupa ta, ‘Kâpynia liata na taopa eima theipa kha, na khih liata chhao tao hra mah y,’ nama tah thlyu aw,” tah ta.

1 KAWRINI 9:27

Mohropazy thâtihpha ei chho khai tawhta, keima chaipa he lymâ hmô tlâh leipa ei châ pathlei lei nawpa ta, ei pôhpa he a vaopahnie na ta, ei biehneina ry liata ei soh tyh.

KALATIA 6:13

Chopawtaipazy chhao tlai ta ryhpa bie zyh tlôh leipa ei ta, nama pôhpa liata a palaikhei awpa ama hnei thei nawpa ta, chopaw cha pataisa awpa ama khohpa a châ.