RAWMA 16:2 - Mara Bible RV (BSI)

² Mopathaihpa a châna nata â phuhpa ta Abeipa liata a vaw ly u la, bao â ngiahna maih liata vaw bao lymâ muh vy. Kei nata chyhsa hluhpi miah a deichhy tyhpa a châ.

RAWMA 16:2 ပူးပေါင်းရင်းမြစ်များ

MATHAI 25:40

Abeipa ta âmo cha a chhy aw ta, ama hnohta, ‘Hmeiseihta ta ei cha chho ei, he ei unawhpa chyh chaipazy hry liata pakha chô liata nama taopa cha, ei chô liata a taopa nama châ,’ a tah aw ei.

HMOTAOPAZY 9:13

Anania ta a chhy ta, “Abeipa, cha chyhsa kyh cha chyhsa hluhpi tawhta ei thei mâh tâh. Zerusale liata na mopathaihpazy chô liata hmo chhiepa thata a taopa kha a châ.

HMOTAOPAZY 9:15

Châhrasala Abeipa ta a hnohta, “Vawh thlâh teh, ano cha Zenitaizy, abeizy nata Izarei sawzy lâta ei moh a ngiakheituhpa châ awpa ta, ei chhaichhi châta raopa a châ.

HMOTAOPAZY 9:36

Zôpâ liata Tâbi ama tahpa pachupa pakha y ta. A Krikâh moh cha Dawkâsi a châ. Cha chanô cha hmotao phapa nata hmopiepa ta chakaona kyh liata a piepasai ngaitapa châ ta.

HMOTAOPAZY 9:39

Pity cha thyu ta ama hnohta sie ta. O a tlô nahta, o chô chhôhpadâhpa lâ a chhi ei ta. Nôhmei zydua cha a kiapâh liata a duahpa ta, Dawkâsi a hro nota viahkao a biehpa nata chysia hropa a biehpazy pahmô ei ta, thata cha ei ta.

HMOTAOPAZY 9:41

Pity ta a ku hlâ ta, Tâbi cha pathyu ta. Mopathaihpazy nata nôhmeizy cha aw ta, Tâbi cha a hrohpa ta âmo pahmô ta.

RAWMA 15:7

Chavâta Khazohpa rônah nawpa ta Krista ta a châ pyhpa hawh ei ta, nâmo chhao a pyh raihrie teh u.

RAWMA 16:15

Philôkâ, Zulia, Neria nata a sietanô nata Ôlipâ nata ama hnohta mopathaihpa a ypa zydua kha nâ naohpa muh vy.

RAWMA 16:23

Ei tlôna paw, Kaiâ, Awnanopa a pakhy tyhna o hneituhpa ta a châ naoh ei. Khihpi sôh avaotuhpa Erastâ nata eima unawhpa Kuatâ ta ama châ naoh.

RAWMA 16:6

Nâmo châta a hriapasa ngaitapa Mâri chhao kha nâ naohpa hra muh vy.

RAWMA 16:9

Krista liata ei hrialâhpa Ubânâ nata ei kho ngaitapa Stâki kha nâ naohpa muh vy.

EPHESI 5:3

Mopathaihpazy nama châ tawhta cha, apatlana, puana zydua nata uahvana zy nama hry liata a rei chhao reipa châ khah sy.

PHILIPI 1:27

Khâpa rai châ sala, nama hro cha Krista thâtihpha nata a hmie tua mawh sy. Chatanachata nâmo ei châ vaw hmô ei tlyma, hmô vei ei tlyma, thlahpa miakha liata â ipa ta a duahpa ta, palôh miakha phaopa ta thâtihpha ngiapâna bie a châhkhei ei chi ta, nama tei lymâ tahpa ei vaw pahno aw.

PHILIPI 2:29

Thapha ngaitapa ta Abeipa liata a vaw ly u la, he hawhpa chyhsazy he palyupalih teh u.

KAOLAOSÂ 4:10

Ei tâlâhpa Aristaku ta a châ naoh ei. Bânabâ tupapa Mâka chhao ta a châ naoh ei. Ano kyh liata pahnosana vaw dao ha ei chi ta, nâmo lâ â vy khiahta cha, a vaw ly muh vy.

1 TIMAWTHY 2:10

Khazohpa a uasapa chanôzy châta a tobi awpa rakhapa ta a tobipa ta, hmo pha taopa ta tlao amâ tobi awpa ei khoh.

2 TIMAWTHY 1:18

Ephesi khih liata kyh to liata eina chakaozie chhao kha a siapa ta nama pahno. Cha noh liata Abeipa tawhta zawngiahna hmô awpa ta, Abeipa ta ano cha pasai mawh sy!

TITU 2:3

Nôhrâhpazy chhao, ama yzie liata Khazohpa a chizapa, chyhsa kyh a reih leipa nata kresawhti sei ta y leipa ta, hmo phapa pachutuhpazy châ awpa ta pachu mah y.

PHILEMAW 1:12

Cha chyhsa, ei palôh nâ hria chaipa cha, nâ lâ vaw kua awpa ta ei vaw pasiesa.

PHILEMAW 1:17

Chavâta na hrialâhpa ta eina pachâ khiah chi ta cha, keima einâ ly awpa hawh chi ta ano he a vaw ly mah y.

2 ZAWHÂNA 1:10

Ahy rai Krista pachuna bie a phao leipa ta nâmo lâ â vy khiahta cha, nama o liata patlôsa leipa u la, reikah phapa chhao hlâ khuh vy.