RAWMA 15:5 - Mara Bible RV (BSI)

⁵ Tiamana nata thatlôna Khazohpa ta Krista Zisu khozie hawhta nama zydua ta a ryh ngaitapa ta y awpa ta cha bao mawh ei sy.

RAWMA 15:5 ပူးပေါင်းရင်းမြစ်များ

2 THÂTIHZYRONA 30:12

Abei nata beimachâzy ta Abeipa bie hawhta bie ama piepa cha tao awpa ta, Khazohpa ku cha Zudâh chô liata y ta, Zudâh pathlazy cha palôh miakha paphaosa ta.

HLAZY 86:5

Hy Abeipa, nâ cha Khazoh phapa nata a ngiahthai theituhpa châ chi ta, Châ padotuhpazy chô liata zawngiahna a hnei hluh ngaitapa na châ.

PUASAINA 34:6

Abeipa cha Mawsi hmiakô liata vaw sie ta, “Abeipa, Abeipa, zawngiahna nata ngiachhiena Khazohpa, hiehâh rupa, kyhpachâna nata ngâchhihna ta a biepa,

ZEREMIAH 32:39

Âmo pha nawpa nata âmo hnôhlâ ta ama pathlazy pha nawpa ta chhâzaw ta eina chi thei nawpa ei ta, palôh miakha paphaosa aw ei na ta hrozie miakha ei pahneisa aw ei.

EZEKIA 11:19

Palôh miakha phaoh awpa ta tao aw ei na ta, pachâna thiehpa ei pahneisa aw ei. Ama sapa tawhta alô palôh lapa aw ei na ta, sapa palôh ei pie aw ei.

HMOTAOPAZY 4:32

Ngiapâtuhpa manôh zydua cha palôh miakha nata pachâna su kha ta y ei ta. Ahy hmahta a sôh hneipazy cha ano eih sai ta rao leipa ta, hmo zydua a hly khai ei ta.

RAWMA 12:16

A dyh raihrie u la, a pasâhsa leipa ta, chyhsa nawhpazy a kao u la, apasosa khuh vy.

RAWMA 15:13

Thlahpa Pathaihpa hmotaotheina zawhzi ta hnabeiseihna hluhpi nama hnei thei nawpa ta, hnabeiseihna Khazohpa ta, ano nama ngâpa hawhta, alyna nata thlalôhna ta cha pabie mawh ei sy.

RAWMA 15:3

“Nâma châ pasipasawhtuhpa pasipasawhna cha keima chô liata a tla haw,” tahpa ropa hawhta, Krista chhao khata ano alyna tlua vei.

1 KAWRINI 1:10

Unawh saih u, nama hry liata achhaihna rai a y lei nawpa ta, nama zydua reiraohpa ta, palôh miakha nata pachâna miakha phaopa ta a pôhkha awpa ta, eima Beipa Zisu Krista moh ta ei châ haw ei.

2 KAWRINI 13:11

Achhâna ta, unawh saih u, a lypa ta y teh u. Phapaki a chhuah u la, thlah a palôh raihrie u la, palôh miakha phaohpa ta, adyryh kawpa ta y teh u. Kyhpachâna nata thlalôhna Khazohpa cha nama hnohta y mawh sy.

2 KAWRINI 7:6

Châhrasala palôh rietheipazy thlapalôhtuhpa Khazohpa ta Titu vaw tuah ta, thlah miah a palôh haw.

EPHESI 5:2

Krista ta kyh miah pachâ ta, ropahâhpa châta Khazohpa lâta hmohlâpa ta nata atheihna ta keimo châta â piepa hawhna khata, kyhpachâna hro ta nâmo chhao hroh teh u.

PHILIPI 1:27

Khâpa rai châ sala, nama hro cha Krista thâtihpha nata a hmie tua mawh sy. Chatanachata nâmo ei châ vaw hmô ei tlyma, hmô vei ei tlyma, thlahpa miakha liata â ipa ta a duahpa ta, palôh miakha phaopa ta thâtihpha ngiapâna bie a châhkhei ei chi ta, nama tei lymâ tahpa ei vaw pahno aw.

PHILIPI 2:2

palôh miakha phaoh ta, kyhpachâna miakha hneipa ta, lôraohpa nata reihkha tlapa ta ei lyna paki teh u.

PHILIPI 3:16

Khâpa rai châ sala, eima tlôna rakha liata eima duahmo nata â hmiepa ta hroh sih la, eima tlô pachiena tawhta hmialâ tôh lymâ suh u.

PHILIPI 4:2

Abeipa liata palôh miakha phaoh awpa ta Eudia nata Sytyke zy ei haw ei.

1 PITY 3:20

âmo cha Nôah hro nota balyh tao chhôh zydua Khazohpa ta dao thei ngaitapa ta a hâ chhôh ta reingiahleipa thlahpazy kha ama châ. Balyh liana cha chyhsa chyhta, pacharie deita, ti tawhta ta pachhapa ama châ.

1 PITY 3:8

A chhâ chaina ta cha, nama zydua ta palôh miakha phaohpa ta y u la, tha a pasa raihrie teh u. Unawh hawhta kyh a pachâ u la, a ngiachhie raihriepa ta, areisipa ta y teh u.

2 PITY 3:15

Eima unawh kho ngaitapa Pawla chhao ta, a hnohta sona piepa lymâ hawhta nâmo lâ châ a ropa hawhna khata, eima Beipa daotheizie he pachhana ta rao teh u.

2 PITY 3:9

Thokha ta Abeipa cha a bietai patlôna kyh liata nainôsôpa hawhta pachâ ei ta, châhrasala a nainôsô vei. Abeipa cha nâmo châta palôh pasi ngaitapa châ ta, ahy hmah ama leidia awpa khoh leipa ta, chyhsa zydua ama ro khai awpa tlao a khoh.