RAWMA 15:26 - Mara Bible RV (BSI)

²⁶ Mâsidônia nata Akai râhzy ta, a ly kawpa ta Zerusale liata mopathaihpa dyhchhiepazy châta thyupakhy ei ta.

RAWMA 15:26 ပူးပေါင်းရင်းမြစ်များ

BIESOZY 14:21

A vaih a mohnaopa cha moleipa châ ta, Dyhchhiepazy chô liata a ria a phapa deikua cha vânoh a to aw.

BIESOZY 14:31

Sipasapa a tlybaipa cha a Taotuhpa palôh a pasasapa châ ta, Phahlapazy a ngiachhiepa deikua cha a Taotuhpa a palyupalih.

BIESOZY 17:5

Sipasapa a mohnaopa cha, Ano Taotuhpa palôh pasasa ta; Mohropa chhiena liata a lypa chhao, Hriena khôkhâh aw vei.

ZEKARIA 11:11

Cha noh ta biehrai cha phiepa a châ nahta, sahroh zaw hry liata a tlâhleipa nâ vaw moh thlâh hapazy ta, cha cha Abeipa Bie a châ tahpa pahno ha ei ta.

ZEKARIA 11:7

Chavâta thie awpa ta raopa sahroh zaw cha pasa ei na ta, sahroh tlâhleipazy cha ei mohôh pachai ei. Chatawhcha chôchahrei miano la na ta, miakhapa cha a moh “Khokhei” bi na ta, ahropa cha “Pôhkha” ei bi. Cha hawhna chata sahroh zaw cha ei mohôh ei.

MATHAI 25:40

Abeipa ta âmo cha a chhy aw ta, ama hnohta, ‘Hmeiseihta ta ei cha chho ei, he ei unawhpa chyh chaipazy hry liata pakha chô liata nama taopa cha, ei chô liata a taopa nama châ,’ a tah aw ei.

MATHAI 26:11

Dyhchhiepazy cha nama hnohta khâ ama y thlâh ha aw. Kei deikua cha nama hnohta khâ a y awpa châ va na.

LUKA 14:13

Kyh na chhi tita, dyhchhiepazy, pihpasipazy, pheisypazy, mochaopazy tlao hrua mah y.

LUKA 6:20

Zisu ta a pachupazy cha moh ta, ama hnohta, “Nâmo, sipasapazy saih u, nama nohlao na, Khazohpa khinarâh cha nâmo eih a châpa vâta.

HMOTAOPAZY 16:12

Cha tawhna chata Philipi lâ sie pi ta. Philipi cha Mâsidônia râh liata khihpi peimawhpa châ ta, Rawma a vaopa khihpi a châ. Cha khihpi liata noh khazie tlyma châh pi ta.

HMOTAOPAZY 16:9

Zâ ta Pawla ta aluahna hmô ta. Mâsidônia chyhsa pakha a vaw duah thlâh ha ta, ano chata, “Masidônia râh lâ a vy la, miah vaw bao teh,” tahpa ta a haw ta.

HMOTAOPAZY 18:12

Kâliô cha Akai râhvaotuhpa a châ nota, Zuzy cha a paraohpa ta Pawla tei ei ta, ryureina hmiakô lâ a chhi ei ta.

HMOTAOPAZY 19:21

Cha khai tawhta, Pawla cha Thlahpa chhihthapa ta Mâsidônia râh nata Akai râhzy chahryh ta, Zerusale lâ sie a chhuah ta, “Cha râhzy ei tlô tawhta, Rawma chhao ei tly awpa a châ,” tah ta.

HMOTAOPAZY 9:13

Anania ta a chhy ta, “Abeipa, cha chyhsa kyh cha chyhsa hluhpi tawhta ei thei mâh tâh. Zerusale liata na mopathaihpazy chô liata hmo chhiepa thata a taopa kha a châ.

1 KAWRINI 16:15

Unawh saih u, Stiphanasâ chhôhkhazy kha Akai râh liata Krizyhpa hmiatuapa châ ei ta, mopathaihpazy chakaona raihria liata â pie pasai ngaitapa ama châzie nama pahno.

1 KAWRINI 16:5

Mâsidônia râh chahryh a chhuah na ta, Mâsidônia râh ei chahryh khai tawhta, nâmo ei cha vaw tly aw ei.

2 KAWRINI 1:16

Mâsidônia lâ ei siena liata cha vaw tly pâ ta, Mâsidônia tawhta nâmo lâ vaw kua heih ta, nâmo ta Zudia lâ eina pathlie awpa ei chi ei chhuah.

2 KAWRINI 11:9

Nama hnohta y na ta, ei phahla nota ahy phaohri hmah châ beih va na. Mâsidônia râh tawhta a vypa unawhzy ta ei phahlanazy liata eina deichhy lymâ ei. Nama phao cha pahri lei awpa a chhuah na ta, cha hawhta ei tao lymâ aw.

2 KAWRINI 2:13

Châhrasala ei unawhpa Titu ei hmô leipa vâta, ei thlahpa a chhôhmoh thei leipa ta, âmo cha reikah phapa ta a chhaih na ta, Mâsidônia râh lâ ei palâh haw.

2 KAWRINI 7:5

Mâsidônia râh eima vaw tlô nota, eima pôhpa a pahâ beih leipa ta, su to liata riethei pataosapa ta eima y. Khôtho lâta miah a dyuh ei ta, chhôh lâta china ta miah a khu.

2 KAWRINI 9:12

Cha deichhy chakaona raihria cha, mopathaihpazy phahlana pazaona dei châ leipa ta, Khazohpa lâta alyna biereina hluhpi a paysatuhpa a châ hra.

2 KAWRINI 9:2

Cha chakaona raihria châta a mâ chiehpa ta nama ypa pahno na ta, Akai râh cha zâkô tawh khata a mâh chiehpa ta ama y tahpa ta Mâsidônia mo hmiakô liata ei châ palaikhei kaw ei. Nama phahnai ngiahna ta chyhsa hluhpi palôh a pahra haw.

2 KAWRINI 9:4

Chataleipatala Mâsidônia mo ta na vaw zi ei sala, namâ mâ leipa ama cha hmô khiahta cha, eima cha ngâpa hawhta a châ leipa vâta, nâmo maophyuh leipa aw ei chi ta, keimo maophyuhna a châ aw.

PHILIPI 4:15

Nâmo, Philipi mo saih u, thâtihpha ei chho tua nota Mâsidônia râh tawhta ei pua nona kha, nâmo dei leipa ta cha, Awnanopa miakha hmahta hmopiena nata hmodaona kyh liata na hrialâh veih ei tahpa nâmo tlai ta nama pahno.

1 THYSALAWNIKA 1:7

Mâsidônia nata Akai râh liata ngiapâtuhpa zydua châta a mopâ awpa nama vaw châ.

1 THYSALAWNIKA 1:8

Abeipa bie cha nâmo tawhta Mâsidônia nata Akai râhzy liata a pathâhpa dei châ leipa ta, Khazohpa namâ ngiapâna kyh cha su to liata pathâh ta, chavâta keimo ta khâpa hmah eima rei awpa byuh khao vei.

1 THYSALAWNIKA 4:10

Cha tlai cha Mâsidônia râh liata unawh zydua chô liata nama taopa kha a châ. Châhrasala unawh saih u, kyhpachâna rai hria via lymâ awpa ta eima châ haw.

1 TIMAWTHY 1:3

Mâsidônia râh lâ ei sie nota, nâ cha Ephesi khih liata châh ta, chyhsa thokhazy hnohta biezyhpa nanopa pachu lei awpa ta biepie awpa ta châ haw na ta.

PHILEMAW 1:5

Abeipa Zisu nâ ngiapâna nata mopathaihpa zydua kyh na pachâzie zy vaw thei na ta,