RAWMA 16:25 - Mara Bible RV (BSI)

²⁵ Kô hluhpi nyupa ta a ypa bienyupa liata aluahna zipa ta, ei thâtihpha reipa nata Zisu Krista bie ei chhopa hawhta tha châ patlô theituhpa Khazohpa hnohta rônahna y mawh sy.

RAWMA 16:25 ပူးပေါင်းရင်းမြစ်များ

HLAZY 78:2

Pakhona bie hmâpa ta ei pakah â aw na ta, Hlâno tawhta bienyupazy ei reih aw.

DÂNIAH 2:22

Hmo a thupa nata a nyupazy palâhâh ta, Zohna liata a ypa pahno ta, A hnohta khaihna a pahrâ.

AMÔSÂ 3:7

“A chakaotuhpa hrohsopazy hnohta, A bieru a phuah ha tua leipa ta cha, Abeipa Zehôvâh ta khâpa hmah tao beih vei.

MATHAI 13:17

Hmeiseihta ta ei cha chho ei, hrohsopa hluhpi nata mosiapa hluhpi ta nama hmôpa he hmô byuh kaw ei ta, châhrasala hmô veih ei. Nama theipazy he thei byuh kaw ei ta, châhrasala thei veih ei.

MATHAI 13:35

Cha hmo cha hrohsopa ta, “Pakhona biezy hmâpa ta ei pakah â aw na ta, Hmo nyupazy ei phuah aw, Khizaw y tua no tawhta nyu hapazy cha,” tahpa ta a reipa kha a vaw tlô thei nawpa ta a châ.

MATHAI 20:7

Âmo ta a hnohta, ‘Ahy hmahta rai hria awpa miah ama pie leipa vâta a châ,’ tah ei ta. Ano ta ama hnohta, ‘Nâmo chhao kre sadô lâ sie hra teh u,’ tah ta.

HMOTAOPAZY 20:32

“Tahmâ he Khazohpa nata a ngiachhiena bie liata ei cha pavaosa ei. Cha chata cha palaiseihsa aw ei ta, mopathaihpazy hry liata ryuto a cha pahneisa aw ei.

HMOTAOPAZY 9:20

Sawla ta Zisu cha Khazohpa Sawchapawpa a châ tahpa pakhyna ozy liata thlai chho ta.

RAWMA 11:25

Unawh saih u, he bienyupa he nama pahno lei awpa khoh va na. Chataleipatala namâ palai pathlei aw na. Zenitaizy pakina a vaw tlô hlâta, Izarei chô liata kuhchhana a rakhapa ta a vaw tlô chypa a châ.

RAWMA 14:4

Mohropa chakaotuhpa seituhpa cha ahy ma na châ? Â duah tlyma, a pao tlyma, ano zibeipa hmiakô liata a taopa a châ. Abeipa cha ano a paduasa theipa a châpa vâta, â duah thlâh ha aw.

RAWMA 16:24

Eima Beipa Zisu Krista ngiachhiena nama zydua hnohta y mawh sy.

RAWMA 2:16

Thâtihpha ei reipa hawhna heta, Khazohpa ta Krista Zisu hmâpa ta chyhsapa bieruzy a pachia noh liata, cha hawhna chata a châ aw.

1 KAWRINI 1:23

Keimo deikua cha, Krista khaipâpa thâtih eima chho. Cha cha Zuzy châta achapiana châ ta, Zenitaizy châta hruna a châ.

1 KAWRINI 2:7

Eima rônah nawpa ta Khazohpa ta khizaw y hlâta a vaw rao chhielie hapa, Khazohpa sona bieru nata bienyupa tlao eima pachu tyh.

1 KAWRINI 4:1

Keimo he Krista chakaotuhpa nata Khazohpa bienyupa mokhâhtuhpa ta chyhsa ta miah pachâ mawh ei sy.

2 KAWRINI 4:3

Eima thâtihpha he khupa a châ khiahta cha, leidia haipazy châ dei ta khupa ta a y.

2 KAWRINI 4:5

Keimo thâtih chho leipa pi ta, Zisu Krista cha Abeipa a châ tahpa chho pi ta, keimo chhao Zisu vâta nâmo châ chakaotuhpazy eima châpa eima chho tyh.

KALATIA 2:2

Aluahna kyh vâta a khypa châ na ta, hraoleipa liata a vaw râpasuapa tlyma, a râpasua haipa tlyma ei châ lei nawpa ta, Zenitaizy hry liata thâtihpha tlâh ei awkhei tyhpa cha, nôpaw viapazy hnohta ano eih ta ei chho ei.

EPHESI 1:9

A hmochhuahpa bienyupa cha, â chhuahpa hawh tlai ta Krista liata a vaw patlôsapa kyh miah a pahnosa haw.

EPHESI 3:11

Cha cha Khazohpa chhâzaw hmochhuahpa châ ta, eima Beipa Krista Zisu liata a vaw patlôsa.

EPHESI 3:9

Khazohpa ato taotuhpa hnohta nyu kôzawpa bienyupa achhuahna cha palâsa awpa ta, cha ngiachhiena cha piepa ei châ hra.

EPHESI 6:19

Pakah âpa ta thâtihpha bienyupa riahpha ngaitapa ta phuah awpa ta, bie rei awpazy piepa ei châ thei nawpa ta, kei châta na hiapa hra teh u.

KAOLAOSÂ 2:2

Chatanachata ama palôhzy thapatlôpa ta y aw ta, kyhpachâna liata a chahry pabaoh aw ei ta, pahnopasiana liata hneirôna zydua topa ta, Khazohpa bienyupa, Krista cha ama pahno thei aw.

KAOLAOSÂ 4:3

Bâlia ei kyna chhâpa Krista bienyupa chho awpa ta, Khazohpa ta a bie châta ochhi miah a pahypa thei nawpa ta, thlah miah chhâpa u la,

1 THYSALAWNIKA 3:13

Chatanachata eima Beipa Zisu cha a mopathaihpa zydua chhaota â vy tita, pathipalôh pathaihna kyh liata seina hnei leipa châ awpa ta, eima Khazohpa nata Paw hmiakô liata a cha paduasa aw ei.

2 THYSALAWNIKA 2:14

Eima Beipa Zisu Krista rônahna nama to thei nawpa ta, Khazohpa ta eima thâtihpha hmâpa ta a cha aw ei.

2 THYSALAWNIKA 3:3

Châhrasala Abeipa cha ngâ a chhih ta, tha cha patlô aw ei ta, moleipa tawhta a cha pabohsa aw ei.

2 TIMAWTHY 1:9

Ano cha eima hmotaopazy vâta châ leipa ta, a hmochhuahpa nata a ngiachhiena vâta miah pachha ta, awna pathaihpa ta miah awtuhpa a châ. Cha ngiachhiena cha khizaw y hlâta Krista Zisu liata miah a pie haw.

2 TIMAWTHY 2:8

Ei thâtihpha reipa hawhta, athihpa hry tawhta a thyu heihpa, Dâvi pathla Zisu Krista a thei thlâh ha mah y.

TITU 1:2

Haipa bie a reih beih leipa nata khizaw y hlâ tawhta chhâzaw hrona bie a vaw taih hapa Khazohpa a ngiapâtuhpa ei châ.

HEBRAI 7:25

Zisu cha chyhsazy châta thlahchhâ awpa ta chhâzaw ta a hroh thlâhpa a châpa vâta, ano siepahliepa ta Khazohpa a pangaipazy cha, khatino rai ta a pachha thei ei.

1 PITY 1:20

Ano cha leilô y hlâ tawhta pahno chhieliepa châ ta, nâmo châ deikua ta cha daihti hnôhchaipazy liata palâhâhpa a châ.

1 PITY 5:10

Ngiachhiena zydua Khazohpa, a chhâzaw rônahna to awpa ta Krista liata châ awtuhpa ei chata, bohpi leipa pasa nama tao khai tawhta, cha paduapathi aw ei ta, cha pa-ipa ta tha cha patlô aw ei ta, a cha padua aw ei.

BIEPHUAH 10:7

Vâlyuhchâpa pasarina ta chiahmie ta a awna noh liata deikua cha, a chakaotuhpa hrohsopazy hnohta a phuahpa hawhna khata, Khazohpa bienyupa cha pakipa a châ aw,” tah ta.