RAWMA 15:1 - Mara Bible RV (BSI)

¹ Keimo, thatlôpazy pi heta keimo alyna tlua leipa ta, chiehleipazy ama pachyu leina liata eima bao awpa a châ.

RAWMA 15:1 ပူးပေါင်းရင်းမြစ်များ

RAWMA 14:1

Ngiapâna liata chiehleipa chyhsa cha a pyh thai u la, â lôhleina kyh liata sei khuh vy.

RAWMA 14:2

Chyhsa pakha cha â ngiapâna ta ato nie thei awpa ta pachâ ta, chyhsa chiehleipa deikua cha âhnalasi deita a nie tyh.

RAWMA 4:20

Ngiapâna a phahla beih leipa ta, Khazohpa bietai a lôh leipa ta y beih vei. Â ngiapâna a thatlô via rili ta, Khazohpa a palyupalih lymâ.

1 KAWRINI 4:10

Keimo la Krista châta ahrupa châ pi ta, nâmo deikua Krista liata asopa nama châ. Keimo la chiehleipa châ pi ta, nâmo deikua thatlôpa nama châ. Nâmo cha chyhsa palyupalihpa ta y ei chi ta, keimo deikua chyhsa mohnaopa ta eima y.

1 KAWRINI 9:22

Chiehleipazy ei pahnie thei nawpa ta, chiehleipazy hnohta chiehleipa hawhta ei y tyh. Kheihawhta chhâ ma chyhsa thokha ei pachha thei nawpa ta, chyhsa zydua hnohta ato châpa ta ei y tyh.

2 KAWRINI 12:10

Cha vâna tlai chata chiehleina liata zy, mohnaona liata zy, rietheina liata zy, taolana liata zy, nôpona liata zy palôhtlâh ei paoh tyh. Ei chiehleina daihti maihta thatlôpa ei châ tyh.

EPHESI 6:10

A chhâ chaina ta cha, Abeipa nata a thatlôna liata thatlôpa ta y teh u.

PHILIPI 2:4

Nâmo khopa dei moh leipa u la, mohropazy khopa chhao moh tyh hra muh vy.

1 THYSALAWNIKA 5:14

Unawh saih u, thathipazy chhorei u la, palôh chhâpazy thapatlôpa ta, chiehleipazy bao u la, chyhsa zydua chô liata nôpha awpa ta eima châ haw.

2 TIMAWTHY 2:1

Chavâta nâ, ei saw y, Krista Zisu liata ngiachhiena a ypa liata thatlôpa ta y mah y.

1 ZAWHÂNA 2:14

Pawzy saih u, âthaona tawhta a y thlâhpa ano cha nama pahnopa vâta, nâmo lâ ei vaw roh. Satliazy saih u, nama thatlô ta, Khazohpa bie nâmo liata y ta, moleipa nama tiah hapa vâta, nâmo lâ ei vaw roh.