RAWMA 2:1 - Mara Bible RV (BSI)

¹ Chavâta Hy chyhsapa, nâ, mohropa a sei thaipa, rei awpa rai hnei va chi. Mohropa na seina liana tlai khata, nâmasasyh ta thailei nâ pachâsa haw, nâ, seituhpa tlai chhao chi kha, cha hawhpa hmozy a tao tyhpa na châ hrapa vâta.

RAWMA 2:1 ပူးပေါင်းရင်းမြစ်များ

LUKA 12:14

Châhrasala Zisu ta a hnohta, “Chyhsa, kei he ahy ma nâmo chô liata ryureituhpa nata ryu pachhaihtuhpa ta nâ tao?” tah ta.

LUKA 19:22

Zibeipa ta a hnohta, ‘Chakaotuhpa moleipa, na pakah tawhta bie a puapa tlai ta thailei ei cha pachâsa aw! Chyhsa chakhiehcharieh kawpa châ na ta, ei sokhâh leipa chhao la tyh na ta, ei tu leipa chhao a hria tyhpa ei châpa cha na pahno naw?

LUKA 6:37

“Sei khah u, chatanachata seipa ta y aw veih ei chi. Ahy hmah thailei pachâsa khah u, chatanachata thailei pachâsapa ta y aw veih ei chi. A ngiahthai teh u, chatanachata a ngiahthaipa nama châ aw.

RAWMA 14:22

He kyh liata ngiapânazie na hneipa cha, Khazohpa nata nâma likah liata a y awpa châta soh mah y. Ano ta pha a tahpa kyh liata anosasyh thailei a pachâsa leipa chyhsa cha a nohlao na.

RAWMA 2:2

Cha hawhpa hmo a tao tyhpazy chô liata Khazohpa pachiana a tlô thlupa cha, a châ awpa tlai na a châ tahpa eima pahno.

RAWMA 2:3

Hy chyhsapa, cha hawhpa hmo a tao tyhpazy a seituhpa y, nâ chhao kha, cha hawhta tao hra tlôh chi ta, Khazohpa pachiana khôkhâh nâ pangiasa ma?

RAWMA 3:9

Cha khiahta la, keimo Zuzy pi he Krikâh mo hlâta eima pha via hlei ma? Châ bao va! Zuzy chhao, Krikâh mo chhao, moleina sei liata a ypa eima châ khaizie eima rei hapa kha.

RAWMA 9:20

Châhrasala chyhsapa y, Khazohpa a chakhia hrapa chi cha, ahy ma na châ? Hmotaopa ta a taotuhpa hnohta, “Khazia he hawhta eina tao chi?” a tah aw mâ?

1 KAWRINI 4:5

Chavâta a daihti a tlô hlâ nata Abeipa â vy hlâta cha, pachiana biepathlupa khâpa hmah tao khuh vy. Ano ta zohna liata hmo nyupazy cha khaihna lâ vaw puakhei aw ta, palôh achhuahnazy a palâsa aw. Cha tita chyhsa to Khazohpa reithaina ama hlao chyu aw.

1 KAWRINI 7:16

Hy lapinô y, na vahpa na pachha thei awpa nata pachha thei lei awpa kyh kheihta na pahno? Hy vahpa y, na lapinô na pachha thei awpa nata pachha thei lei awpa kyh kheihta na pahno?

ZÂMIE 2:20

Hy chyhsa hrupa y, hmotaopa a hlao leipa ngiapâna cha khâpa hmah châ vei tahpa pahmô awpa na khoh ma?

ZÂMIE 4:11

Unawh saih u, nâmo nata nâmo a reipachhie khuh vy. Ahy rai unawhpa a reipachhiepa tlyma, unawhpa a seipa tlyma cha, ryhpa a reipachhiepa nata a seipa a châ. Ryhpa na sei khiahta cha, ryhpa a zyhtuhpa châ leipa chi ta, ryhpa a pachiatuhpa tlao na châ.