RAWMA 2:13 - Mara Bible RV (BSI)

¹³ Ryhpa bie a theituhpa maihta Khazohpa mohmô ta asiapazy châ hlei leipa ei ta, ryhpa bie a zyhtuhpazy deita thai pachâsapa ama châ aw.

RAWMA 2:13 ပူးပေါင်းရင်းမြစ်များ

HLAZY 143:2

Na hmiakô liata la, Ahrohpazy hry liata mosiapa ama y leipa vâta, Châ chakaotuhpa he pachiana liata a ngiakhei khah y.

ZEREMIAH 11:6

Chatawhcha Abeipa ta hetana heta eina chho: “He bie zydua he Zudâh khihpizy nata Zerusale khiliahzy liata phuah teh. Abeipa ta hetana heta a tah: ‘He biehrai biezy he nathlie u la, zyh teh u.

EZEKIA 20:11

Chyhsapa ta zyh sala, a hro thei nawpa ta, ei bieraopazy pie ei na ta, ei ryhpazy ei pahnosa ei.

LUKA 18:14

Ei cha chho ei, thaichâpa ta a o lâ a dipa cha, Phârisaih châ leipa ta, chhiekheituhpa tlao a châ. Ahy rai a pasâhsapa maih panawhpa châ aw ei ta, a panawhpa maih palyupalihpa ama châ aw,” tah ta.

LUKA 8:21

Zisu ta âmo cha a chhy ta, “Khazohpa bie thei ta, a taopazy cha ei nô nata ei unawhzy ama châ,” tah ta.

ZAWHÂNA 13:17

Cha hmozy cha nama pahno khiahta cha, tao u la nama nohlao aw.

HMOTAOPAZY 13:39

Ahy rai a ngiapâpa maih cha ato liata thai pachâsapa ta ama y. Mawsi ryhpa ta la, chazy liata thai pachâsapa ta y thei veih ei chi.

RAWMA 10:5

Ryhpa zyhpa vâta siana hmôna kyh liata, Mawsi ta, “Ryhpa a zyhtuhpa cha, ryhpa vâna chata a hroh aw,” tahpa ta roh ta.

RAWMA 2:25

Ryhpa na zyh khiahta cha, chopawtaipa cha phahnaina a hnei. Ryhpa na parao khiahta deikua cha, na chopawtaipa cha tai leipa hawhta a châ.

RAWMA 3:20

Ryhpa vâta moleina pahnona vaw y ta, chavâta chyhsapa ahy hmahta hmotaopa vâta Khazohpa mohmô ta thaichâ thei aw veih ei.

RAWMA 3:23

Chyhsa zydua ta molei khai ha ei ta, Khazohpa rônahna to thei khao veih ei.

RAWMA 3:30

Khazohpa cha pakha a châpa vâta, chopawtaipa cha ngiapâna vâta thaichâ aw ta, chopawtaileipa chhao, ngiapâna vâta thai a châ hra aw.

1 KAWRINI 4:4

Keimasasyh a maochhie nawpa khâpa hmah pahno va na. Châhrasala cha chata thai na pachâsa hlei vei. Nâ pachiatuhpa cha Abeipa a châ.

KALATIA 2:16

Chatahrasala ryhpa hmotaopazy vâta chyhsa cha thaichâpa ta y leipa ta, Zisu Krista ngiapâna vâ deita ta thaichâpa ta a y, tahpa eima pahno. Chavâta keimo chhao, ryhpa hmotaopazy vâta châ leipa ta, Krista Zisu ngiapâna vâta thaichâpa ta eima y thei nawpa ta, Krista cha eimâ ngiapâ. Ryhpa hmotaopazy vâta ahy hmah thaichâpa ta y thei veih ei.

KALATIA 5:4

Nâmo, ryhpa ta thaichâ a chhuahpazy saih u, Krista nata a chhaih ha ei chi ta, ngiachhiena nama paosai haw.

RYHPACHANEINA 4:1

“Chavâta, Hy Izarei, bieraopa nata pachiana ei cha pachupazy ei he nathliepa ta, nama hroh thei nawpa ta zyh u la, Abeipa, châ pathlatuhpazy Khazohpa ta râh a cha piepa lâ sie u la, kei pahrâ teh u.

RYHPACHANEINA 5:1

Mawsi ta Izarei saw zydua awpakhy ta ama hnohta, “Hy Izarei, tanoh nama nah theina liata ei reipa bieraopazy nata pachianazy he nathlie u la, a chu u la, pakhâta ta zyh teh u.

RYHPACHANEINA 6:3

Chavâta Hy Izarei, nathlie la, pakhâta ta zyh mah y. Chatanachata Abeipa, châ pathlatuhpazy Khazohpa ta bie a châ taihpa sâhpiti nata kheihti lona râh liata thlaochhipa ta y aw ei chi ta, thata nama pôh aw.

ZÂMIE 1:27

Khazohpa nata Paw mohmô liata zyhna pathaihpa nata papuapalei leipa cha, Hâra nata nôhmeizy ama riethei pasataona liata deichhypa nata khizaw puapa kia leipa ta ypa he a châ.

1 ZAWHÂNA 2:29

Ano cha mosiapa a châ tahpa nama pahno khiahta cha, siana a hrokheipa maih cha ano sapa a châ tahpa nama pahno aw.

1 ZAWHÂNA 3:7

Sawzy saih u, ahy hmah a padôveisa khuh vy. Krista cha mosiapa a châpa hawhta, siana a hrokheituhpa cha mosiapa a châ hra.