RAWMA 15:8 - Mara Bible RV (BSI)

⁸ Ei cha chho ei, pathlatuhpazy hnohta bietai pa-i ta, Khazohpa adona palâsa nawpa ta, Krista cha chopawtaipazy chakaotuhpa ta a vaw ypa a châ.

RAWMA 15:8 ပူးပေါင်းရင်းမြစ်များ

BIESOZY 8:7

Ei pakah ta biehmeiseihpa reih aw ta, Paraona cha ei hmao châta pasichhihpa a châ.

MIKÂ 7:20

Miah pathlatuhpazy hnohta Hlâno tawhta bie nâ vaw taih hapa hawhta, Zakaw chô liata ngâchhihna palâsa aw chi ta, Abarahâ chô liata kyhpachâna tleih beih leipa na palâsa aw.

MATHAI 15:24

Zisu ta, “Izarei phopi mietaku aleipazy hnoh dei ta tuapa ei châ,” tah ta.

MATHAI 20:28

Chyhsa Sawchapawpa tlai chhao he, chyhsa ta ama chakaopa châ awpa ta a zupa châ leipa ta, chakaotuhpa châ awpa nata chyhsa hluhpi chatlai nawpa ta a hrona pie awpa ta a zupa a châ,” tah ta.

ZAWHÂNA 1:11

Ano chyhsazy lâ a zu ta, châhrasala a chyhsazy ta a ly veih ei.

ZAWHÂNA 10:16

He mietaku sadô liata a y leipa mietaku hropazy ei hnei. Âmo chhao a vaw chhi aw ei na ta, ei ao ama thei hra aw. Chatanachata zaw kha ta y aw ei ta, vaituhpa pakha ama hnei aw.

HMOTAOPAZY 13:46

Pawla nata Bânabâ ta riahpha ngaitapa ta, “Khazohpa bie he nâmo liata rei tua chai awpa tlai châ ta, châhrasala dytha ei chi ta, chhâzaw hrona to tlâh châ lei awpa ta, nâmosasyh ta namâ tao ha hnohkua cha, pachâ teh u, Zenitaizy lâ eimâ heih ha aw.

RAWMA 11:22

Chavâta Khazohpa phazie nata chichhihzie he pachâ mah y. A paopazy châta chichhihpa châ ta, nâma châta deikua cha, a phana liata na y thlâh ha khiahta cha, Khazoh phapa a châ. Chataleipatala nâ chhao chhawh pathlahpa na châ aw.

RAWMA 11:30

Eikhano ta cha Khazohpa rei a ngiah leipa châ ei chi ta, tahmâ deikua cha, âmo reingiah leina zawhzi ta ngiachhiena nama to haw.

RAWMA 15:16

Khazohpa thâtihpha châta theihthaina chakaona raihria liata, Zenitaizy hry liata Krista Zisu chakaotuhpa châta raopa ei châ. Chatanachata Zenitaizy hmohlâpa cha Thlahpa Pathaihpa ta pathaisa aw ta, a pyh tlâh a châ aw.

RAWMA 3:26

Zisu Krista cha mosiapa a châ thei nawpa nata ano ngiapâtuhpa châta thaipachâsatuhpa a châ thei nawpa ta, Khazohpa ta tahmâhlâ daihti liana heta Zisu Krista siana cha a vaw palâsapa a châ.

RAWMA 3:3

Thokha ngâchhih leipa ei sala, kheihta a châ aw? Âmo ngâchhih leina chata Khazohpa ngâchhihna hraoleipa ta a tao aw ma?

RAWMA 4:16

Chavâta bietai cha ngiachhiena liata a pahnieh ta, a pathla zydua châta pa-ipa a châ thei nawpa ta, ngiapâna ta a vaw tlôpa a châ. Ryhpa a hneipazy dei châ leipa ta, Abarahâ ngiapâna a hlykheituhpazy chhao ta ama hmô hra aw. Ano cha eima zydua paw a châ.

1 KAWRINI 1:12

Ei rei khohpa cha he he a châ. Pakha ta, “Kei Pawla py ei châ,” tah ta, pakha ta, “Kei Apawlôsâ py ei châ,” tah ta, mohropa ta “Kei Kephâ py ei châ,” tah ta, mohropa heih ta, “Kei Krista py ei châ,” nama tah.

1 KAWRINI 10:19

Khâpa ma rei ei chhuah? Nothlahpa lâta atheihna hlâpa cha khâpa hmah châ leipa ta, nothlahpa chhao cha khâpa hmah châ vei, ei tah mâ?

1 KAWRINI 10:29

Nâma chhie nata pha pahnona kyh reih leipa na ta, mohropa chhie nata pha pahnona kyh ei reipa tlao a châ. Khazia ei khotalaina cha, chyhsa hropa chhie nata pha pahnona ta a pachia aw?

1 KAWRINI 15:50

Unawh saih u, he bie he ei cha chho ei. Sapa nata thisaih heta Khazohpa khinarâh to thei leipa aw ta, thi theipa heta thi thei leipa to thei aw vei.

2 KAWRINI 1:20

Khazohpa bietai zydua cha Krista liata, “A châ” tahpa ta â vaw ki khai haw. Chavâta ano moh ta nata ano rônah nawpa ta, Khazohpa lâ Amen eima tah tyh.

EPHESI 2:12

Kha nona kha, Krista a hlao leipa ta y ei chi ta, Izarei râh nata a maniahpa ta, bietai biehraizy liata khichhaipa châpa ta, hnabeiseihna hnei leipa nata Khazohpa hnei leipa ta khizaw liata nama y.