RAWMA 14:4 - Mara Bible RV (BSI)

⁴ Mohropa chakaotuhpa seituhpa cha ahy ma na châ? Â duah tlyma, a pao tlyma, ano zibeipa hmiakô liata a taopa a châ. Abeipa cha ano a paduasa theipa a châpa vâta, â duah thlâh ha aw.

RAWMA 14:4 ပူးပေါင်းရင်းမြစ်များ

HLAZY 17:5

Ei keih chakâpazy ta na lâpizy khâchâ a chhih ta, Ei pheizy a chapia beih vei.

HLAZY 37:17

Moleipa bâhzy cha thliepa châ aw ta, Mosiapa deikua cha Abeipa ta khâchâ a patu aw.

HLAZY 37:24

Abeipa ta a ku liahsa a patu hapa vâta, Pao hra sala, Pao pathlah aw vei.

HLAZY 37:28

Abeipa cha ryureina dopa khoh ta, A mopathaihpazy a heihsai beih leipa ta, Chhâzaw ta a hrôbieh ei. Moleipa pathlazy deikua cha, Chhawh pathlahpa ama châ aw.

ISAI 40:29

Panaopa hnohta hmotaotheina pie ta, Chiehleipa châta thatlôna a papôh tyh.

HMOTAOPAZY 11:17

Cha hawhta, keimo Abeipa Zisu Krista eimâ ngiapâ nota Khazohpa ta miah a piepa hmopiepa cha, Khazohpa ta âmo a pie ha hra khiah ei ta cha, Khazohpa lâpi liata chybâlâkhâ châ awpa ta, kei he ahy ma ei châ?” tah ta.

RAWMA 11:23

Âmo chhao cha ngiapâleipa ta ama y ngâ thlâh vei khiahta cha, pazaopa ta ama y aw. Khazohpa cha âmo pazao heih theina hmotaotheina a hneipa a châ.

RAWMA 14:3

Ato a niepa ta a nie leipa mohnao khah sy. A nie leipa chhao ta, a niepa sei khah sy. Khazohpa ta ano cha â pyh ha mâh tâh.

RAWMA 16:25

Kô hluhpi nyupa ta a ypa bienyupa liata aluahna zipa ta, ei thâtihpha reipa nata Zisu Krista bie ei chhopa hawhta tha châ patlô theituhpa Khazohpa hnohta rônahna y mawh sy.

RAWMA 9:20

Châhrasala chyhsapa y, Khazohpa a chakhia hrapa chi cha, ahy ma na châ? Hmotaopa ta a taotuhpa hnohta, “Khazia he hawhta eina tao chi?” a tah aw mâ?

HEBRAI 7:25

Zisu cha chyhsazy châta thlahchhâ awpa ta chhâzaw ta a hroh thlâhpa a châpa vâta, ano siepahliepa ta Khazohpa a pangaipazy cha, khatino rai ta a pachha thei ei.

1 PITY 1:5

Daihti hnôhchaipa liata palâhâh awpa ta a mâ chiehpa ta a ypa ngiapâna vâta pachhana nama hmô thei nawpa ta, Khazohpa hmotaotheina ta vaipa nama châ.

ZUDÂH 1:24

Tahmâ he nama pao lei nawpa ta châ hrôbieh theipa ei nata a rônahna hmiakô liata seina hnei leipa ta, a ly ngaitapa ta châ soh theipa ei,