RAWMA 15:31 - Mara Bible RV (BSI)

³¹ Zudia râh liata ngiapâleipazy tawhta ei boh thei nawpa nata Zerusale liata ei chakaona cha mopathaihpazy châta a pyh tlâh a châ thei nawpa ta thlah na chhâkhei teh u.

RAWMA 15:31 ပူးပေါင်းရင်းမြစ်များ

HMOTAOPAZY 22:24

Pawla cha pheisaih su lâ a chhi awpa ta, pheisaih hyutuhpa ta biepie ta. Cha tlupo ta ama awh chiena chhâpa pahno awpa ta, Pawla cha chhei ta, hiahri pasia awpa a chhuah ta.

HMOTAOPAZY 25:2

Theihthai beizy nata Zu nôpawpazy ta Pawla ama leihna cha a hnohta tlôkhei ei ta.

HMOTAOPAZY 25:24

Festâ ta, “Bei Akripâ nata eima hnohta a ypa zydua saih u, he chyhsa nama hmôpa he, ano kyh liana heta Zerusale nata he liata Zu chyhsa a ypa zydua ta a hroh tlâh châ khao vei tahpa ta thata awh ei ta.

HMOTAOPAZY 9:13

Anania ta a chhy ta, “Abeipa, cha chyhsa kyh cha chyhsa hluhpi tawhta ei thei mâh tâh. Zerusale liata na mopathaihpazy chô liata hmo chhiepa thata a taopa kha a châ.

HMOTAOPAZY 9:15

Châhrasala Abeipa ta a hnohta, “Vawh thlâh teh, ano cha Zenitaizy, abeizy nata Izarei sawzy lâta ei moh a ngiakheituhpa châ awpa ta, ei chhaichhi châta raopa a châ.

RAWMA 15:25

Tahmâ deikua cha, mopathaihpazy deichhyna hmo pie awpa ta Zerusale lâ ei sie chy aw.

1 KAWRINI 16:15

Unawh saih u, Stiphanasâ chhôhkhazy kha Akai râh liata Krizyhpa hmiatuapa châ ei ta, mopathaihpazy chakaona raihria liata â pie pasai ngaitapa ama châzie nama pahno.

2 KAWRINI 1:10

Khazohpa ta thina chichhihpa tawhta miah pachha ha ta, miah pachha heih aw ta, miah a pachha lymâ aw tahpa eima hnabeiseihna ano liata eima pahnieh.

2 KAWRINI 8:4

Mopathaihpazy deichhy chakaona rai liata a hlao hra awpa ta thata miah amâ haw.

2 KAWRINI 9:1

Mopathaihpazy châta chakaona kyh cha nama hnohta ei roh hluh awpa byuh vei.

2 KAWRINI 9:13

Cha chakaona cha, Krista thâtihpha namâ pyhpa vâta, Zerusale liata mopathaihpazy châta nata mohropazy châta riapha ngaitapa ta nama thyupa a châzie ama pahno tita, Khazohpa ama palyupalih aw.

1 THYSALAWNIKA 2:15

Cha Zuzy cha Abeipa Zisu nata hrohsopazy a thietuhpa châ ei ta, keimo chhao miah papua ei ta, Khazohpa palysa leipa ei ta, chyhsa zydua chakhiatuhpa ama châ.

2 THYSALAWNIKA 3:2

Chyhsa zydua ngiapâtuhpa ama châ khai leipa vâta, chyhsa chhorupa nata moleipazy tawhta eimâ boh thei nawpa ta thlah miah chhâpa hra muh vy.

2 TIMAWTHY 3:11

taolana ei tyhpa nata pasa ei taona zydua na pahno. Antiôkâ khih liata zy, Ikônia khih liata zy, Lystâ khih liata zy taolana ei tyhna liata ei taopasana zydua pahno chi ta, cha taolanazy tawhta Abeipa ta eina pachhapa chhao na pahno.

2 TIMAWTHY 4:17

Châhrasala keima hmâpa ta thâtihpha chho pakipa ta a y thei nawpa nata Zenitai zydua ta ama thei thei nawpa ta, Abeipa tlai ta nâ duakhei ta, tha eina patlô. Chatanachata chakeibarôhneipa pakah tawhta pachhapa ta ei y haw.